• 瀏覽: 2,706
  • 回覆: 16
  • 追帖: 1
[隱藏]
哥在內地工作已十幾年 嫂同姪仔在香港生活 佢地一家長時間分隔兩地 哥同嫂基本已沒有交流
哥其實想離婚但因很多原因包括姪仔贍養費同邊個照顧哥就唔想姪仔跟嫂生活所以一直拖
最近嫂晨早出門返工差唔多深夜至回家 差唔多每日都係咁 我懷疑佢出面有另一個 打算搵楨探查佢 如果証實佢有而我哥同佢離婚係咪可以唔使俾贍養費?

如果哥如願真係可以同嫂離婚我真係拍手叫好 因嫂係一個不用常理唸嘢嘅人 當然哥亦有部份責任 大家俾啲指引 謝謝



熱賣及精選
希望有d識法律朋友可以俾意見


贍養費唔關有冇外遇事,係關邊個搵到錢事。

離婚後養你阿嫂嗰筆,俾到佢再婚為止,如果佢只係有男朋友而唔註冊,前夫一樣要俾。
離婚後養你姪仔嗰筆,養到佢出嚟做嘢為止,就算你阿嫂再婚,你阿哥一樣要養你姪仔。



引用:
原帖由 pp1123 於 2021-4-16 10:51 AM 發表

贍養費唔關有冇外遇事,係關邊個搵到錢事。

離婚後養你阿嫂嗰筆,俾到佢再婚為止,如果佢只係有男朋友而唔註冊,前夫一樣要俾。
離婚後養你姪仔嗰筆,養到佢出嚟做嘢為止,就算你阿嫂再婚,你阿哥一樣要養你姪仔。
之前聽人講話一對夫妻如是但一方有婚外情而有證據繼而申請離婚可影響個人收入同資產分配?



[隱藏]
引用:
原帖由 半夜勇敢的師兄 於 2021-4-16 11:10 AM 發表


之前聽人講話一對夫妻如是但一方有婚外情而有證據繼而申請離婚可影響個人收入同資產分配?
聽邊個講,冇啲咁既事,經濟能力還經濟能力,婚外情還婚外情。
證明到佢有婚外情,只係可以用「離婚呈請書(通姦)」嚟申請離婚,唔使一年分居期。
就算個情夫有俾錢佢,但冇證據冇得講,如果個情夫full pay買咗層樓俾你阿嫂,寫佢名,咁就話啫
除非有證據證明你阿嫂錢多過你阿哥,如果唔係,離婚後你阿哥一樣要養佢,直至佢再婚。

*******
法庭在評定給予什麼類型的贍養費和其金額時,將考慮什麼因素?法庭在決定哪一方應支付贍養費時,須考慮雙方的行為操守和有關個案的所有情況,其中包括下列按 《婚姻法律程序與財產條例》 第7條 所規定的部分因素:
1. 雙方個別擁有或在可預見將來相當可能擁有的收入、賺錢能力、財產和其他經濟資源法庭將會考慮雙方在訴訟期間和「可預見的將來」之整體經濟狀況,而不論其資產或收入的來源或所在地。
舉例說,
如果其中一方已再婚或即將再婚,法庭亦會考慮他要支付兩個家庭所需的額外開支。每一方必須向法庭坦誠地披露所有資產。如任何一方被發現沒有如實披露,法庭可能會向其作出負面的推論或判決。
2. 雙方各自面對或在可預見將來相當可能面對的經濟需要、負擔及責任除了目前擁有或將會獲取的經濟資源外,法庭亦會考慮雙方的支出、債務和經濟負擔。雙方應提供本身經濟負擔的詳情,包括子女的生活費及學費、定期給予父母或其他供養人士的津貼。
3. 家庭在婚姻破裂前享有的生活水平雙方在婚姻期間的生活形式將反映出他們的需求,這有助於評估有關財務申索是否合理。例如,怎樣保證雙方在離婚後的生活水平不會出現重大下調?可是實際上,夫婦分開生活會較共同生活需要更多支出。因此除非有關家庭極為富有,雙方通常須接受生活水平將會在婚姻破裂後有所降低。

[ 本帖最後由 pp1123 於 2021-4-16 11:54 AM 編輯 ]



引用:
原帖由 pp1123 於 2021-4-16 11:48 AM 發表


聽邊個講,冇啲咁既事,經濟能力還經濟能力,婚外情還婚外情。
證明到佢有婚外情,只係可以用「離婚呈請書(通姦)」嚟申請離婚,唔使一年分居期。
就算個情夫有俾錢佢,但冇證據冇得講,如果個情夫full pay買咗層樓俾你阿嫂,寫佢名,咁就話啫
除非有證據證明你阿嫂錢多過你阿哥,如果唔係,離婚後你阿哥一樣要養佢,直至佢再婚。

