• 瀏覽: 13,940
  • 回覆: 109
  • 追帖: 2
[隱藏]
首先講一下背景,我老婆排第三,有二哥及大家姐, 拍拖時都未有太多接觸加上熱戀時又諗結婚係兩個人的事, 認為女友慢慢長大就會改變,結果只能怪自己諗法太天真。



第一次正式交手係在傾禮金時,原本傾好晒係88888, 結果過大禮前一星期,外母話5位數字唔好意頭,我同老婆講笑話加8毛就變6位,結果外母聽完即刻黑面,結婚已經大開支,如果你老人家認為少應該開初就直接開聲。結果同兄弟傾完都認為只好硬食,始終佢養到個女咁大,所以改為俾108888。



過完大禮老婆事後再同我講原來外母想要128888,好意頭。我忍不住話佢,108888唔係6位數,當初傾好左係88888,老婆就話外母都只係講,無實際問番我攞,唔駛咁大反應。 我心諗: 唔柒係呀,點解變左係我錯, 係我俾少左禮金而佢大方所以唔介意無問番我攞? 之後最離譜係,向我面前同佢既親戚講,話我俾得好少禮金,不值一提。 當住我面都咁講,背住我一定仲過分, 我一個普通打工仔,每分錢都係有血有汗,錢會由天跌落哋? 佢哋自己都係普通家庭,唔通要收過百萬禮金先叫唔少?  貪心到極。



外母又有嚴重雙重標準,佢自己個仔加一晚班就要話要佢休息番成個星期補番; 女婿及新抱就係佢家庭工人,本身加班係應份,加班後家務都要做足,個新抱休息一下就話佢懶,成日周圍講點解個仔咁命苦娶個咁懶既新抱,其實佢兩個女同個仔比新抱懶十倍。 有次個新抱唔小心俾熨斗整到隻手,外母兩母子不停話新抱做小小野都整親,佢抵死,無鬼用,做少少野都唔得。 真係聽到都心寒 ; 相反佢仔女放低野刷傷條無血既小痕就會怪佢女婿及新抱唔幫手做,而令佢既仔女受傷。 其實全部外人會諗點解佢個新抱咁命苦嫁個咁既老公, 佢哋依然自我感覺良好。
佢個內孫在外家時就一定要人哋裝CAM,到佢外孫到外母家時就反對自己家裝CAM,話做咩要監視佢。 個仔就可以唔駛俾家用,我老婆俾遲一刻都唔得,但老婆又覺得唔係問題,其實呢個先係問題。


要女婿同新抱幫忙就老逢,其實幫到長輩手,我唔介意,始終一家人,但要立刻放低手頭上既野幫佢,慢少少都發你脾氣,好似欠左佢咁,呢個態度好有問題。 佢既仔女病左就黑面話女婿及新抱照顧唔好佢仔女; 到女婿及新抱想休息下都睇唔順眼,話做咩成日病,以為病左唔駛做, 結婚後真係眼界大開。 這家人可以一點責任心,同情心都無,成日諗住點搵人著數,出現問題,責任就一定响對方身上。一個家係要兩公婆同努力,老婆一家到呢一刻都可以唔明。



外母又鐘意周圍同人講佢大女移民,外國個空氣、環境有幾好、個月亮有幾圓,當其他人全部未去過,未見過世面。之後人哋咪問番佢外國咁好,點解唔移民過去,佢就唔出聲。 其實佢個大女婿都一早頂佢個家人唔順,移民避開佢,最近仲離左婚。 當然佢唔會同人提自己個大女已經離左婚。 但就不停同人講大女一家有遠見一早移左民,隱惡揚善發揮致極,其實移到民就好威?



之後同番班兄弟飲野,傾番禮金單野,佢哋話其實都覺得有問題,但當時又好難叫我唔結,其中一個仲話為左香港可以少一件極品港女,所以推我去要左佢,造福人民!!

