• 瀏覽: 33,356
  • 回覆: 156
[隱藏]
我同阿妹差一年多少少,阿妹一直都好醒目,讀書都好叻下,早五六年過得幾唔順下,屋企發生咗啲事,原本我同阿妹都搬咗出去住,都有打算唔再返屋企,但係之後屋企人又發生大獲嘢,我決定搬返去住,而阿妹就唔返去,直接出去外國 WORKING HOLIDAY,之後我哋都冇乜見過面,一直都係 FACETIME 傾計……
呢幾年佢都係唔同國家走嚟走去,見佢做親都大公司,生活都好似唔錯咁,然後中早兩日佢話返咗嚟香港一段時間,想約屋企人出嚟食餐飯,主要係因為佢唔想返屋企食。
約咗出去銅鑼灣食,
見有個外國人同佢一齊嚟,佢手抱住個B,都覺得有啲大事要發生。
之後佢介紹個外國人係佢老公,上年係美國結咗婚,個B差唔多一歲,我都好震驚,因為佢完全冇同我講過……介紹完之後,佢老公好有禮貌咁打個招呼,之後就阿妹講幾句就抱走阿B出咗去。
我阿爸好嬲咁問佢點解唔比個外孫佢抱,又問點解佢老公唔一齊食,我阿妹直接話四人限聚,更加直接話唔想比佢抱個外孫,其實我都理解,因為事關我都好唔鐘意我阿爸同阿媽……如果係我都會咁做。
我阿爸聽完好嬲,直接走咗人,反而我阿媽都好接受,大概係因為佢都明白點解阿妹會咁……我完本以為咁就完,點解我阿妹話佢會移民去美國,應該唔會再返香港,今日出嚟都係道義上比兩老見下個外孫,不過我諗都係因為兩老啲麻煩太多,如果留係香港會好麻煩。
之後三個女人長坐一邊食飯一邊傾計,交代下呢幾年發生嘅事,最後仲問我想唔想同佢一齊去美國發展,佢老公係大公司做,佢係嗰邊都有份唔錯嘅工作,可以介紹我過去做下先。
其實我真係有啲心郁,但係見到兩老個情況,覺得如果我哋真係離開香港,佢哋又會搞出好多麻煩嘢,同早幾年冇分別,但係另一邊諗,如果真係去咗美國,就真係可以唔洗再理佢哋……
到底我應唔應該跟阿妹出去闖蕩下??



題外話,佢老公真係幾靚仔個BB都好可愛



熱賣及精選
到底你父母做咗D咩先有呢種老死不相往來嘅結果


引用:
原帖由 hugeching 於 2021-4-19 10:58 AM 發表

我同阿妹差一年多少少,阿妹一直都好醒目,讀書都好叻下,早五六年過得幾唔順下,屋企發生咗啲事,原本我同阿妹都搬咗出去住,都有打算唔再返屋企,但係之後屋企人又發生大獲嘢,我決定搬返去住,而阿妹就唔返去,直接出去外國 WORKING HOLIDAY,之後我哋都冇乜見過面,一直都係 FACETIME 傾計……
呢幾年佢都係唔同國家走嚟走去,見佢做親都大公司,生活都好似唔錯咁,然後中早兩日佢話返咗嚟香港一 ...
你阿妹做咁得就真係預左同你屋企決裂
至於去唔去外國發展,真係好睇你自己想點,你覺得去美國生唔生存到先?工作又做唔做到先?如果去到都要靠你個妹就真係唔係太好



做人要孝順,但唔代表你嘅一生就要陪伴父母,父母反而應該讓兒子出去闖蕩,曾經受訪就嚟去世嘅人最後悔是什麼,有90%唔係後悔自己做錯嘅事,而係後悔冇做過嘅事


[隱藏]
道義上比兩卷見下似示威多啲囉!
你老竇老母賣過你地落火坑嗎?點解咁大仇口?



兩老做過啲嘜?🤔


Love Lampard& Lahm& Xabi& Terry Forever
我會覺得出去闖係冇問題,但到時唔好因為兩老有事而後悔一世就得


你兩老衰啲乜?睇你老豆個反應好似唔覺自己有問題喎!


離家出走就當佢死佐吧


[隱藏]
引用:
原帖由 半空遇到了神童 於 2021-4-19 11:37 AM 發表

道義上比兩卷見下似示威多啲囉!
你老竇老母賣過你地落火坑嗎?點解咁大仇口?
太多啦,其中一樣就係比人追債追到上門



引用:
原帖由 Berlinetta 於 2021-4-19 12:00 PM 發表

離家出走就當佢死佐吧
我反而想當佢哋兩個死咗,唔係佢哋應該會煩少好多嘢



家家有本難念的經, 我都有個好燃麻煩既老豆, 大男人, 佢講乜野不可以駁嘴, 就算佢講野五岩都要 say yes. 甚至連我老婆都會 "教訓", 阿妹既老公又會話(講埋D歪理,反駁佢就話你不懂人情世故), 理由係因為佢係長輩,后輩不可以話佢。全世界頂得佢順就係我阿媽,跟足佢半世都冇離婚算厲害。

大家都可以理解到細個我地同阿爸關係都不會好, 不過我個人比較隨和,聴完阿爸發口瘋可以當冇件事,阿爸都70幾歲了,佢鐘意擺款最多少D見面。

不過的確不是每個人都頂得順尼種人,相信樓主屋企都有好多經歷,所以細妹先同阿爸成陌路人。

[ 本帖最後由 hoikin_hk 於 2021-4-19 12:16 PM 編輯 ]



屋企早年發生左大單野又唔講, 你去定留點比到意見?


龍如無摺埋到,唔知就唔好亂講,龍如暫停營業咋,今日仲有人聽電話和講解


引用:
原帖由 hoikin_hk 於 2021-4-19 12:15 PM 發表

家家有本難念的經, 我都有個好燃麻煩既老豆, 大男人, 佢講乜野不可以駁嘴, 就算佢講野五岩都要 say yes. 甚至連我老婆都會 "教訓", 阿妹既老公又會話(講埋D歪理,反駁佢就話你不懂人情世故), 理由係因為佢係長輩,后輩不可以話佢。全世界頂得佢順就係我阿媽,跟足佢半世都冇離婚算厲害。

大家都可以理解到細個我地同阿爸關係都不會好, 不過我個人比較隨和,聴完阿爸發口瘋可以當冇件事,阿爸 ...
成日話「行橋多過你行路」但係佢比啲意見都不外乎搵份工,做到死……真係好乜?



[隱藏]
佢地嘅麻煩係咩? 欠債?


提示:支持鍵盤翻頁左 右
[按此隱藏 Google 建議的相符內容]