• 瀏覽: 928
  • 回覆: 1
[隱藏]
今天小一放榜.  好好彩, 阿仔已經被佢想讀的小一收左.  我地吾係25分或必收生.  係一間好多舊生同有宗教背景的學校, 我地只有20分, 收左真係好好彩.

係我未有小朋友前, 每次同身邊其他父母傾計, 總係聽到報左幾多間小學.  我個時吾明, 我問佢地為乜要報咁多間, 有書讀, 間學校吾太差咪得lor.  當時大家都話, 到你做父母就知啦.

到今日, 我真係好自豪咁講, 我真係做到.  到現時為止, 我只係報左一間N班, 收左之後無報其他學校.  報左政府統一派位, 之後, 只係報左2間私校.  一間收左, 另一間in都未in.

我絕對吾係一個吾愛錫阿仔的爸爸.  相反, 我放棄我自己的娛樂, 自從佢出世之後, 一個月都無出去同朋友食一餐晚飯.  全部時間都係陪佢, 因為我想陪住佢成長.  我以身作側, 教佢乜係應該做, 乜係吾應該.  而家佢係一個好乖, 有禮貌, 見人識打招呼, 有愛心的小朋友.  我從來吾在意佢成績, 所以報的個一間係happy N, 直昇happy K, 小一都係出名Happy school.

我細個時讀書40人一班, 每次都係25~30名.  我運動又吾叻, 所以直到中五前都係一個無自信的人.  直至repeat中五, 考得吾錯, 先慢慢build up返自信.  所以我一直吾想阿仔去所謂名校.  如果有一日, 阿仔讀書讀得好好, 佢想去, 我當然支持.  不過, 我吾會推佢去.  我一直只係想佢開開心心, 健健康康的成長.  

坦白說, 我無法認同身邊朋友的做法.  係佢K1時識的小朋友, 好多轉頭又去了更好的名校.  而家K3班家長, 最小個個都報10間8間小一.  每個星期都係安排Interview.  有一間就想下一間.  作為父母, 到底自己要點做先係對佢最好呢?  推去佢名校, 想幫佢平步青雲?  我真心吾係太重視佢讀邊間, 校風吾好太差, 係基督教學校就OK.  你小一定小二識乘數, 我一點不在意, 你大左都一定識.  提早幾年學識又代表什麼? 我選擇將我的時間同愛放係自己小朋友度, 一齊成長.  可能對我小朋友來說, 爸爸對不起你, 做我個仔好難有父蔭, 我吾知你大左會吾會埋怨我無幫你入名校, 吾知你會吾會埋怨我無幫你買定樓.  只係阿爸一定會好好陪你成長.



引用:
原帖由 mia20 於 2020-11-24 02:15 AM 發表

派到心儀嘅學校恭喜你啦~
派到當然開心。今次吾得,等大抽奬,大抽獎吾得,我哋都會扣門。我哋係同一間幼稚園讀,又係番同一間教會,斷估最後揾牧師寫信吾會扣吾到。

搵多一間私校係後備,費事最後派去其他宗教的學校。

有d fd,隔一排小朋友都讀吾同學校。又有d fd, 讀完名校搞唔掂結果都係出番來。小朋友咁様真係開心咩?



[按此隱藏 Google 建議的相符內容]