• 瀏覽: 6,893
  • 回覆: 69
  • 追帖: 1
[隱藏]
我有時喺呢個群組到見到唔少討論家庭傭工點樣衰,邊樣衰。

我想話我自己嘅印尼工人照顧得屋企唔錯,幫手做家務執下嘢,我屋企養咗幾隻大龜仲幫我照顧埋啲大龜。
有時做到晚一兩點,其實我想同各位講係
人心肉做㗎, 佢離鄉別井到香港。
我哋屋企人對佢好好, 佢生日我畀一千蚊利是。佢個仔生日我都畀八百蚊佢, 仲要印尼新年剛啱5月13號,我又畀幾百蚊佢(每次有簽收) 嗰陣時佢啱啱嚟香港,佢個仔病咗。我冇問佢攞啲證明,佢講一句啫; 我畀咗二千蚊佢滙返去畀個仔睇醫生。事後她每個月還了我!

當然你可以話佢有機會呃你,但係你用二千蚊買機會,看清楚佢嘅人品。(她仔病好後,每個月還了我們)你計下係咪好平!

後來,我同佢簽埋合同佢做夠六年只要冇任何事令到屋企嘅小朋友受傷等等,我畀五萬蚊約滿酬金佢, 我試過有好多次特登將啲戒指或者錢放喺廁所旁,並掉在地上試下佢有冇偷,結果佢冇偷! 有時候要反問自己對工人有冇太差,唔係畀嗰四五千蚊人工洗到人哋盡, 你有冇見過個主人去廁所或洗澡,調返轉讓個工人去先?
仲有佢地思想簡單,一啲嘢可以記好耐, 調返轉頭講你對佢衰,佢好記得;又或者你對佢好佢嘅好記得。 佢早期嚟香港有一次佢急尿,我讓佢去廁所先;佢後來同我太太講:打咁多份工,未試過個老闆讓佢去廁所先! 所以奉勸各位有時候諗埋嗰啲話:唔畀佢一個人開冷氣呀,慳返啲咩電費呀嗰啲嘢!唔好諗呢啲嘢啦!佢如果對你衰,佢背後做啲咩你條數係返到。 有次傾計嘅時候,工人同我講話佢都知好多工人會故意把主人嘅貴重物品整唔見,佢話因為好多工人嘅老闆對佢哋太衰, 佢哋知道,偷咗有麻煩;所以佢不偷,淨係整唔見你啲嘢 !

個工人覺得你尊重佢,佢尊重返你。

最好笑係我鄰居住在我旁邊嘅工人竟然問我工人話:我請唔請多一個工人 !

奉勸咁多位如果你希望工人好,你對佢好啲:
仲有, 第二 好多嘢先小人後君子叫佢簽名作實。( 其實回教徒好講義氣)
第三才是要裝閉路電視,
第四間中畀啲測試佢 特登放啲錢喺地下睇佢有冇偷你就知道佢嘅為人
最後當時我同佢講佢做夠六年,我畀五萬蚊約滿酬金佢。 咁佢哋為咗咁要努力,我同簽曬合同,不是口講口賠的!
其實六年,畀五萬蚊佢。每日先至約23蚊,對佢哋嚟講好多錢。50000÷(6x365)= 23!
咁我就覺得每日畀23蚊一個人獎勵下佢,何樂而不為。

[ 本帖最後由 司徒王允 於 2021-5-23 03:52 AM 編輯 ]



熱賣及精選
補充多句: 其實啲工人好多時候掉垃圾買餸嘅時間, 會互相交流!

佢哋知道曬點樣偷嘢之後放最安全, 所以如果你想工人唔好對你衰,調返轉講真係想工人做好啲, 你有啲時間 畀啲獎勵佢, 尤其是買餸嘅時候畀啲錢佢買新鮮牛肉食, 我發覺好多印尼人都鍾意食牛肉。 同埋我哋食餐飯係同佢同枱食嘅, 同埋我上一篇文章講嘅係事實。
我鄰居個工人,竟然問我工人話請唔請埋佢。
事關我鄰居, 因為自己飲食習慣就叫個工人跟曬佢食佢啲嘢, 你諗下日日都食自己唔鍾意食嘅嘢佢點會對你好呀

