• 瀏覽: 1,026
  • 回覆: 2
[隱藏]
追究搞大件事,無謂。
唔使將退學呢件事放到好大,時間留嚟搞掂你三個人既關係仲好啦。
退一步,大方啲,好好地同你前妻傾掂數,仲好啦。
再者,你之前又冇通知學校你地分開咗,冇同學校講個仔有咩事要兩邊同意,咁你冇得怪學校噃。
幼稚園轉校好小事,反而你同前妻分開,個仔變咗磨心,呢件先係大事,好好地同你前妻傾,為咗子女,分咗手做唔到朋友都唔可以做仇人。



引用:
原帖由 Hugo華D 於 2021-6-17 11:48 AM 發表

新學校未搵到就先退學,對仔仔適應同學習都有好大影響
- 幼稚園啫,返少幾日學,好小事。其他幼稚園一有位就讀得啦。
-  「出示退學證明」嚟做乜?如果係因為見唔到個仔,就好好地同你前妻傾,你二人關係一惡劣,個仔實會受影響。

真係好好地同你前妻傾啦,為咗小朋友,一定係要有人大方啲架喇,你為個仔,好好地傾掂佢。
至於轉校問題,咁你前妻決定幫佢退學,實有佢既理由,你為個仔咪同意囉,嘈嚟實影響個仔。
其實轉校都好,廢事其他家長八婆八公問長問短,當你地離婚係睇戲。



引用:
原帖由 Hugo華D 於 2021-6-17 12:59 PM 發表

明白,父親節都唔俾我見仔,冇人性自私
佢又真係過份啲,不過呢,沒有無緣無故的恨,當日有幾愛今日就幾恨。

你前妻特登既,專登想激嬲你,佢想印證你就係一個衰人,印證你唔值得佢再掛住。
即係話,佢對於分手呢件事,仲處係五階段(否定→憤怒→討價還價→沮喪→接受)中既憤怒,佢咁既心態下,你同佢硬碰只會影響到個仔。

你個仔冇得同你過今年既父親節,唔等於仔仔心目中冇你,而家你三個處於非常時期,你惟有做受委屈嗰個啦。



[按此隱藏 Google 建議的相符內容]