[按此打開]
[隱藏]
我自己就好鍚車揸嘅，本時揸車都好小心唔想有乜傷痕。
親戚個打靶仔啱啱考到牌，話想搵人帶佢實地行下路，即係想借我部車揸下，又想搵我帶佢上咁。
好啦，廢事又比話說我聽，借車比佢，又帶仍行下主打嗰幾條路，冇乜事發生咪返屋企。
佢話要返一返屋企先，之後再車我返去，一去到佢屋企樓下，又話要練下路邊泊車，就出晒事。
一開始比大油上晒行人路，都感覺到個車頭一係花咗一係爆咗，已經燥燥地，鬧佢兩句，問佢個牌係唔係淘寶淘返嚟，唔知佢係唔係有心，一倒車，再比油，DLLM，我成個身車貼住後邊部車磨過去，我立即叫停佢，佢仲好似發脾氣咁比油……
佢停咗車之後，我落車睇睇，成個車頭花晒，車身又花埋，最慘係人哋部車個車頭花晒，我嬲到指住佢鬧，佢仲好似唔知乜事咁，我打電話叫埋佢老母落嚟。
佢老母又話一場親戚，唔洗搞咁大，打算比二千蚊打發我走，呢個時候個打靶新牌仔仲話我部車係老爺車，邊值二千蚊，叫佢老母比幾百蚊好啦，唔好比我呃。
我嬲到差啲一巴打埋好，唔係佢老母阻住，我應該打死咗佢。
上次之後，加埋今次，我應該呢句都唔會同呢家人有乜聯絡。
