• 瀏覽: 1,578
  • 回覆: 27
[隱藏]
[長篇發洩文, 不喜勿看]

我係女仔, 有一個識左十幾年嘅男仔朋友, 一向都真係咩都會傾, 我亦覺得佢係幾了解我性格, 同埋佢講嘢都會好直接唔會因為驚hurt我而就住就住, 而我一向都接受到, 因為好多時佢都講得啱/中, 我就唔會嬲, 反而係好珍惜有一個講真話同埋有時可以點醒我嘅朋友。

但近年, 我好多時都唔係好頂得順佢好多似係潑我冷水嘅說話, 例如我5年前quit左份長工轉做freelancer自己接job, 其實初初呢樣嘢都冇咩好講, 而且佢都知我本身份工好痴線, 試過連續2-3個月係non-stop一日假都冇放過(weekend都要開工), 佢都覺得我打份咁嘅工係好痴線, 咁我自己當時亦覺得轉做freelance一定係比繼續full time合理(唔係我都唔會轉喇), 我唔認為我呢個決定有咩好值得challenge, 咁佢最初都冇就呢樣嘢challenge我, 但去到2-3年前, 我當時男朋友買左樓同我同居, 而嗰2-3年我亦都因為健康問題入過幾次醫院(我嗰行本身已經係underpaid, 消費你嘅passion, 原來即使轉做freelance都走唔出呢個困局, 我freelance左幾年D job錢都係冇加過, 反通漲, 所以我就只可以越接越多job...最後搞到過勞,厭食等等令身體出問題而入醫院)... 所以就我開始推job, 推得多亦自然會永久流失左D客...

佢就成日會問我而家做梗乜忙梗乜, 我都會坦白講話少左嘢做, 搵少左錢, 而佢就好似覺得我渾渾噩噩完全冇打算咁, 又話我可以咁樣, 係因為我無後顧之憂, 但其實於我來說, 做少左嘢搵少咗錢絕對唔係一個我樂意嘅選擇, 只係我做落去真係會死人, 而要我離開一個我做左差唔多10年嘅行業搵另一條出路重頭嚟過, 都唔係一件容易/一時三刻可以做到嘅事... 我覺得佢完全唔知道我嘅經歷同難處就落一個咁嘅結論, 我當然表示唔認同佢嘅講法, 但講多幾講佢都係話: "總之如果你冇你呢個男朋友, 你當初根本冇可能freelance添喇", 我當刻都冇再同佢拗落去, 因為我覺得嘥氣, 但可能佢會覺得因為佢講中所以我冇聲出, 但我心裡面真係好嬲, 我唔想反面先唔再講落去... 其實唔止係佢, 我有D女仔朋友都係自從知道我男友買左樓同我一齊住開始, 就話我係唔使做靠人養, 完全無視我一向都有接job賺錢, 即使入過廠我都只係接少左job而唔係完全唔做嘢... 而且明明我未同男友同居前我已經freelance梗, 絕對唔係因為我覺得可以經濟上依賴男友我先quit全職, 根本上係幾件完全唔相干嘅事, 但就畀呢D人將所有嘢撈埋一齊嚟講... 女仔frd咁講我諗我都叫明佢地咩心理, 但男仔frd都咁講, 我真係幾失望唔理解, 仲要一直我都覺得佢算了解我同埋理性客觀...

我最嬲係其實我從來都唔會judge佢做嘅任何嘢, 例如佢早幾年同個大陸女仔結婚, 但完全冇擺酒咩都冇搞, 然後一直都同老婆分開住(佢老婆冇落嚟香港), 佢自己就同結婚前一樣同父母同住, 自己冇買樓冇租樓... 其實呢個情況, 我諗好多人都會用好judgemental嘅眼光去睇佢同佢嘅婚姻, 佢都會畀人標籤做失敗者/廢青, 但我就從來冇咁睇, 反而覺得佢與別不同, 堅持自己想法同做法係好型, 而且最主要係佢點樣生活其實都唔係好關我事, 佢嘅選擇我亦都冇需要評論... 但我只係因為同男友同居, 住男友買嘅樓, 就畀人作出種種標籤同無視我嘅工作能力/努力...

