• 瀏覽: 4,366
  • 回覆: 8
  • 追帖: 1
[隱藏]
以下有d長,希望大家唔好介意:
我今年27歲,屋企人由我讀緊大學不停催我拍拖,佢哋介紹過好幾個男仔比我,但我發現都係有問題,可能係我自己要求高:
- 第一個男仔雖然收入唔錯,但佢實在太肥,目測400磅或以上,試過同佢去睇戲,佢的吸呼聲搞到我好頭痛,最後我放棄咗
- 第二個男仔同我whatsapp時只係講去旅行再去旅行,講飲講食,一講到事業同將來,佢就dead air,仲同我講及時行樂...做人唔好太辛苦...
- 第三個男仔作細歲數,自問我屋企都有啲迷信,我同某生肖相沖,一開始唔知道,有好幾次約個男仔出街,每次出街前一刻,佢屋企人總出事/要去醫院,後來我屋企人問個男仔媽咪,先知原來個男仔係果個相剋生肖,最後又無下文,因為兩家人都反對
- 第四個男仔,同第二個男仔一樣,只係識得講飲講食/去旅行,問大家會唔會一齊去上堂進修下,又dead air...佢之後無再覆我...
-----------------------------------------------------------------------------------------------------
其實我都係前公司識過男仔/或網上識,最後都係無結果:
第一個男仔:喺前前公司識,佢係我上司,其實feel到互有好感,想同表白之際,先知道佢有女朋友,只係想我做第三者,我一知道後就放棄咗,最後我都辭職了
第二個男仔:喺前公司識,佢好照顧我,我都當佢係朋友,進一步認識時,先發覺佢係好大洗,每個月幾乎用晒份糧買波鞋,唔係炒,而係自己著,仲要擺咗十幾對名牌波鞋喺公司比人睇==
第三個男仔:交友app識,大家都幾好傾,約出嚟後,發現佢身高同佢講既唔同,最重要係佢矮過我(p.s.我已經算幾矮),約出嚟見面後,個男仔成日講佢公司d公事比我知,叫我幫佢解決...um...我放棄咗
第四個男仔:交友app識,約出嚟食飯後,發現佢對錢銀好精明,飯錢係aa制了,我只係比漏咗5毫子,佢當面問我拎返...um...我都放棄咗

-----------------------------------------------------------
個人背景資料:
1. 其實我覺得自己都有問題,父母成日為錢銀鬧交,我都係想搵一個比到安全感,同經濟穏定的男朋友,我自己一定會工作,都希望對方係有上進心的人,唔想重覆我父母的後路
2. 我屋企好重男輕女,搞到我覺得自己對男仔係咪有少少恐懼?
3. 讀書時有拍過拖,但分咗手....
4. 我唔想靠屋企人介紹男仔,請問仲有咩方法呀T.,T,有參加義工活動/有問朋友介紹/有玩交友app了,我屋企人成日催我,我好辛苦...



熱賣及精選
引用:
原帖由 karenchan 於 2021-1-22 08:13 AM 發表

緣分呢啲嘢真係唔係必然, 遇到有的時候要好好珍惜, 未有的時候再好好裝備自己吧。
結論就係等運到
我都想遇到,咁我就唔洗煩啦!
我宜家已經努力緊去裝備自己:學唔同語言、唔同既興趣、做運動



引用:
原帖由 高佬中坑 於 2021-1-22 05:42 AM 發表


妳刀揾到好多個,不過唔啱啫!緣份呢家嘢,要慢慢撞,望妳撞到別一半啦!
好啦,多謝你



回覆 引用 TOP

引用:
原帖由 happy~haha 於 2021-1-22 12:13 AM 發表


Me too.
奔3後被催得更加勁
以前諗過30歲前結婚,生小朋友,唉~都唔知呢個目標得唔得



回覆 引用 TOP

[隱藏]
引用:
原帖由 sforsecret 於 2021-1-21 11:42 PM 發表

生靚d 身材好d 大把你揀
我都想變靚女,身材應該還好吧



回覆 引用 TOP

引用:
原帖由 tungsingyiuyeu 於 2021-1-21 09:06 PM 發表

父母成日為錢銀鬧交,<--依D野真係有遺傳..
其實由細到大見得多,會對婚姻失去信心
以前我係不婚主義,其實宜家想結婚都只係屋企人。。。
我成個家族既婚姻觀好奇怪,以前唔知,私下問過朋友先知
我有個表姐上年被逼因為年紀大而嫁,而且出咗好多問題,最恐怖係佢屋企仰佢結婚後不久就接連出事,死既死,傷既傷



引用:
原帖由 門外少頭黑 於 2021-1-22 09:28 AM 發表

乜事情都有困難,包括啪拖
其他方面我可以自己解決,但拍拖真係唔知點搞。。。



引用:
原帖由 fbad6ec68cf78d 於 2021-1-22 10:24 AM 發表


30歲之前可以嫁畀愛情,30以後嫁畀生活。關鍵系,你要考慮好,仔細嘅考慮好,你到底想要乜樣嘅生活?咁嘅生活你需要具備乜條件?你未嚟嘅老公需要乜條件?很多時候,喺你勤力奮進嘅,不斷充實自己陣,美好不期而至。條件嘅高低系相對嘅,祝你幸福。
多謝你,你呢個問題我都考慮咗好耐。。。我宜家都係想搵個經濟穩定,有安全感的男朋友,至於愛唔愛呢個問題,我覺得宜家已經死心了~



回覆 引用 TOP

引用:
原帖由 fbad6ec68cf78d 於 2021-1-22 10:24 AM 發表


30歲之前可以嫁畀愛情,30以後嫁畀生活。關鍵系,你要考慮好,仔細嘅考慮好,你到底想要乜樣嘅生活?咁嘅生活你需要具備乜條件?你未嚟嘅老公需要乜條件?很多時候,喺你勤力奮進嘅,不斷充實自己陣,美好不期而至。條件嘅高低系相對嘅,祝你幸福。
過年後,我應該都會轉工,因為宜家間公司學既野已經唔多,再加上都有公司搵我跳槽,睇下到時有無機會遇到先!^_^



回覆 引用 TOP

[按此隱藏 Google 建議的相符內容]