[按此打開]
[隱藏]
要挽救嘅都挽救過，我老公已經對我無晒感情，唔會再關心我，心痛我，一次又一次傷我的心，諗返轉頭，咁多年驚佢呢樣驚佢個樣（都係女人嘅問題）唔開心嘅只有我自己，我已經過得好攰，未有仔女都已經死心過一次，我相信俾啲時間自己，一定可以再一次對佢死心，我知道係好難，以前自己日日返工，可以將心思放喺工作上，而家日日係屋企湊仔女，對住四面牆係會多咗時間亂諗嘢
其實都唔知自己鍾意佢啲乜，40歲冇儲蓄，月入唔多，仲要係收入唔穩定(做散工,返一日計一日)同佢結婚，無婚禮，無婚紗相，可以講係乜都無，我都無所謂，只要日子過得好就得。呢排有錢就成日同人出街，同仔女出街食嘢就話無錢，叫我俾，話自己剩返幾十蚊，但事實唔係。。。我諗唔到為咗仔女以後條路應該點行落去，究竟分開還是唔分開，邊條路會對啲仔女好啲，仔女得兩三歲，佢都好錫對仔女嘅，如果唔係心有另一個女人，佢對我，對個家都算好，係大使啲，唔識理財，當佢個心變咗佢就發洩出嚟，話自己咁辛苦返工，返到屋企剩係得餐飯食(佢返夜晚)食完飯就返工，而家屋企所有野佢都唔幫手做，之前都會幫手做下家務。我係屋企湊住兩個小朋友，要做家務要煮飯，我將我嘅一切都放係呢個家，我又得到啲咩，我又係為咗啲咩，兩個人經營一個家，係咪要真心對呢個家，將所有愛都放係呢個家度。。。
