• 瀏覽: 3,956
  • 回覆: 62
[隱藏]
背景:
家父係我幼年就過身,家母挑起重擔照顧我同大佬。我大佬有精神病好多年。佢有自理能力不過咁多年都無番工。家母性格暴躁,唔講道理同埋好囉嗦!最近家母已經退休,所以我就負責交租同埋部份生活費!

事源: 
我老母好偏幫我大佬!只要我話佢個仔幾句,佢就一定睇唔過眼搵我麻煩。本身家母脾氣差,我同佢成日因爲小事嘈交!早前我話左大佬幾句,我老媽子就由晚上到早上囉嗦我唔應該指摘大佬!我脾氣唔係好,比佢煩住晒我忍唔住回嘴。我大佬對於我話佢既野無所謂,反而老媽子就咬住唔放一定要幫佢個仔攞番個公道咁!老媽子好囉嗦,佢係個種無人理佢都可以自己閙足十幾分鐘個類人。我平時聽佢講野都會聽到心煩!今次因爲我話佢個仔一句就喋喋不休講到我好似罪人咁同埋拉埋好多無謂野一次過閙!因為大佬有精神病,平日相處老媽子都會要求我凡事遷就大佬。但係我覺得有病就要求醫而唔係屋企人無條件遷就!我老媽子咁多年黎都無好堅定咁解決個問題,反而要我同佢地一齊攬炒。我身邊朋友都無家庭負擔,家用唔會比太多,咁我就無辦法既情況下要比多d家用啦!但係我老媽子就成日話我自私任性!佢既諗法好舊思想,覺得對家庭付出應該係無條件。我自己既概念就係家用應該比,但係如果當初大佬精神病有醫好,佢可以搵到錢既話我就唔洗負擔咁多!而且我已經比咁多家用,仲要我不停遷就大佬,仲要成日比老媽子話我自私!佢成日話我係衰女咁樣對啊媽有報應。我成日會諗點解我有個咁樣既老媽子?每次屋企有事發生,佢唔會大事化小而係拎住火水救火!成日理間屋企人關係就好似今次咁!我大佬都唔當係一回事,老媽子點都唔肯放低!到我發脾氣叫佢收聲佢就會發顛話係我脾氣差同埋唔比我再講落去!我老媽子好負面,唔鐘意同班吃喝玩樂既師奶傾計,反而鐘意同人講自己有幾慘。我地唔富有不過唔窮,我間中都會帶佢去玩同埋出街食飯。以前未有疫情每年我都會出錢比佢去旅行。但係我係佢口中就係一個會有報應既女!我大佬有精神病已成事實,大概今世都唔會醫好。不過有個咁既老媽子先係最慘 T_T 唉,遲早有日我都會比我老媽子逼顛!



熱賣及精選
你阿哥有精神病,你阿媽會好大負擔,幫佢多啲,比多啲正面回應,反應。


引用:
原帖由 九隆X寨 於 2021-7-1 02:02 AM 發表

你阿哥有精神病,你阿媽會好大負擔,幫佢多啲,比多啲正面回應,反應。
家母負擔的確大!佢成日都擔心自己百年歸老之後個仔無人照顧,所以佢成日明示暗示我將來要照顧大佬。家母想我就算結婚後要預留間房比我大佬住。佢連我去影結婚相都想帶埋我大佬去影。就算我買包薯片老媽子都會提我一定要留番包比大佬!我覺得好似吸唔到氣咁!每樣野都要預埋大佬先叫做好,唔預佢就係罪人!照顧人都都要有個限度咖。

我壓力都好大,而老媽子仲要成日發我脾氣,又話我自私,但佢有無諗過我比同齡人已經對屋企付出左好多?



