[按此打開]
[隱藏]
有家室男人，最忌食著痴線西
男人最忌食著痴線西，特別係有女朋友同已婚人士。單身呃蝦條肯定煩一排，普通拍拖就難甩身。如果你本身拖住條女、已婚、一家幾口就肯定仆街。
有啲女人真係痴撚線，唔係講笑。佢唔好過，都唔會俾你好過。你唔愛我呀？口講就話都愛你，實際上就攬炒囉。你有女朋友、老婆呀？我搵佢傾兩句先再放你走囉。
呢啲痴線西總係有種吸引力，一係就好撚淫，個樣好正身材好索，一係就嗲功一流，講兩句就氹到你高潮。佢地好識激發男人保護慾，硬係有一兩樣嘢特別慘，就算佢本身有男朋友、老公，都一定係「佢對我唔好」，班英雄主義嘅男人就好想幫下佢。男人無法自拔咁衝去攬佢，條女就會好主動，任你玩，成日嗲你，令你覺得自己一定係最有吸引力嘅救世主。
男人係呢個時候通常好快樂，但呢種快樂係短暫，條女唔係真心愛你。
佢會越嚟越癲，講話就「好愛你，愛到不求名份，唔想你走，同你一齊多一秒就一秒，你地先至係真愛」。但係就好多要求，郁啲就發癲。一有咩事就會周圍唱衰你，同人講你對佢有幾賤。佢就好可憐，只係全心全意愛你嘅小女孩。
明明講好咗地下情都好，唔知點解班mutual friends都開始知，就嚟傳返去女朋友或老婆度。但佢都仲係面不改容咁嗲你，好主動咁索求你嘅性同愛。同時繼續做一個神經質，越綁越緊嘅癲婆。
到你知錯想斬纜，返去好好對自己女朋友或老婆，開始覺得條女太high maintenance，佢就會周圍唱係你欠咗佢。
喂，得唔到你梗係唔忿氣啦，一定要千方百計攬炒。第一時間cap哂你啲嘢send出街，有幾揚得幾揚。再搵你女朋友或老婆，扮受害者扮弱者：「唔關我事架，係你老公真心愛我，成日約我扑嘢，我都想放手好耐，係佢話你醜樣，你煩，對你冇感情，但我唔要佢架啦，你要啦。」
作者：晞嵐 Hei Nam
FB: 晞嵐
