[按此打開]
[隱藏]
由細到大我同呀媽啲價值觀好唔同
佢好自我中心 講野又mean
搞到全家經常比佢踩到地底泥
直到我結婚搬走 我地既關係先叫做好返d
至少每次見面都係食飯 唔會見好耐
起碼無乜mean野聽
最近我有左bb 因為我同老公兩個人住
我知道自己有左之後 加上疫情
所以無再返工(本身份工要對住好多街外人)
而我老公份工又要輪shift
好多時都係自己一個人食 好難煮到飯
我老公就建議我間唔中返下娘家住幾日
起碼有人照顧 又有湯水飲下
而家久唔久都會返娘下家住
我以為我媽知我大左肚 性格會有些少改變
點知都係無 成日叫我生完好返工
但又唔係話會幫我湊 叫我請工人咪得
不過我同我老公都對工人無乜好感
我奶奶以前個工人又係態度差博炒
炒完又要賠錢 又要比過筆中介費兼等左好耐
先再請到而家個工人去照顧婆婆
同埋我老公有朋友個工人借完錢就著左草
早排新聞講孕婦係疫情下既情況
然後我媽又係到諷刺我疫情下大肚
我本身有多囊症 都知自己好難懷孕
婚後我有keep住用排卵試紙
不過都係無用 直到決定唔再用之後
就係個刻小天使突然間降臨
所以我都好小心 盡量少d出街
佢又串我成日留係屋企
好心返下工 或者出街行下
又話當年佢都無辭工 幾乎日日都出街咁濟
(其實我唔出街係為左減低中招風險)
搞到我有時忍唔住匿埋喊
本身我係娘家到住一個禮拜
但呢幾日比呀媽串完就搵老公呻
佢叫我提早走 無謂再聽埋d刻薄說話
因為我同老公係租屋住
為左bb想搬間大d
但d親戚又話大肚唔好搬屋
所以我老公叫我臨盆就返娘家到安胎兼坐月
搬屋既事佢會等bb出世後再處理
不過而家我已經開始頂我呀媽唔順
佢同以前一樣 只有佢講無人講
我好怕到時會患有產前/產後抑鬱
目前最大問題係bb出世後 除左我媽之外
唔知可以邊個幫手湊 我奶奶本身有返工
又唔想佢為左個孫而辭工
最煩係我到時會搬離佢住個區
變相佢幫我湊就要住係我屋企
好怕將來同奶奶會因為bb而有拗撬
當初唔同佢屋企人住就係希望減少磨擦
總好過關係變差後先搬走
點解我朋友d呀媽可以咁nice 關係又咁close
但我呀媽剛好相反 咁鬼乞人憎？唉....
[ 本帖最後由 sslltt 於 2020-12-26 11:52 AM 編輯 ]
