• 瀏覽: 8,890
  • 回覆: 61
[隱藏]
我今年34歲,我媽今年64歲已退休十年。父母已離婚好多年,生父基本不存在。

我媽原本有層收租樓,3年前佢主動話轉左個名比我,因我打算2021年結婚,咁我女友一星期會上黎訓一兩晚。舊樓黎,三百幾尺兩房,一間睡房,另一間做書房,婚後會變小朋友房。咁我一直每月家用on top再比多幾千蚊我媽當還樓錢。

約一年多前,我媽本身住緊果度被收購,所以佢就搬左過黎住 (佢話唔會買過層樓),我執左間書房比佢而家係一間proper既房。所謂相見好同住難,佢咁樣一搬搞到我而家同佢好似陌路人咁。其實係好多好多小事,變成左個解唔到既結。

1) 首先有一個月佢0係屋企用飯煲焗D咩黑蒜頭,日焗夜焗焗足77 49日,又唔開抽氣扇抽油煙機,屋企細搞到全屋臭氣沖天。講極叫極都唔肯聽。

2) 搞完黑蒜頭,得閒又0係廳燒香或艾灸,結果薰到浪緊果D衫成陣煙味。隻味同你0係K房焗左一晚果陣煙味係一樣臭 (屋企冇人食煙)。叫佢入返房燒佢仲唔認有燒過。

3) 講到浪衫,我係0係屋內用一條通掛衣架上去浪既。條通大概3尺半長左右,我同佢share用。佢成日幾件衫就洗一機,每日都開機。佢自己D衫同衫中間就會有廿幾CM咁闊既間距,大約4個衣架就佔左條通既一半。跟住將我十幾個衣架密質質咁逼到條通既另一半。成日話我D衫已乾,但其實我只係浪左幾個鐘,摸上去仲濕既。結果我D衫不時會有UP臭。又冇其他地方可加多條通。

4) 因為條通得3呎半唔夠佢將D衫浪到咁闊,佢就將部份浪入我房,係打開晒個櫃再勾個衣架0係櫃邊果隻。大佬,privacy呀我三十幾歲架啦。之後我就出入鎖門,為此佢喪鬧我做咩鎖門,成日覺得我應該好似以前細個咁門常開。我冇理佢。

5) 跟住成日話要通風透氣,微波爐洗衣機(大眼雞前面開門) D門永遠唔關,話唔好焗住,但又唔L開窗。結果微波爐門我個頭會撞到(轉角位),洗衣機會撞到腳。

6) 佢有部手掌咁大既機係不停loop喃嘸歌,「牙呀易丫呀」果首。好L煩,煩到一個點。我叫佢要播就入返你自己房播飽佢我唔想聽。佢話我咁暴燥要聽多D話會令我平和D,我話我就係聽到呢隻歌先會暴怒。

7) 舊樓水壓問題,廚房水喉一開浴室個水就會弱一半及冇左熱水。不論我幾點沖涼,下午又好晚上11點又好,我沖緊果時佢都一9定會開廚房水喉。成日話要做野要做野,我話你食完個生果碗放低等十幾分鐘先洗唔得既! 當然冇理我。佢連夏天0係廚房洗野都要開熱水。

8) 佢房入面有部電視,成日開到極大聲,我隔住度門都聽到好清楚。收音機又係。

最大獲係,同親佢嘈,嘈到一個點佢自知理虧就會話「間屋我架!」我話你已經轉左名比我,我亦一路有比返緊錢你,佢就會話「咁又點呀!層樓我買架!」

除左以上呢d,佢性格算死草,成日鳩衝怕蝕底,貪小便宜成日執埋D朋友既舊野返黎,舊電器為主,微波爐氣炸鍋電視收音機電腦等等… 買個新既好平咋嘛又唔係冇比錢佢。

有次佢、我、我女友及女友老母4人去食飯,兩老0係度對我女友評頭品足,我老母竟然當住面話我女友「其實你個樣都生得幾好,係差個鼻扁左少少0者」我即刻話「咁冇禮貌既你」。佢仲笑笑口咁話「咁係丫嘛」。大佬人地老母評自己個女我冇野好講,但你醒水知掟收口啦三姑八婆咁關你叉事咩,尊重下人啦。女友老母唔介意,但我女友就有hard feeling了。

