• 瀏覽: 2,258
  • 回覆: 22
[隱藏]
其實家下好多書都會出電子版,可以慳返實體書嘅成本
所以話香港呢啲地方話「讀書機會係平等」都係假……
如果一個公屋家庭,考到名校,第一年已經要出成 3-4000 蚊甚至成萬蚊買書……
年年都要買,六年計落唔計其他嘢都係兩三萬……
窮人都仲點讀書改變人生?
快快手手讀完出嚟做嘢啦


//
升中放榜後,準中一生今明兩日(8日及9日)到獲派中學註冊,多間中學下學年書單陸續出爐。《香港01》取得12間中學書單,統計發現中一生全套教科書總價介乎2,627元至5,364元。

當中名校真光女書院中一新書總價達5,364元,是多間學校中最貴。

十多間學校中,位於油尖旺區的真光女書院的中一級總書價最貴,12科共35本教科書或作業,總書價為5,364元。而九龍華仁書院、聖母玫瑰書院、文理書院(香港)中一總書價則介乎約4,522元至4,749元左右。




熱賣及精選
3000-4000算少,我女兒中一嗰陣時要比多Double~~~


引用:
原帖由 jl1008 於 2021-7-12 06:08 PM 發表

3000-4000算少,我女兒中一嗰陣時要比多Double~~~
下?點解?



同級但不同學校,書本費用不同吧~~
雖然可以考慮二手那些書,但我都係買新書,因我不想女兒睇咗舊書內留下的資料,從而令自己可以唔去想原因,
且也不知道內容會否有所不同(年年都隨時改版,也是金錢教育嘅書商賺錢目的之一)



[隱藏]
一個國家或政府,唔著重教育就永遠失去發掘人材機會,更代表唔著重及唔相信自己地區嘅人能力,9年免費教育,但9年額外高昂嘅教育費用多不勝數,正常書本不用頻繁去改三改四,老師才是教育最重要一環,何須書本年年都隨時改版? 正苦多年來都冇咩做這方面嘅野,教育制度唔改,衹有富上更富,貧者更貧.


日日都十個八個鐘對著部 tablet, 還未計小朋友玩電玩嘅時間, 過多幾年對眼都唔使要嘞, 我情願揀實體書


引用:
原帖由 hingfai709a 於 2021-7-13 01:30 PM 發表

日日都十個八個鐘對著部 tablet, 還未計小朋友玩電玩嘅時間, 過多幾年對眼都唔使要嘞, 我情願揀實體書
對,科技是方便人,但唔可以因此令人自己越來越冇用及受傷害. 手機及平板,係有好嘅一面,所謂嘅電子書又環保,又減少書本帶來嘅重量,但唔好嘅一面或許更甚.若學校將筆記改成用Tablet,雖然可以藉電子書帶來多媒體資訊,更可以附加更多豐富內容,且又可方便學生老師在黑板寫完的東西自動送到Tablet,但這樣模式學習希望唔好有,因為更令學生懶於寫及自己不能分辨重點記下的原意,更加少運用腦筋創作而學得更差.



3-4千都拎唔出,不如唔好生


書簿津貼就係政府整嚟益出版社既,到全港出版社轉晒只做電子出版,咪唔會再用實體書囉。


「學校書簿津貼計劃」2021/22學年3人家庭和4人家庭可獲全額資助的「調整後家庭收入」上限分別為每月港幣50,071 元 和 46,066 元。
「學校書簿津貼計劃」2019/20學年成功申請學生數目201,778人。



[隱藏]
一本書單價都百幾二百蚊,就算電子版,價錢都唔平得幾多,仲要無二手,只有一年使用權


引用:
原帖由 大雀躍的作業 於 2021-7-14 04:50 PM 發表

一本書單價都百幾二百蚊,就算電子版,價錢都唔平得幾多,仲要無二手,只有一年使用權
價錢都未係最重要,未成熟孩子長時間睇電子書,隨時未見其利先見其害, 就算唔影響身體上的害處,電子書衹可以令人更懶於正常閱讀,且當電子產品出現問題,即時冇野可睇,若是考試前或隔天交功課,即刻大問題出現(破更多嘅財少不免)~~~~~



以為轉ebooks就唔使買貴書就證明你地太年少無知啦
ebooks一樣可以加價
每年要付account及雲端費用



引用:
原帖由 天使?魔鬼 於 2021-7-16 09:44 PM 發表

以為轉ebooks就唔使買貴書就證明你地太年少無知啦
ebooks一樣可以加價
每年要付account及雲端費用
Agree x 2
轉電子版一樣貴,
自由巿埸就係咁,
一係好似大6咁,
劃一課程,劃一書價。
天下太平...



引用:
原帖由 hingfai709a 於 2021-7-13 01:30 PM 發表

日日都十個八個鐘對著部 tablet, 還未計小朋友玩電玩嘅時間, 過多幾年對眼都唔使要嘞, 我情願揀實體書
而且電子版可能仲貴

加上二手都未必買得



[隱藏]
引用:
原帖由 opclk99 於 2021-7-19 03:21 AM 發表


Agree x 2
轉電子版一樣貴,
自由巿埸就係咁,
一係好似大6咁,
劃一課程,劃一書價。
天下太平...
在其他的教育論壇早就提過這個教育模式要改,最低限度都要由幼稚園到小學.
教育咩都係一定由基礎做起,貧富都一視同仁,唔好將教育分化為富貴及貧窮學校,亦都因此將有心辦學嘅學校難以運作. 唔理那些人想要幾自由都好,真係要自由就去國際學校入讀,絕對唔會阻礙想要嘅自由.



提示:支持鍵盤翻頁左 右
[按此隱藏 Google 建議的相符內容]