• 瀏覽: 15,250
  • 回覆: 13
[隱藏]
老豆同阿媽離咗婚之後,我就一直同老豆一齊住,佢幾年前識咗個女朋友,間唔中都會過嚟訓,舊年開始就直接同老豆同居。

本身我都覺得冇咩野,有人照顧老豆都好,點知原來佢哋已經偷偷地結咗婚一個月,唔俾我知!

我係無意間見到張結婚證書先知,我真係接受唔到,點解再婚咁大件事都唔同我講,係咪諗住一直瞞住我,姐係我唔知就唔同我講?本身一直同老豆關係好好,但呢件事真係令到我好傷心,連個女都要瞞住,我嬲到返咗公公婆婆屋企住,呢排我都唔知點面對佢哋2個。

佢一直whatsapp我,都有打電話俾我,但我真係唔知點做,阿媽早幾年都再婚咗,但佢有同我講,而我都用咗一段時間先接受到,依家老豆又再婚,佢有個新屋企,我覺得自己好似唔再係呢個屋企既一份子......

#137有最新update

[ 本帖最後由 先生有無邊度痕 於 2021-3-1 05:05 PM 編輯 ]



熱賣及精選
引用:
原帖由 茄汁豉乜味豆 於 2021-2-24 01:24 PM 發表


點解唔聽佢電話? 咁你有冇睇whatsapp?
因為我都唔知講咩好,佢有同我解釋話佢只係想低調啲,又話驚我唔開心,因為阿媽再婚嗰時我都失落咗一段時間



引用:
原帖由 哪吒仔 於 2021-2-24 01:52 PM 發表


心情唔好?住緊嘅樓係咪老竇名?
唔多好



引用:
原帖由 哪吒仔 於 2021-2-24 03:13 PM 發表


層樓係你老竇個名?
寫咗阿嫲個名,不過呢個唔係重點



[隱藏]
引用:
原帖由 哪吒仔 於 2021-2-24 03:32 PM 發表


如果寫咗佢個名,佢註冊結婚佢老婆好似有一半喎?
本身係佢名,但佢早幾年轉咗俾阿嫲,所以層樓先冇寫佢名



引用:
原帖由 Perxo 於 2021-2-24 05:12 PM 發表


結婚係比人中出係兩回事??

見post都feel到樓主好sad
算啦, 睇佢文字就知呢啲人溝通唔到



引用:
原帖由 失業中女 於 2021-2-24 11:45 PM 發表


唔好咁講,你老豆今年幾大年紀?如果佢都唔細(55歲以上)可能佢想揾個人做伴,照顧佢,我估你都大個,弟時你結婚佢又老,又孤獨,有咩事可能都唔想煩你。從你的語氣,我覺得你好念親情,錫父母,父母都錫你。如果繼母份人冇乜點,試下同佢相處。我其實細個同你有差唔多情況,有呢d反應好正常,但人老左諗番轉頭,其實我應該試下同佢新老婆相處,冇咁樣e家有啲後悔
佢都5x, 其實我係最唔明白點解佢要隱瞞結婚咁大件事,其實我遲早一日都會知,呢啲野可以點瞞?唔通我結婚又唔同佢講咩,佢依家咁做只係令到我好討厭個女人,已經冇咩好感可言。



引用:
原帖由 mchan12 於 2021-2-25 09:20 PM 發表


妳老豆結婚,咁妳想佢點呢?早早通知妳咪一樣,妳將來有自己生活嘅時候,妳老豆如果係一條冷,咁佢點算呀?做人仔女,睇開啲!妳父母離異後宜家各自有新嘅家庭,係好事,妳亦應該放過自己,融入其中!
咁點解要瞞住我呢?仔女結婚就要俾父母知, 父母再婚唔使同仔女講?如果連再婚咁大件事都要瞞住仔女做,呢啲叫咩屋企人?



引用:
原帖由 ok3 於 2021-2-26 11:15 AM 發表

就係知樓主會唔開心所以咪唔同你講囉,呢啲係善意嘅沉默的謊言。老豆平時如果錫你嘅,再婚都一樣會錫你,因為你仍然係佢個女。對做父母嘅嚟講,呢樣嘢係唔會有分別嘅。大啲你做人父母就明㗎啦。如果佢地再生,無可否認對你嘅愛可能會分薄左 (尤其係個後母,佢唔玩嘢你都偷笑)。如果佢兩個有返咁上下年紀,又會少左呢個問題嘅。
問題係, 佢覺得可以瞞我一世?呢啲野我遲早一日會知



[隱藏]
引用:
原帖由 Yanbe 於 2021-2-26 10:32 AM 發表

我相信樓主知道會祝福呀爸
何必隱瞞
諗住個女永遠都唔知
有個陌生人人一齊生活係幾唔自在
如果佢坦白同我講,我會慢慢接受.......

呢幾日佢都不斷搵我,搵埋我公公婆婆出面,公公婆婆都叫我哋坐低傾下,話2父女唔好有隔夜仇,公公婆婆仲約咗佢星期日上嚟屋企食飯...



引用:
原帖由 正人正貨 於 2021-2-26 03:33 PM 發表


即係,俾人分撚咗份身家。
你中意分人身家係你既事,我從來冇講過呢樣野,咩人諗咩野,你都唔係俾意見就唔該你行開!



引用:
原帖由 hkmamyhk 於 2021-2-26 06:02 PM 發表

睇落去你唔係關心老豆幸福最重點係未來層樓誰屬,生舊叉燒好過,家門不幸
我有咁講過咩, 明明係你哋自己喺到ff, 睇清楚內文先出聲啦, 層樓唔係重點, 你閱讀理解係咪有問題呀?



引用:
原帖由 純良的藍白貓 於 2021-2-27 11:14 AM 發表

我feel到樓主呢份感受好似自己係外人,唔係屬於呢個家咁
終於有人明白我!!!!



1/3/2021 update:


尋日老豆上咗嚟食飯,其實我呢幾日我都諗咗好耐,我都有同佢講清楚點解我咁唔開心,係因為佢瞞住我。我問返佢,咁我結婚瞞住佢佢會點諗,佢話呢啲野點可以唔同屋企人商量。我話你結婚都冇同我商量,你連講都唔冇講,唔係我發現既話,我根本唔會知。


佢話佢都諗咗好耐,想搵個合適既時機先開聲,佢話其實佢都5x,冇諗住再生,結婚都只係個儀式,但佢都冇諗過我咁大反應...... 我哋平心靜氣傾咗好耐,佢想我返去住,我話我就算原諒佢,但短期內我都唔會返去住,亦都唔會叫嗰個女人做阿媽,最後佢話佢會留返間房俾我,佢呢一世只會得我呢粒囡,想幾時返去都得。


另外,我都唔明點解大家只係關心層樓,我自己都唔care,可唔可以唔好轉移視線!



[按此隱藏 Google 建議的相符內容]