[按此打開]
[隱藏]
想個有無人同我一樣試過係佐敦抽脂
唔好話做咩唔節食做運動，我所有都試過，體重浮動試過一減減到8公斤（本身唔算太肥底，有啲肉）,但個肚從來一cm都無減過，已經一個星期做3/4個鐘運動😢
本身想去台灣搞，點知撞正封關，等咗半年都無起息就諗住係香港試試啦
香港有得做既地方唔多，我係做環腰見6萬幾討論區評價唔錯，又話復原好快唔洗成日著緊身衣呢樣個樣就諗住試下
因為我係肚肥得好緊要，成84 cm😦
過程真係超級痛，痛到唔識形容，好似俾人係咁捅咁，都整左成粒幾兩粒鐘
但完左之後見抽得700ml比上網睇人地抽少好多（仲要我係84cm肚一定大把肉俾佢抽）
之後佢地話我腫脹期要等，大家有抽過既一般等幾耐散腫？特別係試過喺個間抽過既。
依家都抽完兩個幾月，1cm都無少到，佢地話好正常，因為有硬塊，係咁叫俾錢做機，話快啲散硬塊，做十次都未散，但明明我除左硬塊己經好前以前咁隨手捏到成大舊肥肉。。。。佢地係咁話好正常。。。
上腹舊肉其實都覺得無硬塊，1cm都無減過，佢話其實醫生唔會抽上面，只會係咁依抽一兩下，因為近內臟😂😂（咁又收我上腹錢？成20k）。。。
依家過咗咁耐都無變過。。。係正常家其實已經衰左😭啲公儲得好辛苦，求經驗分享
