三年前結婚到而家同佢屋企人一起住公屋,佢地有名,我同b女未加名入去。聽聞可以我地一家三口排隊申請公屋,資料我都填左,等佢搞掂埋入息聲明就交資料。但係佢一拖再拖,冇穩定工就話難搞,有穩定工又話難搞。我問佢係咪真係成世人同父母住埋一起?
因為同62不合,如我有小小積蓄,死出去捱貴租都好過日日擔驚受怕。自問我地兩人都唔係咩方面專業人士,自知以後工作收入都不會高,冇能力供私樓。唯有申請公屋。
我唔知佢做餐飲 搵公司整個入息聲明有幾難,我問:係咪要逼我同你離婚,等我帶個小朋友單親家庭申請?
真係絕望,已經浪費左三年,仲要等幾耐?諗唔到仲有咩方式可以令佢配合。