• 瀏覽: 3,238
  • 回覆: 3
[隱藏]
其實我有腦癌有一段時間
因為發現得早. 已做完手術+化療+電療,現在穩定,但醫生話頭3年係蜜月期,
醫生話90%病人3年後復發, 之後就會越哩越嚴重
咁我就自已上網搵D資料有關於我既腦癌情況
"膠質瘤的嚴重性可根據細胞變異、增殖指數、鄰近組織入侵性、新增不正常腫瘤血管、腫瘤內部壞死等,從而分為4級。第一、二級生長緩慢,性質比較溫和。第三、四級屬於高度惡性,尤其第四級,可稱「多形膠質母細胞瘤」,生長異常迅速,擴散距離遙遠"
而我搵到如果當腦瘤惡化後有可能需要用一部電療機24小時放係頭度痴住, 去令癌細胞減低再持續增生,
但果部機要90萬....
咁我心唸, 我仲有最小3年, 長既可以有5-10年, 咁我依家開始儲錢自已救自已啦~
但我屋企有個阿媽. 佢退休, 冇番工, 我唔知佢確實身家有幾多,但見佢次次買股票都幾十萬咁落, 做個定期20萬-50萬咁做,
屋企有個家姐仲有個係澳洲既阿哥, 佢地兩個近十年都未比過家用,
而我一出哩做野就有開始比, 小有小比, 多有多比. 睇自已能力或者果陣既人工(因為果陣我自已一邊自已供自已上大學再讀埋學士學位) 有時比家用係500, 有時幾千,
我做完手術後有段時間行唔到路, 成日頭暈( 依家有時望太耐電腦都會頭暈, 係街行路都會企唔穩)所以好難出去搵野做, 而我之前做左13年都係時裝設計師.依家就小小地做手工製品羅上網賣都可以支持自已生活費唔洗問屋企人羅錢
手術後我出左張附屬卡比媽咪任錄, 佢都係一個月幾千幾千,都係買下屋企日用品野食之類,我都仲可以付擔,另外有時會再有extra所有佢話屋企需要既家電我都冇SAY過NO, 例如佢話屋企部舊按摩椅壞左, 佢去左簡OSIM果部5感($4XXXX)/之前買左部淘寶吸塵機屋企用佢話唔好用, 話家姐屋企部dyson吸塵機好D,大有以上, 小有以下手機,氣炸鍋,冷氣,上網買野,出街食飯etc... 當然通通都係要我比啦.
但其實我覺得我又同媽咪住, 佢辛苦左半世人, 我暫時仲有能力既就唔緊要啦.佢話好就好啦
但有一日, 我同媽咪話:[ 今個月我找左卡數2萬幾, 我想今個月省小小]
佢就開戰, 話:[ 你找卡數2萬幾關我咩事?d錢係你自已洗既!唔洗同我講!!]
我話:[ 冇講過關你事,我同你講聲我想省d姐], 佢就話啦:[你講得呢句姐係要我比番錢你啦?! ]
我話:[ 我如果要問你羅錢, 找卡數果日都問你羅啦, 亦唔會去買新手機比你啦 ]因為找卡數都一個星期前既事
佢就話"[ 你住我既, 食我既, 用我既, 我養緊你!]
我就覺得...好似我一直既付出佢都睇唔到咁,
3個仔女, 兩個都相計十幾歲20幾歲就搬左出去住亦冇陪伴過佢地, 亦冇比過家用,
係十幾年前我仲搵緊7000蚊一個月, 我第一年儲既錢就係買左部osim天王椅比父母,果陣都要3萬幾, 而且我果陣仲半工讀緊
唔好講我比左幾多錢屋企先...就講下我咁耐以哩佢地想去邊我就陪佢地, 要睇醫生, 就算半夜去急症都係我, 但我覺得我老母好似睇唔到咁, 佢果句[ 我養緊你 ] 我真的心都淡哂,
而依家有病既我冇唸過要靠屋企人, 之前化療藥費每月4000我都係自已用積蓄去比(依家唸番起真係冇積蓄真係搵鬼幫我)

阿媽話家姐要供樓好辛苦, 阿哥要養小朋友加供樓好辛苦, 我明, 但我呢? 我冇供樓只係因為當年你幫家姐阿哥比首期但我最細乜都冇咋啵, 當然阿媽講過, 果d係佢既錢係唔關我事, 冇錯, 所以我都冇唸過要靠佢,從來都冇唸過問佢羅錢, 當年讀夜校學費都係靠自已, 依家我想靠自已能力去儲果90萬(ps, 我老母知我要儲呢舊錢), 自已醫自已, 我依家靠網店, 而且個人唔洗太多開支, 我相信我3-5年有能力儲到, 但無奈加上個阿媽, 我就未必儲到果舊錢
我家姐同我講:[ 到時儲唔到筆錢, 未到時唔好醫囉!大把人都冇錢醫病等死嫁啦 ]

咁到底我好似依家應該冇條件供養自已阿媽到時等死丫?
定係依家乜都唔好理, 自已理惦自已努力儲好果90萬先?

ps. 見到人地阿媽會去問個女[ 辛唔辛苦丫?夠唔夠錢洗丫?]而我老母係[ 人地個女比緊萬幾蚊家用一個月! ] 我就好葡萄人地阿媽

[ 本帖最後由 冬天灰紫色的貓 於 2021-9-17 01:37 PM 編輯 ]



熱賣及精選



引用:
原帖由 肥佛 於 2021-9-17 03:23 PM 發表

除心啦如想生前孝順呀媽就照俾心安理得等死如想辛苦地長多幾年命先死就儲不過一定好辛苦的
option 3, 唔儲救命錢又唔孝順, 用哂d錢做自已想做既野, 買自已一直都想要既野, 開心過剩低既日子



引用:
原帖由 長青空中飛臭蟲 於 2021-9-18 02:15 PM 發表


你咬左幾十年,個個月收嘅社署綜援有冇同你阿媽 share
WHY 你地要你我個POST度嘈交呢= =私下解決啦