引用:
原帖由 Litpotato 於 2021-7-1 02:35 發表


家母負擔的確大!佢成日都擔心自己百年歸老之後個仔無人照顧,所以佢成日明示暗示我將來要照顧大佬。家母想我就算結婚後要預留間房比我大佬住。佢連我去影結婚相都想帶埋我大佬去影。就算我買包薯片老媽子都會提我一定要留番包比大佬!我覺得好似吸唔到氣咁!每樣野都要預埋大佬先叫做好,唔預佢就係罪人!照顧人都都要有個限度咖。

我壓力都好大,而老媽子仲要成日發我脾氣,又話我自私,但佢有無諗過我比同齡人已經對 ...
樓主其實都好慘, 邊個做家人係無得揀, 只能你自己看開。係阿媽既角度, 獨自帶大兩兄妹不容易,
有d一家人日日糖癡豆, 有d就火溝油。 做細佬妹多少都要蝕底少少架啦。



[隱藏]
引用:
原帖由 K'z 於 2021-7-1 02:49 AM 發表


樓主其實都好慘, 邊個做家人係無得揀, 只能你自己看開。係阿媽既角度, 獨自帶大兩兄妹不容易,
有d一家人日日糖癡豆, 有d就火溝油。 做細佬妹多少都要蝕底少少架啦。
家母把口唔開就正常,平時為個頭家付出唔少!但係大家溝通唔到囉。佢成日覺得佢最慘無其他人慘得過佢!同佢講唔好咁囉唆唔好比咁大壓力我,佢就話我自私只顧自己!仲要家母把口衰起上黎真係嚇親人,粗口橫飛講野又惡毒。其實我已經接受左將來要照顧我大佬呢個事實,但係我老媽子既臭脾氣我真係頂唔到!



引用:
原帖由 Litpotato 於 2021-7-1 02:58 發表


家母把口唔開就正常,平時為個頭家付出唔少!但係大家溝通唔到囉。佢成日覺得佢最慘無其他人慘得過佢!同佢講唔好咁囉唆唔好比咁大壓力我,佢就話我自私只顧自己!仲要家母把口衰起上黎真係嚇親人,粗口橫飛講野又惡毒。其實我已經接受左將來要照顧我大佬呢個事實,但係我老媽子既臭脾氣我真係頂唔到!
媽媽多年經歷既風雨, 同小朋友細個一個人捱大一頭家有關吧。無得怪佢, 可能當時社會環境要佢唔硬唔得。
樓主有能力就搬出去自住囉, 得閒就番下屋企, 唔係日日見已經改善到好多。



引用:
原帖由 K'z 於 2021-7-1 03:17 AM 發表


媽媽多年經歷既風雨, 同小朋友細個一個人捱大一頭家有關吧。無得怪佢, 可能當時社會環境要佢唔硬唔得。
樓主有能力就搬出去自住囉, 得閒就番下屋企, 唔係日日見已經改善到好多。
唉,如果搬出去唔洗比家用就一早走左lu!唯有硬住頭皮繼續啦 😭😭😭



引用:
原帖由 Litpotato 於 2021-7-1 02:35 AM 發表


家母負擔的確大!佢成日都擔心自己百年歸老之後個仔無人照顧,所以佢成日明示暗示我將來要照顧大佬。家母想我就算結婚後要預留間房比我大佬住。佢連我去影結婚相都想帶埋我大佬去影。就算我買包薯片老媽子都會提我一定要留番包比大佬!我覺得好似吸唔到氣咁!每樣野都要預埋大佬先叫做好,唔預佢就係罪人!照顧人都都要有個限度咖。

我壓力都好大,而老媽子仲要成日發我脾氣,又話我自私,但佢有無諗過我比同齡人已經對 ...
發脾氣都係一種表達,而且女性發脾氣係因為。。你,因為你係男性嘅表現,你媽直接學咗你。
呢種表現基本上係所有女性一種特性,所以你嘅表現對佢好大影響。
先同你阿媽學習共識,你係男,所以要學帶領。
而你阿哥嘅事,有需要就搵政府機構幫忙,始終佢一生要有親人睇住。



