• 瀏覽: 20,923
  • 回覆: 273
  • 追帖: 7
[隱藏]
引用:
原帖由 ssilly959 於 2021-6-6 02:20 PM 發表


我同佢都想要小朋友,只係冇諗過咁早有。當時老公未夠20歲,我驚佢未定性,完全估唔到佢好快變湊仔公。所以先男人一做老豆就會好唔同
有仔趁嫩生好事喎!定唔定性呢樣睇佢個人,佢響往家庭生活就自然會盡心盡力湊小朋友同照顧你,好多野無話邊條路岩邊條路唔岩,命運早安排好無咩野好驚,而家幸福美滿幾好!



出黎玩就要輸得起, 輸唔起就返屋企
............................節錄自<馬路英雄>
熱賣及精選
引用:
原帖由 momotsang 於 2021-6-6 03:22 PM 發表


你好理想化,好多阿媽都好hea,扔比老人家湊就算
生仔呢d野認真唸有排都唸唔掂,既然唸唔掂不如唔唸咁多,生左出黎先算囉,無能力湊唯有俾長老湊乍,反正果代咁鍾意抱孫



出黎玩就要輸得起, 輸唔起就返屋企
............................節錄自<馬路英雄>
引用:
原帖由 tabasico 於 2021-6-6 11:06 PM 發表

完全唔明樓上講咩唔生仔不如唔好結婚,完全兩回事!我同老公二人世界,而家養多一隻狗不知幾幸福,無論經濟上精神上都冇煩惱。 唔使為咗養仔女去捱世界。生左仔女既你哋,10年後就知味道,到時你哋冇錢俾首期睇吓佢會點對你地最好做定心理準備要養幫手養埋個孫!將來搵食艱難,仔女唔掂唔通唔理咩!
不論決定生定唔生,有無仔女,點取態,都無絕對對與錯,大家都有道理既,通常決定要小朋友既,佢地都係為樣體驗完整家庭生活,想有個寄託,而佢地本身都係無咩大志無咩自我,先至想將精神集中落個家同小朋友上,養小朋友你需要銀彈同花精神,不過睇住小朋友由bb一路成長,由識行路到返學,都係一種幸福同有種感動係度既,生得既話有咩難處照道理都會心理準備好晒,絕對唔容易既事,至於仔女大個左點,孝順定忤逆,老實講睇佢日後造化唔唸得咁多,唔到自己控制,骨肉係自己唯有幫到幾多就幾多,唔好唸付出回報既野囉。樣樣唸到咁多就咩都唔使做,後生都唸到老都未生,既然怕負擔係無底深潭咁就如你所決定,立心唔生咁就算架乍



出黎玩就要輸得起, 輸唔起就返屋企
............................節錄自<馬路英雄>
引用:
原帖由 gpoint2 於 2021-6-7 01:51 AM 發表


生仔呢d野認真唸有排都唸唔掂,既然唸唔掂不如唔唸咁多,生左出黎先算囉,無能力湊唯有俾長老湊乍,反正果代咁鍾意抱孫
4大長老唔會幫我哋照顧



[隱藏]
引用:
原帖由 gpoint2 於 2021-6-7 01:46 AM 發表


有仔趁嫩生好事喎!定唔定性呢樣睇佢個人,佢響往家庭生活就自然會盡心盡力湊小朋友同照顧你,好多野無話邊條路岩邊條路唔岩,命運早安排好無咩野好驚,而家幸福美滿幾好!
佢呢一年好辛苦。為養家返地盤,雖然人工唔錯,但工作好辛苦。呢個月咁熱佢要赤膊曬太陽開工,皮膚都曬黑哂。我地算美滿,不過付出唔少



引用:
原帖由 ssilly959 於 2021-6-7 01:21 PM 發表


佢呢一年好辛苦。為養家返地盤,雖然人工唔錯,但工作好辛苦。呢個月咁熱佢要赤膊曬太陽開工,皮膚都曬黑哂。我地算美滿,不過付出唔少
做地盤係好辛苦,日曬雨淋🙏🙏🙏



引用:
原帖由 袋中純情的膠袋 於 2021-6-7 02:27 PM 發表


做地盤係好辛苦,日曬雨淋🙏🙏🙏
所以生bb改變咗我地好多。老公嘅朋友仲係好小朋友,但佢已經好成熟



無愛心,無耐性嘅話就唔好生,同我一樣,又free又輕鬆


人覺差我不覺得太差 人要醒覺應要有點化
人太真看一看真太假 男女世界就像霧裡花................

八月.再見!
要自己問自己


[隱藏]
引用:
原帖由 袋中純情的膠袋 於 2021-5-31 12:13 PM 發表

如題,會唔會覺得係一個遺憾?身邊朋友有啲都生左, 睇見人地家庭好似好完整, 自己又冇. 好矛盾.....

老公覺得我哋一直唔適合有小朋友,佢都覺得會好辛苦, 份工太忙。所以唔想夜晚返去再返第二份工.

本身自己性格中意周圍去同自由.
可能天生不育呢



唔同意唔生就唔洗結婚,又話咩一紙婚書綁住人,如果覺得係束縛咪唔好結,但同生仔無關.
結婚同生仔都係好個人嘅選擇,無對同錯
結婚係你想同另一伴有名有份,同甘共苦吃喝玩樂嘅buddy,係有法律效力,係有責任願意承擔等等
生仔,要教好一個人唔易,唔好講要有咩成就,一個唔覺意佢受咩影響做左遺害人生嘅事真係幾世都還唔清



有一天「我」字丟了一撇,成了「找」字,為找回那一撇,「我」問了很多人,那一撇代表什麼? 原來那一撇原本是個「一」,「一」但丟了,你再也「找」不到「我」
我估後生果陣時,冇咩所謂,自由自在,無拘無束,都唔知幾feel,但當你年華老去,過咗五十歲之後,可能會心靈空虛……


沒有所謂現時社會


無錢生極度pk , 隔代貧窮 ; 有錢應該要生, 等佢係上流社會歎世界, 俾佢超多資源 , 望住佢點樣䊨在起跑線

[ 本帖最後由 COMCAST123 於 2021-6-12 12:51 AM 編輯 ]



[隱藏]
我都冇生,
2公婆撈咗咁耐仲係冇乜成就,自己都仲諗緊中年之後嘅生活保障,要學多們技能旁身。
如果夾硬生,其實好似係夾硬搵多個人黎陪葬咁,純粹係為咗老咗有人照顧。
就算夾硬生,就一定如願老咗佢會養我?可能怨我憎我,之後自己各自生活。
見到有啲朋友佢well prepared,俾到資源同生活保障仔女,我覺得生小孩對佢地係好事。
唔好因為怕悶所以人有我有,鬥完生仔,到你生到喇,之後一樣大把嘢攀比,到時咪又係唔開心。



提示:支持鍵盤翻頁左 右
[按此隱藏 Google 建議的相符內容]