• 瀏覽: 32,159
  • 回覆: 6
  • 追帖: 1
[隱藏]
我依家冇同我老豆一齊住,費時見到個女人眼冤!所以我依家都只係間唔中上去食下飯,都叫做相安無事。

但點知今日,我喺街到等我朋友既時候,見到我繼母同個肥佬一齊行,仲要翹住個男人隻手。個男人唔知喺佢耳邊講咗啲咩,佢戴住口罩都feel到佢笑得好開心。之後,我見佢哋仲買咗杯奶茶你一啖我一啖,真係好噁心!

我過2日會上老豆到食飯,我諗緊點開口,可惜我冇影到相,如果唔係直接send俾老豆睇,我真係驚我老豆頂綠帽愈嚟愈大........

9/4: 潛咗水幾日,因為真係好忙。嗰日我上完老豆度食飯,我都唔知點開口,所以冇喺老豆面前講咩。不過個女人洗碗嗰時,我扮哂野入去話幫手,之後我借啲依chok咗佢幾野,話喺某日見到個好似佢既女人,佢個樣有啲怪,好似有啲心虛咁,然後佢借啲依話要去廁所,就冇咗下文喇。

然後第2日發生咗啲事,唔想講太詳細,總之就係俾我發現到原來個肥佬係個女人既前夫!我都係忍唔住同老豆講咗,我老豆係嬲到震,原來個女人有前科,之前一直同個前夫約出嚟食飯,老豆本身都唔太中意,所以我同佢講完之後,佢超嬲。據我所知,我老豆當晚對佢發咗好大脾氣,最後個女人執咗啲野搬返咗去娘家住,依家仲未返嚟。

[ 本帖最後由 先生有無邊度痕 於 2021-4-9 10:23 AM 編輯 ]



熱賣及精選
引用:
原帖由 ttggyyhhnn 於 2021-4-1 05:21 PM 發表


你又無證據
你老豆分分鐘唔信話番你轉頭
我就係驚呢個情況出現,真心後悔冇影相,依家點做好?



引用:
原帖由 taikonautxyz 於 2021-4-1 05:43 PM 發表


白痴都會影相啦!作故仔!
姐係唔影相就一定係作故仔?你啲logic好奇怪,溝通唔到。



引用:
原帖由 ttggyyhhnn 於 2021-4-1 05:45 PM 發表


一係扮唔知
真係拎出黎講就搵番你繼母啦
我諗住套下佢話先



[隱藏]
 
引用:
原帖由 春天勇敢的筍盤 於 2021-4-8 03:43 AM 發表


正常一定會影相,除非你唔正常,當然先同你繼母講當日你見到佢哋兩個,睇佢有乜反應
唔影相就唔正常? 嗰下我真心呆咗,同埋一開始只睇到側臉,而且又有少少距離,睇得唔太清楚,我都係睇咗陣先認到人。



引用:
原帖由 韓風冰凍的豬豬 於 2021-4-1 09:02 PM 發表


你計冇同埋你爸爸有冇仔女 另外佢哋年紀相差幾多歲 不過我建議你盡量唔好出聲 你估計唔到個後果 你以為你講嘢可能你爸爸就會同你解冇分開 但你有冇諗過你又唔係同你爸爸一齊住 萬一你爸爸同你繼母嘈起上嚟 一時睇唔開十時衝動唔知做啲乜嘢 你可唔可以製止呢 你有冇關心過你爸爸平時嘅生活呢同繼母嘅感情好唔好呢 做仔女擔心父母畀人呃係正常 但感情控制唔到 有時由你把口講畀佢聽 對你爸爸會唔會係一個傷害呢 你下 ...
多謝你意見,我最後都係發現咗原來個肥佬係佢前夫,我先夠膽同老豆講咋



引用:
原帖由 derrickt 於 2021-4-5 05:05 AM 發表


樓主搞清楚啲先啦!可能個肥佬係繼母嘅親阿哥、親細佬或親生仔呢?🤔😅
我都有咁諗過, 但最後發現原來係前夫。