*******
法庭在評定給予什麼類型的贍 ...
多謝你用心而詳細嘅回答 咁婆媳之間因生活習慣甚至有語言衝突可否在家事法庭解決?因嫂某啲行為以嚴重影響我媽嘅精神狀況 而哥長期唔喺香港做唔到中間人角色 我只想解決件事



引用:
原帖由 半夜勇敢的師兄 於 2021-4-16 12:06 PM 發表


多謝你用心而詳細嘅回答 咁婆媳之間因生活習慣甚至有語言衝突可否在家事法庭解決?因嫂某啲行為以嚴重影響我媽嘅精神狀況 而哥長期唔喺香港做唔到中間人角色 我只想解決件事
婆媳關係冇得響法庭解決,除非你阿嫂動武打你阿媽,或者你阿嫂偷你阿媽啲錢,咁就可以報警拉佢。
就算因打人或偷錢告你阿嫂,係等候上庭期間,你阿嫂通常有得保釋,如果佢地本身一齊住,咁保釋期間一樣會同住。

如果你阿嫂同你阿媽住同一間公屋,咁離婚之後可以申請分戶。

[ 本帖最後由 pp1123 於 2021-4-16 12:20 PM 編輯 ]



周末可以畀男朋友到你屋企去住噶。


勤力揾食遍全球
引用:
原帖由 pp1123 於 2021-4-16 12:18 PM 發表


婆媳關係冇得響法庭解決,除非你阿嫂動武打你阿媽,或者你阿嫂偷你阿媽啲錢,咁就可以報警拉佢。
就算因打人或偷錢告你阿嫂,係等候上庭期間,你阿嫂通常有得保釋,如果佢地本身一齊住,咁保釋期間一樣會同住。

如果你阿嫂同你阿媽住同一間公屋,咁離婚之後可以申請分戶。
就係唔係政府樓而係私樓 但單位有父母哥三個人名 阿嫂同我家人冇可能修補關係 只希望用最低成本去解決



[隱藏]
引用:
原帖由 半夜勇敢的師兄 於 2021-4-16 04:17 PM 發表


就係唔係政府樓而係私樓 但單位有父母哥三個人名 阿嫂同我家人冇可能修補關係 只希望用最低成本去解決
間屋你阿嫂冇名,咪仲容易,佢有工返,趕佢出去租劏房排公屋囉。



引用:
原帖由 pp1123 於 2021-4-19 08:55 AM 發表


間屋你阿嫂冇名,咪仲容易,佢有工返,趕佢出去租劏房排公屋囉。
但佢可以賴死唔走 況且佢同我哥有夫妻名份 哥如有資產嫂有權同佢分 呢個亦係最棘手問題



提示: 作者被禁止或刪除 內容自動屏蔽
引用:
原帖由 半夜勇敢的師兄 於 2021-4-19 09:06 AM 發表


但佢可以賴死唔走 況且佢同我哥有夫妻名份 哥如有資產嫂有權同佢分 呢個亦係最棘手問題
邊有賴死唔走,層樓你阿哥有名又唔係佢有名,
叫你阿哥通知佢搞分居,你阿哥身在內地,認真啲就搵律師寫封信通知佢,分居嘛,俾個限期叫佢搬囉,
佢若果唔搬,搵日趁佢返工/出街,換鎖,執晒佢啲嘢掉出去,搞掂。
佢報警的話,就同警察講,層樓佢冇份,搞緊分居,佢冇資格住咪得囉。

一日未離婚,法庭未判,佢都冇得分你阿哥份身家。
一直拖住係分居狀態,成世只分居唔離婚,咪唔使俾贍養費又唔使分身家俾佢囉。

佢如果醒,調轉頭分居兩年單方面離婚,咁就未出聲分居前,叫你阿哥係層樓除名囉,冇資產咪冇得分囉。



引用:
原帖由 pp1123 於 2021-4-19 11:46 AM 發表


邊有賴死唔走,層樓你阿哥有名又唔係佢有名,
叫你阿哥通知佢搞分居,你阿哥身在內地,認真啲就搵律師寫封信通知佢,分居嘛,俾個限期叫佢搬囉,
佢若果唔搬,搵日趁佢返工/出街,換鎖,執晒佢啲嘢掉出去,搞掂。
佢報警的話,就同警察講,層樓佢冇份,搞緊分居,佢冇資格住咪得囉。

一日未離婚,法庭未判,佢都冇得分你阿哥份身家。
一直拖住係分居狀態,成世只分居唔離婚,咪唔使俾贍養費又唔使分身家俾 ...
原來分居同不妨婚定義是咁樣劃分 如果屋企再有啲咩家庭糾紛而影響彼此關係 咁我不防向哥提出呢個辨法 睇下可唔可行



[隱藏]
分居同離婚在法律層面有咁嘅分別


提示:支持鍵盤翻頁左 右
[按此隱藏 Google 建議的相符內容]