有時我覺得佢根本唔明我呢D公屋出身, 細個窮到要幫阿媽剪布頭幫補家計, 大學要借政府錢交學費, 一畢業就孭住一身學債還5,6年, 每個月1/3人工還債, 1/3人工畀父母做家用, 淨返嗰幾千蚊搭車食飯裝身都冇得剩, 根本出嚟做嘢頭3,4年都儲唔到錢... 呢一切佢都唔會明係點樣嘅一回事... 佢父母買左樓佢自細都係住私樓大, 大學學費又係屋企畀, 佢出嚟做嘢有冇畀家用我唔知喇, 但佢一出嚟起薪點已經係3萬(係我嗰行嘅double有多), 佢一年已經可以儲到十幾廿萬然後就quit job去流浪一年半載... 佢淨係咁樣出走都起碼兩三次, 當時佢仲成日叫我一齊, 話一年儲15萬好容易, 但其實就算我唔使畀家用都唔會儲到... 我從來都冇話佢係因為屋企令佢無後顧之憂先可以做到咁多佢想做嘅嘢, 但當我講我覺得自己嘅出身限制左我嘅成就, 每次佢都會話唔關事, 又話大把人窮過我, 又話佢老婆喺鄉下地方成長窮到你唔可以想像, 但靠刻苦都可以出頭... 如果你下下攞D第三世界國家呀/打仗呀/生cancer呀/一出世冇左對手冇左對腳嘅同我比, 咁我有咩好講? 點講都係我身在福中不知福架喇, 但而家我係講梗我同佢嘅分別呀嘛! 我只係想佢自己都諗下, 如果佢家境出身同我一樣, 佢根本唔可能大學去exchange, 之後又流浪左咁多次, 返到嚟仲有錢可以自己搞生意... 我大學時唔好講exchange, 連住hall都冇錢, 出嚟做左6,7年嘢先儲夠錢去working holiday(因為流浪同去外國見識世界都係我畢生夢想), 仲要嗰舊錢有一大部分係留畀屋企的家用嚟, 我係放低左一年家用先走, 點似得佢咁瀟灑可以完全唔理佢老竇老母, 儲起D錢可以全部使落自己想做嘅嘢度....

到我而家想自己搞生意, 佢基本上都係係咁質疑我D ideas唔work, 又話我諗出嚟D嘢得我自己鍾意, 問我點解會覺得有其他人鍾意, 問我覺得會有幾多人幫襯... 我只係覺得如果我揸住個idea坐喺度諗, 我係諗一世都唔會知work唔work... 我而家諗到唔試下做, 坐喺度諗, 可能過多一頭半個月就會畀其他人諗到做左都未定... 佢當初搞生意時, 我半點都冇質疑過佢, 佢問我意見我都係畀constructive嘅意見, 唔係一味ban佢嘅想法...

我真係覺得好灰, 其實都唔止佢, 身邊有其他朋友都會咁, 而且真係越識得耐嘅人就越會咁講, 好似我男友買樓同我住同我結婚, 我唔打工自己接job以至而家想創業, 好似呢一切都係佢地唔想見到同埋係我唔deserve咁... 成日講D嘢都係想我feel bad of myself咁...

[ 本帖最後由 KearaAlyssa 於 2020-11-21 04:29 PM 編輯 ]



香港人係咁,見高拜見低踩,憎人富貴厭人貧!你想創業,就比心機!加油!


忠言逆耳。


引用:
原帖由 山中不安的魚蛋 於 2020-11-21 03:56 AM 發表

香港人係咁,見高拜見低踩,憎人富貴厭人貧!你想創業,就比心機!加油!
真係越識得耐嘅朋友先係咁,一味潤你笑你但完全唔會諗你嘅付出同難處,反而過去10年工作識嘅同事/朋友,可能同我共事過,見過我點做嘢,亦知道我做嗰行係點,對於我轉freelance同而家想轉行,創業,係完全冇半點質疑同埋會鼓勵會支持..加上疫情對我嗰行都好大影響,今年好多行家都quit左或被炒,好多都轉行,有d都去左創業... 其實唔好講係為夢想而創業,根本為世所迫... 但我嗰時讀書時就識,最鍾意畀說話你聽嘅朋友,就係工作/生意完全冇受疫情影響嘅人,佢哋真係唔知好多人都水深火熱,或者要從頭嚟過,嗰種苦況,好多人喺呢個時候創業都係因為睇唔到打工仲有咩出路,本身嗰行根本上消失咗,唔搏吓可以點? 其實之前已經因為呢d嘢同一個識咗廿年嘅朋友反面... 而家根本上係要不斷疏遠識得最耐,讀書時識的朋友...



回覆 引用 TOP

[隱藏]
引用:
原帖由 阿聞 於 2020-11-21 10:06 AM 發表

忠言逆耳。
忠言喺邊請問?



