[按此打開]
[隱藏]
我有個ABC女性朋友，本身條件唔錯有幾分姿色，拍過下廣告，性格自大、自私鐘意出風頭，極度自戀狂鐘意Upload生活照去FB, IG, Wechat.....,.公度天下，驚死人哋唔知佢仲未死得。從學生時期開始，我估除咗做人妻果十年，一向無間斷利用美色玩弄男人感情同金錢物質上伶著數，經常喺女性朋友之中炫耀自己有幾多兵，從觀察所得同埋綜合其他朋友Comment, 佢基本上祗要對佢有利用價值既男人，基本上都來者不拒，下至茶記廚房仔、冼頭仔、南亞人、三行佬上至富二代、大律師，基本上佢身邊每一個男人都係佢收兵目標，被佢認真愚弄既兵可能計埋佢d仔女既手指腳趾都數唔唒，共通點係冇一個麻甩佬係俾佢玩到損手爛腳不歡而散收場（佢自己講，加上當中有d係我哋Common friend）。一向係情場Killer既佢，到三十到尾年華老去果陣，最初以為執到個筍盤，經朋友介紹識咗個外表柒下柒下做専業人仕既麻甩佬，條仔結婚前對佢千依百順、任勞任怨、要乜買乜、完全滿足唒條女既神級公主病，基本上為咗佢已經冇唒男人基本尊嚴同隻狗冇分別，後尾佢哋同居繼而奉子成婚離開香港一齊移居美國（以我朋友一向咁攻心計，有機會係佢特登大肚），條女一心以為可以成世食住條佬，以為佢喺外國冇人冇物，從此要瀨佢鞋底靠佢做人當佢公主咁服侍，點知結婚後先知道瀬嘢，原來條友係空心老棺， 最大鑊佢喺香港原來一早已經周身債，以前溝佢d錢全部靠借去死充爛充，要佢幫手還債不特止，去到仲即時唔做嘢灘大手板，要條女俾$照顧埋佢香港d屋企人，最慘仲要俾佢當人肉沙包同發洩工具，不過條女天生死要面同鐘意出風頭，其間仍然經常喺FB upload 佢d 溫馨家庭照，我哋d朋友仲以為佢好幸福嫁得好。條女因為洗濕咗個頭，傻下傻下以為同佢再生多件，條仔就會發奮搵工重生做人，後尾因為俾個男人越打越勁，又成日俾人上門追債，先焗住唔離婚唔得，不過條佬好醒，擺明一早plan好唒，第一佢知條女死要面，另外仲要同佢有咗幾個細路知佢唔會咁易離開佢，最勁係睇中佢緊張d仔女於是扮同佢爭撫養權，條女最終自願奉上香港手頭物業俾條佬叫佢唔好同佢爭，所以條佬而家有仔女又唔洗養，條女幫佢移埋民，返到香港又搵到份好工，而家純粹每個星期接番d仔女一兩日同佢哋住，仲要無端端多咗兩層樓喺手(需然未供完，但係2008年買好平），簡直係人生勝利組。最慘係條女佢大部分身家都去唒呢條佬度，而家成半百先帶住d仔女返香港再重新出發，做KOL標榜Single Mom扮發放正能量，其實最終目的又係賣弄自己美色想搵水泡，呢d咪叫報應囉。
[ 本帖最後由 Panasonic2021 於 2021-2-28 04:01 PM 編輯 ]