[ 本帖最後由 司徒王允 於 2021-5-23 03:30 AM 編輯 ]



人心肉做,對人好一定會有加倍的回報,累積下去就是福報。


世上咩人都有。
善良人極少



人們總是把幸福解讀為{有}, 有房 有錢 有权。但幸福其实是[無] 无憂 无慮 无病 无災 有, 多半是做給別人看的無, 才是你自己的。
[隱藏]
好好人呀


引用:
原帖由 G奶走奶呀唔該 於 2021-5-23 12:34 PM 發表

好好人呀
不是我好人,只是我不像一些樓主, 工人食幾多都話計住



引用:
原帖由 chatjai 於 2021-5-23 12:28 PM 發表

人心肉做,對人好一定會有加倍的回報,累積下去就是福報。
其實好多時候香港嗰啲僱主要檢討下,我哋自己打人哋工;都唔想老闆對自己衰,我做咗幾十年人。

我都遇過啲好衰嘅老闆, 點解你覺得 工人食幾多飯都唔計住。

個工人點會認真幫你做,我講嘅係事實,我同工人傾計佢話:

唔少工人會對衰老闆用垃圾桶嘅精華液“清潔” 碗碟。

我話畀你聽我媽媽本身好多年前做清潔工人,我媽佢都會話 :有啲清潔工人會對衰嘅老闆用 這些方法“回報”



5萬會唔會太多?


引用:
原帖由 andylau2014 於 2021-5-23 03:18 PM 發表

5萬會唔會太多?
我當然覺不會,6年每天才23元



[隱藏]
引用:
原帖由 andylau2014 於 2021-5-23 03:18 PM 發表

5萬會唔會太多?
老老實實,一罐可樂在士多5元,在半島酒店40,50元;你是拿同樣的東西,service 不同就不同價。
再者,6年每天23元當奬金,6年才5萬;不算多吧



人心肉做👍🏽



無花無假,我工人平日對我家的小朋友好好!平日我們去吃飯都大家平起平坐,所以我勸有些人士:連工人吃飯吃多了都話想慳住慳住嘅人,你不如唔好請工人。
我唔知你係咪大老闆, 前呼後擁向來一百幾十人跟住。

我自己就唔係!
我都係做僱員,打工嘅人。
你自己都唔想見到太衰嘅老闆, 況且我都係嗰句說話,我媽媽中年嘅時候做清潔工人,佢同埋我工人傾計嘅時候都有講:太衰嘅老闆,佢哋都會想辦法私底下整蠱返佢。例如整唔見你啲嘢, 又或者是我上篇文章所講搵啲垃圾桶精華液幫你清潔碗碗碟碟!

近年來社會風氣可能差咗,唔少人好自私, 慳人哋闊佬自己。
可能我哋舊一脫人唔係咁樣, 奉勸嗰啲 工人食飯要計住,又唔畀佢一個涼冷氣嘅僱主回頭是岸



樓主係少有良心僱主。


深切哀悼所有壯烈成仁的北京愛國同胞
梁振英
引用:
原帖由 新型冠狀病毒 於 2021-5-24 12:42 AM 發表

樓主係少有良心僱主。
多謝,但其實我寫出此 post 的原因是希望喚醒人多由他人著想



[隱藏]
引用:
原帖由 司徒王允 於 2021-5-23 02:34 AM 發表

我有時喺呢個群組到見到唔少討論家庭傭工點樣衰,邊樣衰。

我想話我自己嘅印尼工人照顧得屋企唔錯,幫手做家務執下嘢,我屋企養咗幾隻大龜仲幫我照顧埋啲大龜。
有時做到晚一兩點,其實我想同各位講係
人心肉做㗎, 佢離鄉別井到香港。
我哋屋企人對佢好好, 佢生日我畀一千蚊利是。佢個仔生日我都畀八百蚊佢, 仲要印尼新年剛啱5月13號,我又畀幾百蚊佢(每次有簽收) 嗰陣時佢啱啱嚟香港,佢個仔病咗。我冇問佢攞 ...
所謂5萬約滿金,包唔包埋 長期服務金 同 年假丶機票丶2次回鄕來回機票 先?



提示:支持鍵盤翻頁左 右
[按此隱藏 Google 建議的相符內容]