精神病多遺傳,
對得多精神病係可以傳染(迫到精神病)
所以無辨法下樓主有能力就真係搬出去,
自己仔女父母都話必須照顧,
兄弟姐妹非直系親人,
無義務包生養死葬。
香港有社處社會保障網。,
無收入,二個人有精神病,食傷津+老綜,
起碼每月有八九千以上。
你每月再比二三千有公屋肯定夠洗。
有時做好人孝子孝女真係睇環境。
幫到咪幫,攬炒真係無謂。



[隱藏]
引用:
原帖由 九隆X寨 於 2021-7-1 04:23 AM 發表


發脾氣都係一種表達,而且女性發脾氣係因為。。你,因為你係男性嘅表現,你媽直接學咗你。
呢種表現基本上係所有女性一種特性,所以你嘅表現對佢好大影響。
先同你阿媽學習共識,你係男,所以要學帶領。
而你阿哥嘅事,有需要就搵政府機構幫忙,始終佢一生要有親人睇住。
如果我係男人可能仲易解決,我媽重男輕女!我老媽子好聽我大佬話,但係佢就成日睇我唔順眼~我做咩講咩佢都話我態度差!其實我覺得好委屈 T_T 老媽子一方邊要我錢銀上照顧我大佬同埋家庭,一方邊又話我自從搵錢後變到好串 😭😭😭 我可以講我係全屋最正常個位,但係我家母就寧願攬住個仔都無一次幫我 😭😭😭 



引用:
原帖由 opclk99 於 2021-7-1 04:30 AM 發表

精神病多遺傳,
對得多精神病係可以傳染(迫到精神病)
所以無辨法下樓主有能力就真係搬出去,
自己仔女父母都話必須照顧,
兄弟姐妹非直系親人,
無義務包生養死葬。
香港有社處社會保障網。,
無收入,二個人有精神病,食傷津+老綜,
起碼每月有八九千以上。
你每月再比二三千有公屋肯定夠洗。
有時做好人孝子孝女真係睇環境。
幫到咪幫,攬炒真係無謂。
呢樣真啊!我比其他人已經付出好多!我成日都諗我已經幫大佬養埋老媽子,點解仲要成日閙我自私自利?大佬有精神病無辦法,但係我覺得家母咁樣大細超真係令我好困擾!我懷疑家母其實都有精神問題,因為佢情緒起伏好大!講一兩句唔岩聽就閙人,而且有佢講無人講~😭😭 



引用:
原帖由 Litpotato 於 2021-7-1 12:21 AM 發表

背景:
家父係我幼年就過身,家母挑起重擔照顧我同大佬。我大佬有精神病好多年。佢有自理能力不過咁多年都無番工。家母性格暴躁,唔講道理同埋好囉嗦!最近家母已經退休,所以我就負責交租同埋部份生活費!

事源: 
我老母好偏幫我大佬!只要我話佢個仔幾句,佢就一定睇唔過眼搵我麻煩。本身家母脾氣差,我同佢成日因爲小事嘈交!早前我話左大佬幾句,我老媽子就由晚上到早上囉嗦我唔應該指摘大佬!我脾氣唔係好,比 ...
驟眼睇到標題: 老媽子成日搵我下火



你現在幾多歲我媽都好長氣的現在大大下就學會調節心態慢慢當佢唱歌有時仲同佢講一句兩句笑添先學會5好嬲當耳邊風5好搏咀


引用:
原帖由 肥佛 於 2021-7-1 09:05 AM 發表

你現在幾多歲我媽都好長氣的現在大大下就學會調節心態慢慢當佢唱歌有時仲同佢講一句兩句笑添先學會5好嬲當耳邊風5好搏咀
成年左好耐~我功力未夠深厚!道理明白不過佢一囉唆我就覺得煩 😐



[隱藏]
引用:
原帖由 Litpotato 於 2021-7-1 09:21 AM 發表


成年左好耐~我功力未夠深厚!道理明白不過佢一囉唆我就覺得煩 😐
明的年青人有少少火氣我以前都好似你咁



提示:支持鍵盤翻頁左 右
[按此隱藏 Google 建議的相符內容]