[按此打開]
[隱藏]
對上一次分手係2019年8月，上一個男朋友傷得我好痛，
但最後因為某啲原因某啲觀點角度，兩個月之內不斷鬧交，
最後佢選擇咗同我分手，我好傷心。
雖然我知道感情嘅事冇得勉強，但係我本身係想同佢共偕連理。
分咗手之後半年，我一直都走唔出傷痛，
加上個段時間社會發生好多事，每日都有小朋友受傷，
日日都好唔開心，最後仲爆埋疫情，作為一個醫護，
呢段時間壓力大到爆炸，我有幾次諗過我不如放棄份工，
搵份簡簡單單嘅工作算，直至我遇到我而家個男朋友，
我呢個男朋友係一個朋友聚會認識，傾落個陣覺得大家幾岩傾，
鍾意既野又差唔多到，慢慢，就拍拖了。
佢同上一個男朋友唔同，至少我地既價值觀係一樣，
除此之外，佢對我嘅關心係前所未有，佢每日都會好Take Care我心情，
驚我唔開心，仲做左樣好肉麻既事，就係每日都打一句佢自己作嘅詩俾我，
佢話希望可以老左睇返當係一個回憶。
總之有佢喺我身邊，就覺得好安心，而家雖然返工好辛苦，
好忙好多野做，但係一諗到有佢支持我，愛我，幾辛苦都值得。
最後希望大家加油，只要你地對愛失去信心，你總會遇到一個愛你嘅人，
亦希望疫情早啲完結。
早餐肉上～
