[按此打開]
[隱藏]
自問唔矮，都 175，但係佢成 185。
其實我唔太鐘意高妹，之前啲女朋友都係 ~160-170 左右，矮矮地先啱我。
前排FRD搭FRD識咗個女仔，坐低都唔覺，一企起身先發現原來佢好高。但係佢又唔係高得嚟又大大份咁，佢高之餘手腳均稱，真係好似MODEL。
之後大家都有交換電話吹下水，問落原來佢中學嗰時打排球校隊，仲有玩田徑跳高，唔怪之得咁高。
最特別就係佢頭髮長長，又唔染又唔電，好清純，有時睇佢坐係度真係好似睇緊藝術品咁。
之後有機會同佢飲下嘢食下飯，忍唔住問佢之前啲男朋友幾高，但係佢好似好唔想答咁。問咗幾次之後佢先話佢啲EX好多都係190左右，即係高我成個頭有多。
我又唔敢問佢介唔介意男仔矮過佢。
我想問下，女仔會唔會好介面意男朋友矮過自己？
