我原本接近800度近視，我覺得呢個激光手術係我哋世人做得最正確嘅投資。由以前一唔戴眼鏡乜都睇唔到，戴咗眼鏡又變咗Kai子好怕俾人見到🤣到而家一瞓醒擘大眼見到所有嘢都係清嘅（我仲記得做完嘅第二日睇嘢清到我頭暈、不過好快適應咗），我係大概五年之前做、而家已經開始變返有少少近視
1. 手術前要洗眼 , 聽落似好恐怖, 會唔會痛? 「la唔la」眼?
呢個有啲似滴眼藥水，我個人冇乜感覺
2.固定眼球裝置 ,塞入眼過程會唔會痛?好唔舒服?
呢個超恐怖，我覺得過程有啲似自己拍緊恐懼鬥室，好唔舒服嘅感覺，加埋唔知點解突然之間超驚
3.正式smile手術時,隻眼合共要整幾耐左右(分鐘)?
幾分鐘
4.做手術時, 患者對眼睇到咩? 係一團光? 定全黑乜都睇唔到?
我印象之中佢叫我望住部機嘅一個十字，然之後就做完。做完之後我加咗錢做唔知乜鬼嘢放反彈咁上下名稱嘅嘢，然後我見到好似有啲銀色嘅嘢係我眼上邊轉左一個圈，呢個過程超恐怖
5.手術一完左,對眼睇野其實係清析幾多
手術一月左，要屋企人帶你返屋企，睇嘢好似遊緊水咁，第二日最好都係請假唔好返工，因為睇嘢太清會頭暈要適應
