[按此打開]
[隱藏]
我自己本身有個BB，就係前幾日認識一位隔離屋既媽媽，佢係大陸人，佢奶奶帶佢黎香港嫁俾佢老公，係未了解對方之下，生左個小朋友先結婚，現在一歲，依兩日先知道佢係條村到出晒名俾奶奶打，多次報警都冇用，後來我奶奶同我講，佢老公無能，日日係屋企打機，唔返工，個奶奶係條村惡到出哂名，個女人照顧小朋友，冇錢，係靠親人係大陸寄錢落黎買餸，後來我聽到之後，都有叫我工人姐姐幫我送奶粉，衫俾佢。我好小八卦依d事，無意中聽到, 其實佢奶奶咩樣，我都冇留意過,我本身就不聞世事!
就係今日，我早收工，返黎見到個女人抱住個女坐左係我屋企出面個棚底到，條頸流哂血，剛包紮好，我不忍心之下，我就去問佢咩事，佢就同我講，好後悔嫁佢老公，話奶奶成日打佢，報警都冇用，揾社會福利署都未搞得掂，佢話奶奶收埋佢個女証件，唔俾佢帶個女走，佢想走，就要擺底個女，做媽媽既，點會捨得,佢仲我同講搞緊離婚, 怕拎唔到個扶養權, 因為佢未有身分證, 香港又冇親人,冇屋, 係香港又搵唔到錢。我見到佢個女著住好薄既衫仔，我叫佢入我屋企坐，佢話佢奶奶好麻煩，俾佢見到佢入我屋企，我以後會好麻煩，最後我拎左條褲仔俾佢個女著。我家人都叫我唔好理人既事，唔好多事，唉，但見到佢抱住個女，冇屋企返，喊哂, 又冇人可以依靠, 好慘,如果袖手旁觀，之後唔知會發生咩事。
不喜歡此話題者, 勿留言攻擊!!
[ 本帖最後由 最快樂的日子 於 2021-2-4 12:11 PM 編輯 ]