回覆 引用 TOP

引用:
原帖由 KearaAlyssa 於 2020-11-21 03:03 AM 發表

[長篇發洩文, 不喜勿看]

我係女仔, 有一個識左十幾年嘅男仔朋友, 一向都真係咩都會傾, 我亦覺得佢係幾了解我性格, 同埋佢講嘢都會好直接唔會因為驚hurt我而就住就住, 而我一向都接受到, 因為好多時佢都讀得啱/中, 我就唔會嬲, 反而係好珍惜有一個講真話同埋有時可以點醒我嘅朋友。

但近年, 我好多時都唔係好頂得順佢好多似係潑我冷水嘅說話, 例如我5年前quit左份長工轉做free ...
我鼓勵你 好嗎?
你喜歡幹什麼 便幹什麼!想到便去做!
不必理會 多餘的冷嘲熱諷!

佢地自己做不到,就以為全世界人都做不到,連人有理想,都不抵得。
恨不得全世界跟他一樣平凡、無知...
做人太過安貧樂道,等於沒進步!

一些尖酸刻薄的語言,對你沒用,不必放心上。過度尖酸的人,他便是失敗者。
對人冷言冷語,來掩飾自己的無能。

住公屋男的通病,你懂得!
我不多講了,免引起公憤。

你該好好去幹一把,該發奮圖強便努力吧!
然後 好好享受人生,享受世界。
擴闊了生活圈子,就算沒賺到錢,相信你會賺到見識,甚至賺到伴侶,豐富了人生。

不必總跟那些會對你冷言冷語的人做伴。
浪費光陰,去認識會鼓勵你的新朋友。

[ 本帖最後由 港女小說 於 2020-11-21 03:32 PM 編輯 ]



如果系好閨蜜嘅話,噉就真說話。,如果系朋友嘅話,就系虛偽嘅大話


回覆 引用 TOP

引用:
原帖由 KearaAlyssa 於 2020-11-21 03:03 AM 發表

[長篇發洩文, 不喜勿看]

我係女仔, 有一個識左十幾年嘅男仔朋友, 一向都真係咩都會傾, 我亦覺得佢係幾了解我性格, 同埋佢講嘢都會好直接唔會因為驚hurt我而就住就住, 而我一向都接受到, 因為好多時佢都講得啱/中, 我就唔會嬲, 反而係好珍惜有一個講真話同埋有時可以點醒我嘅朋友。

但近年, 我好多時都唔係好頂得順佢好多似係潑我冷水嘅說話, 例如我5年前quit左份長工轉做free ...
使乜理d閒言閒語,趁年輕有精力創一番事業,就算失敗亦無負今生。



情似朝露轉瞬逝,
夕陽西下淚滴凝。
嘗盡千苦與萬痛,
此後天涯各西東。

回覆 引用 TOP

引用:
原帖由 港女小說 於 2020-11-21 03:16 PM 發表


我鼓勵你 好嗎?
你喜歡幹什麼 便幹什麼!想到便去做!
不必理會 多餘的冷嘲熱諷!

佢地自己做不到,就以為全世界人都做不到,連人有理想,都不抵得。
恨不得全世界跟他一樣平凡、無知...
做人太過安貧樂道,等於沒進步!

一些尖酸刻薄的語言,對你沒用,不必放心上。過度尖酸的人,他便是失敗者。
對人冷言冷語,來掩飾自己的無能。

住公屋男的通病,你懂得!
我不多講了,免引起公憤。

你該好好去幹一 ...
好少見你講得咁有文有路喎!
( 有樣野你睇錯左,唔係公屋男,係私樓男 )



情似朝露轉瞬逝,
夕陽西下淚滴凝。
嘗盡千苦與萬痛,
此後天涯各西東。
[隱藏]
引用:
原帖由 KearaAlyssa 於 2020-11-21 03:03 AM 發表

[長篇發洩文, 不喜勿看]

我係女仔, 有一個識左十幾年嘅男仔朋友, 一向都真係咩都會傾, 我亦覺得佢係幾了解我性格, 同埋佢講嘢都會好直接唔會因為驚hurt我而就住就住, 而我一向都接受到, 因為好多時佢都講得啱/中, 我就唔會嬲, 反而係好珍惜有一個講真話同埋有時可以點醒我嘅朋友。

但近年, 我好多時都唔係好頂得順佢好多似係潑我冷水嘅說話, 例如我5年前quit左份長工轉做free ...
就好像D大6人現在成日係度唱衰香港一樣,不想你(香港)成功!