另一個仲串我咁多個女友你唔揀,比佢有錢既同比佢靚既都無要到,最後竟然揀個咁既家庭,我前世一定係殺人犯,今世係報應。 

班兄弟認為佢個家人唔會改到, 全部問題都只會係人哋身上,自己無錯亦無任何責任,你搵10萬個月,俾足12萬佢哋唔會知足。

你只好忍到個仔十八歲時先離婚,將影響減到最少。 人生有幾多個十年,仲要頂多十二年,只好一醉解千愁。



外母仲以為帶大三個仔女已經好偉大,佢唔知其實佢係害左三個家庭,三個親家都唔想理佢個家人,如果其中一個親家就可能係對方問題,三家都同時避見就知問題所在係邊個,但佢係唔會反省下,唔識較就唔好生咁多個。

結婚係兩個家庭既事,將來個仔結婚要幫佢好好把關,先了解外母先俾佢結婚,唔好重蹈老豆覆轍。



熱賣及精選
引用:
原帖由 冬寒明膠袋 於 2021-7-21 08:08 PM 發表

首先講一下背景,我老婆排第三,有二哥及大家姐, 拍拖時都未有太多接觸加上熱戀時又諗結婚係兩個人的事, 認為女友慢慢長大就會改變,結果只能怪自己諗法太天真。



第一次正式交手係在傾禮金時,原本傾好晒係88888, 結果過大禮前一星期,外母話5位數字唔好意頭,我同老婆講笑話加8毛就變6位,結果外母聽完即刻黑面,結婚已經大開支,如果你老人家認為少應該開初就直接開聲。結果同兄弟傾完都認為只好硬 ...
大開眼界



慘慘慘


遠小人,親賢臣


[隱藏]
有少少膽咪得閒冇事潤下外母幾句囉話我生到個女就好啦可賣左佢


我禮金都係收38888咋,
對付呢啲人最好就係完全唔理佢,咩都唔出席,
到時人地問佢佢自己樣衰。



老婆自己揀的, 仲要有埋細路先嚟後悔...


閃啦, 直頭趁無咩手尾, 速閃, 再拖落去, 佢老母吸到你精盡人亡呀, 
直頭同佢講分手原因, 因為佢老母系淋作老母翻版, 默名屍遇到都閃啦, 你仲留戀, 由得佢三仔乸移民去火星, 呢度無自由, 無民主, 又無言論自由, 分分鐘被人抽DNA, 唔啱佢地架!



引用:
原帖由 甘正因 於 2021-7-22 01:40 AM 發表

遠小人,親賢臣
只可以離婚吧?



[隱藏]
引用:
原帖由 肥佛 於 2021-7-22 08:03 AM 發表

有少少膽咪得閒冇事潤下外母幾句囉話我生到個女就好啦可賣左佢
佢個家面皮勁厚,唔怕



引用:
原帖由 hellobyethanks 於 2021-7-22 09:46 AM 發表

我禮金都係收38888咋,
對付呢啲人最好就係完全唔理佢,咩都唔出席,
到時人地問佢佢自己樣衰。
唔怕樣衰,佢家人見到呢個post,都唔覺得話緊佢哋



引用:
原帖由 冬寒明膠袋 於 2021-7-23 02:31 PM 發表


唔怕樣衰,佢家人見到呢個post,都唔覺得話緊佢哋
咪再到肉D囉當住佢親朋面拿外母你就十皮賣左個女俾我啦仲有冇好野賣俾我呀



引用:
原帖由 肥佛 於 2021-7-23 02:40 PM 發表


咪再到肉D囉當住佢親朋面拿外母你就十皮賣左個女俾我啦仲有冇好野賣俾我呀
都好喎



引用:
原帖由 eric1966 於 2021-7-23 11:21 AM 發表

閃啦, 直頭趁無咩手尾, 速閃, 再拖落去, 佢老母吸到你精盡人亡呀, 
直頭同佢講分手原因, 因為佢老母系淋作老母翻版, 默名屍遇到都閃啦, 你仲留戀, 由得佢三仔乸移民去火星, 呢度無自由, 無民主, 又無言論自由, 分分鐘被人抽DNA, 唔啱佢地架!
個仔仲細,希望佢有完整家庭



[隱藏]
大開眼界


提示:支持鍵盤翻頁左 右
[按此隱藏 Google 建議的相符內容]