[按此打開]
[隱藏]
我同阿爸阿媽細妹住緊間300幾呎既公屋同細妹同一間房。我成日好睇唔過眼我細妹啲野。
好似佢成日夜晚同佢條仔傾電話，但開spaker我已經聽到好尷尬
平時又係房大大聲聽谷阿莫 叫佢用耳機聽 又話唔鐘意喺屋企帶耳機😒
佢條仔同屋企關係好差，結果逢大時大節例牌走上黎痴餐，
但就大爺咁款坐喺度，從來冇話幫手開飯咁。
連扮下野都冇，每次都兩手空空走上黎。
最誇張試過一星期上黎3、4日。
我細妹又拎埋條仔啲衫返黎洗，掉埋落我地個污衣籃度，
即係變相我啲衫都洗埋同一機，我覺得好嘔心。
佢地兩個喺廳坐到旁若無人咁，我妹坐到兩隻腳放哂喺條仔既大髀上面，成家喺齊度都係咁，
又喺度幫條仔唧暗瘡。
兩個人就話啫，成家喺哂度真係可唔可以檢點啲😓
我喺屋企既話，會努力守住間房。
但有時我出左街，一返到屋企諗住入房放低袋，就見到佢地攬住一齊瞓/兩個坐喺張床度談心（？）
我真係好尷尬。仲要有時我媽收左我啲底衫褲就咁掛左喺度。
我同阿爸阿媽反映過，佢地又愛理不理，究竟係而家啲老豆老母咁開放大方，定我古老小家
