[按此打開]
[隱藏]
我想挽救我嘅家，捉我老公坐低傾過，佢唔敢正視我，亦都唔敢肯定咁答我問題，只係一直否認同外面個所謂朋友有嘢，我問佢呢個月成日出街約乜人食飯，成日想去見乜人，其實係佢心目中已經好清楚，我都好清楚，同朋友成日去食飯都唔會食咁多個鐘，下午4點幾出去，夜晚成2點先返，究竟乜嘢朋友先會需要咁多時間陪佢，連老婆仔女都唔理，大家都好清楚。我相信佢同個朋友已經上埋床，一個月時間都冇就已經上得床，個女人都唔會好得去邊，佢仲係已經知道我老公結咗婚，有兩個好細嘅仔女，仲同我講同我老公冇嘢，只係朋友，叫我相信我老公，我覺得好可笑。你兩個係一齊已經係事實，無論我想點挽救都挽救唔到，我自己會慢慢放低，慢慢放棄，我相信我哋離婚係遲早嘅事，而家你話兩個仔女咁細會影響佢哋，我反問你同你前妻分開咗，兩個仔女都跟佢，而家咪一樣過得咁開心，唔好再用小朋友做藉口繼續留係度當我係工人，其實冇你我哋可能會更開心。。。。以後我唔會再當你係我老公，我只會做返我自己，唔再為你改變，我同你只會講錢，唔再講心，我還你自由，做對有名無實嘅夫妻
