• 瀏覽: 3,050
  • 回覆: 6
  • 追帖: 1
[隱藏]
如果夫妻之間性格極之不和,一唔啱佢聽就發脾性及鬧人。兩日一小嘈,三日一大嘈,鬧交時男人經常侮辱你,甚至乎鬧埋你父親(已故),及侮辱你父親,講一些非常非常難聽既說話,連我已故父親佢都唔尊重,搬出黎攻擊我,實在忍無可忍,無法再忍。


每次屋企小朋友都係睇在眼裡。以前諗過離婚,但顧及到小朋友仲細個,又怕影響佢地心身健康成長。但到今日,又再一次咁樣,嘈到隔離鄰舍都向管理處投訴,上門投訴,依家攪到整個屋苑個個都知道我地單位成日嘈交,甚至好大聲影響到人,但佢從唔考慮會唔會影響到人,鐘意幾大聲就幾大聲,我係呢度已經覺得醜到無地自容。
今晚畀管理處多次上門投訴,但佢仲係繼續大聲...好嘈咁不斷講同一句粗口.不斷咁重覆又重覆好似念經咁...鬧我以及侮辱我已故的父親。
這幾年我眞係忍得好幸苦,以前佢仲試過郁手,為咗小朋友,我一直忍受,原諒佢。
依家每次都可以因為小小事,或小朋友既事嘈到天翻地覆,佢可以不斷侮辱你,鬧你!
完全不懂得尊重你,佢身邊朋友都知佢性格問題。佢大我差唔多十年,但佢一啲都唔成熟,講嘢、行為都相當幼稚,不懂體諒人,極度大男人!呢幾年忍得好幸苦!

我真係好想離開呢個地方,可惜疫情當下,而且還有兩個小朋友,我眞係好徬徨,唔知可以點做,亦唔知向邊個傾訴。
呢幾年生活得非常非常唔快樂!我好想離婚,離開這樣的一個魔鬼,但我又怕失去兩個小朋友。我可以點做才能夠快樂咁同我既小朋友一齊快樂的生活?

[ 本帖最後由 車站奇師姐 於 2020-11-30 01:37 AM 編輯 ]



引用:
原帖由 fungpoyee 於 2020-11-30 01:27 AM 發表

我在單親家庭長大,家中都係有個衰老豆所以呀媽帶我離開佢,離開後仲開心。家庭環境比家庭成員更緊要,但都要睇你有冇能力去自力更生。
如佢肯畀我地走,我會走。可惜衹係驚佢唔肯。依家每日都係煎熬..



引用:
原帖由 笨豬傻咪 於 2020-11-30 10:14 AM 發表

每次屋企小朋友都係睇在眼裡。以前諗過離婚,但顧及到小朋友仲細個,又怕影響佢地心身健康成長。<===唔通日日係屋企嘈交就唔影響小朋友成長咩
所以我依家都唔同佢講任何嘢,如果離開,我亦唔想再留係呢個地方



引用:
原帖由 春天一留言 於 2020-12-1 12:14 AM 發表


離啦仲諗,爭返個撫養權咪得囉😘
點爭?呢個係重點



回覆 引用 TOP

[隱藏]
引用:
原帖由 902chok 於 2020-12-1 02:18 AM 發表


聽你咁講啲情景,都好辛苦活落去。
係超超超..超辛苦!



回覆 引用 TOP

引用:
原帖由 沉默的煙灰 於 2020-12-2 05:08 PM 發表

你冇講佢仲咩要鬧你 ....

你做左D咩佢鬧得咁勁
家常閒事都可以鬧到你飛起!以前佢鬧我,我儘量忍佢。依家佢連我已逝父親都要搬出黎咒,簡直係忍無可忍



回覆 引用 TOP

引用:
原帖由 902chok 於 2020-12-1 02:20 AM 發表


唔係話搬就搬,佢要手上有錢又唔同。
幾多$先為之有$



回覆 引用 TOP

[按此隱藏 Google 建議的相符內容]