[按此打開]
[隱藏]
剛與男友開始拍拖1個月，他40，我38
他目前不斷話想買樓，他有首期但不足夠全付，他人工接近3萬7 （他有顯示他戶口及糧單証明我睇），壓力測試亦過不到，所以，他向我講，想揾我做擔保人，錢就佢供，我明確咁拒絕左，直接講：呢d事我會結婚後先會... 現在只是情侶關係...
近排他不斷帶我去睇樓，不論私樓或居屋都有睇，他希望我參與其中，不斷問我意見，想住邊區等等... 當然，我清楚知道自己咩身份，所以不太加太多個人諗法（如點佈置，裝修等）
有時他會有意無意講：如果父母真係幫唔到餘下首期，到時按揭要揾你做擔保。每當聽到呢度，我都重覆講： 我唔做擔保。
他對我的說話就會開始麻麻，好似係我唔幫他一樣...
我有表明，我以結婚和生bb為題，他都話想自己有一個家，不過，現在樓價咁高及居屋難抽，所以我有同佢講不如租樓先，他話自己人工能應付買樓，只係差少少首期 同擔保人... 他再講：我唔想你再遲生，不景你年齡不小，身體難恢復... 父母跟我講，暫時先唔好諗生小朋友，如果他又買樓又生小朋友，他負擔極重，會壓死他
聽到他說這些說話，我感覺又覺得好warm，但係，又感覺不是味兒... 我地應該買樓定先租屋？
除左買樓，有一點我想不通透，就係他俾我感覺，他好似好坦白... 他背囊準備定xxx都跟我講，他覺得同我拍拖，一拍拖就可以發生關係咁... 不斷講：因為疫症，酒店好便宜.... 🙄 就算未認識我前，他去相襯，他都準備定....
我知道，大家成年人，男人有需要係正常，不過，係咪會好似佢咁？
***我其實一直保護緊自己，不理男人對我幾好，我亦保護自己，但亦會因應男友生日或需要，亦會送給男友（當然不名貴，我亦不會要求收名貴禮物或高消費用餐）
謝謝大家睇完，期待大家意見🙏