回覆 引用 TOP

人地又唔會好撤底了解你狀況, 表達質疑都正常, 創業有d人發左達又有d人搞到周身債, 成唔成功無人知, 或者睇下八字有冇創業命水


回覆 引用 TOP

我睇完成篇文 你話唔止你一個朋友係咁仲有其他朋友都會咁講 我諗未必無因 因為當一個人話你既有問題既時候 可能未必真係有問題 但多個朋友都話你有問題 可能真係要反思一下,如果朋友說話講出黎唔舒服 不妨直接同朋友講返自己真切感受 係朋友既話都會知你唔開心而改善下的


唔使理咁多,自己鍾意點做就點做,鍾意創業就去創業囉。


回覆 引用 TOP

引用:
原帖由 KearaAlyssa 於 2020-11-21 03:03 AM 發表

[長篇發洩文, 不喜勿看]

我係女仔, 有一個識左十幾年嘅男仔朋友, 一向都真係咩都會傾, 我亦覺得佢係幾了解我性格, 同埋佢講嘢都會好直接唔會因為驚hurt我而就住就住, 而我一向都接受到, 因為好多時佢都講得啱/中, 我就唔會嬲, 反而係好珍惜有一個講真話同埋有時可以點醒我嘅朋友。

但近年, 我好多時都唔係好頂得順佢好多似係潑我冷水嘅說話, 例如我5年前quit左份長工轉做free ...
自己認為對的事就要堅持到底,繼續努力前進,別人怎樣說難聽的話,無須放在心裏,加油!



[隱藏]
引用:
原帖由 我是一隻波牛 於 2020-11-21 09:26 PM 發表

我睇完成篇文 你話唔止你一個朋友係咁仲有其他朋友都會咁講 我諗未必無因 因為當一個人話你既有問題既時候 可能未必真係有問題 但多個朋友都話你有問題 可能真係要反思一下,如果朋友說話講出黎唔舒服 不妨直接同朋友講返自己真切感受 係朋友既話都會知你唔開心而改善下的
有女仔朋友係自從知道我男友買咗樓同我一齊住之後,就成日話我係有人養唔使做,然後無論我做乜,佢都會覺得我係全靠有個男人照顧我先做到,成日話我係闊太係少奶奶,即使明明我每日都有job要做分分數工時仲長過佢,無論點同佢講解freelance係咩一回事話佢知我做梗乜,佢都聽唔入耳,覺得我係可以不勞而獲,做乜都唔係靠男人,包括我可以唔做full time做freelance(但明明我未同男友同居前已經轉左freelance), 我可以喺人哋weekdays返工嘅時候去上堂學嘢去做gym, 甚至我買一枝70幾蚊嘅漱口水嚟用,佢都可以話我係闊太買咁貴嘅嘢嚟用(我知一般漱口水可以35蚊大大枝,但我用嗰枝係真係美白好有效而我只係好心介紹畀佢用,都會畀佢搵到位入去話我)... 至於我創業方面,我冇特別同女仔朋友講太多,因為我唔想又畀佢assume我係靠男人打本然後又有更多難聽說話...

而我有同個男仔朋友講係因為佢都係做生意同埋係佢成日追問我搞梗咩,我先講,但佢只係一味講一d我都知道嘅難處同問題,其實我唔係唔知或者冇諗過,但我比較有興趣係去諗解決方法,去諗有咩辦法令件事work到,而唔係不斷諗有幾難做到... 而且佢就算有提議我點樣可以吸到多d人注意,不外乎都係喺fb同ig落廣告,我都唔係冇試過但成效真係有限,而且我冇咁多budget不斷落廣告,所以我比較focus去做d below the line嘅嘢,which is 我要不斷付出好多時間同勞力去換取一d效果,但佢就會覺得我咁係嘥氣係徒勞無功... 咁講到尾,有錢就冇嘢解決唔到嘅,你可以喪落廣告嘅話件事就易辦好多,鬼唔知阿媽係女人,但我冇咁多錢咪用其他方法囉,我以前份工都係做d BTL嘢,我知自己做梗乜,我覺得唔使下下ban住晒話我做d嘢冇用...甚至話我賣嘅嘢係冇market唔會有人幫襯(我想做嗰個行業,我自己都曾經係買家用家,我相信會有人鍾意同捨得使錢喺呢樣嘢上面,但佢唔係用家亦對嗰個行業完全唔了解唔認識,佢話呢d嘢我鍾意唔代表有其他人鍾意,但其實調轉我都可以話,呢樣嘢佢唔鍾意亦冇買過冇用過,唔代表其他都同佢一樣架,係咪先?我知佢呢類人係完全唔會花錢係呢樣嘢上面,佢根本就唔係我target customer tim la, 咁點解佢只係用佢自己嘅眼光同喜好去批判我呢樣嘢一定唔work一定冇生意呢?佢講出個問題講出呢盤生意有幾難做係ok架,我接受,而且believe me, 佢講得出嘅問題我全部都有諗過晒架喇,咁我而家要做嘅嘢係make it work呀嘛,佢冇constructive嘅意見都唔緊要,但唔需要不斷打擊我囉我覺得...



回覆 引用 TOP

提示:支持鍵盤翻頁左 右
[按此隱藏 Google 建議的相符內容]