我老母係好鍾意我女友的,話佢乖話佢孝順,所以成日老點我女友幫佢做野整野。其實盲都知佢在持老賣老,係我女友脾氣好冇所謂者,但如我坐視不理佢就只會變本加厲。

我女友而家都好少上黎,反倒係我成日返屋企沖個涼就去我女友度訓,怕左佢避開佢。一開始我老母當然不滿,咁岩果期我成日OT到成11pm先返家,佢竟然話我成日唔返去訓係咪去犯法運毒,wtf??? 係我話「你咪當慳水電費囉」先立即收聲。後來嘈得多都攰,我實行唔同佢講野就唔會嘈。開親口都係嗌交為主。

「唔怪得你地之會離婚」「有病你就睇醫生啦」呢2句說話我忍住左好多好多次冇講到出口。我知道呢2句野破壞性好大,但我驚有一日我真係會忍唔住衝口而出。其實我細個時同佢關係好好,只係長大之後就睇到多好多一個人既缺點。

我結婚前佢都應該唔會搬走,我真係好想帶佢睇下醫生,但似乎好難。大家有咩高見指教下?

[ 本帖最後由 海灘忽然神童 於 2020-11-5 11:21 AM 編輯 ]



提示: 作者被禁止或刪除 內容自動屏蔽
引用:
原帖由 海灘忽然神童 於 2020-11-5 11:16 AM 發表

我今年34歲,我媽今年64歲已退休十年。父母已離婚好多年,生父基本不存在。

我媽原本有層收租樓,3年前佢主動話轉左個名比我,因我打算2021年結婚,咁我女友一星期會上黎訓一兩晚。舊樓黎,三百幾尺兩房,一間睡房,另一間做書房,婚後會變小朋友房。咁我一直每月家用on top再比多幾千蚊我媽當還樓錢。

約一年多前,我媽本身住緊果度被收購,所以佢就搬左過黎住 (佢話唔會買過層樓),我執左間書房 ...
我諗你阿媽冇乜朋友⋯

或者同佢傾多D,大家了解下,互相遷就下, 睇你文字 個人覺得你比較 暴躁, 唔改下 好難同你阿媽傾。



比咗幾百萬你,你一個月比幾千蚊佢,你搵你老母笨七仲咁唔孝順,你條算死草真係唔係人,仲數臭你老母!因住比天收呀!你老母冇OCD, 養到你咁大個人,反轉豬肚就係屎,你反省下啦!

[ 本帖最後由 韓風哈考試 於 2020-11-5 12:53 PM 編輯 ]



[隱藏]
引用:
原帖由 opclk99 於 2020-11-5 12:00 PM 發表

層收租樓比得你佢對你都唔衰得去邊,
個人覺得仾又未算精神病,
係麻鬼煩攪攪陣適合獨居多,
始終自己老母,
你都忍在幾十年,
唔通唔認老母咩,
你女友好彩算係咁,唔係你就更慘了,
不過長遠計都係分開住好d。
(住格離都好)
大家坐低傾下你搬定揾地方比老母Lor,
最緊要比佢知你都會照顧佢,
咪好似呃左間屋咁衰仔...
因為我講明會比返錢佢的. 佢唔會無條件送我的
我唔係話佢衰, 只係我地2個完全唔夾相處不來.其實如果佢仲成日攞層樓黎講既話, 我同我女友有諗過比返佢自己住算.
因為我同老母2個個磁場唔夾, 佢好多野我睇唔過眼, 同處一室果時我都覺得自己個人好燥
有時諗有問題果個係佢定我

[ 本帖最後由 海灘忽然神童 於 2020-11-5 02:31 PM 編輯 ]



引用:
原帖由 韓風哈考試 於 2020-11-5 12:37 PM 發表

比咗幾百萬你,你一個月比幾千蚊佢,你搵你老母笨七仲咁唔孝順,你條算死草真係唔係人,仲數臭你老母!因住比天收呀!你老母冇OCD, 養到你咁大個人,反轉豬肚就係屎,你反省下啦!
其實你睇唔睇到「咁我一直每月家用on top再比多幾千蚊我媽當還樓錢。」
ON TOP



引用:
原帖由 singsingbaby 於 2020-11-5 12:33 PM 發表


我諗你阿媽冇乜朋友⋯

或者同佢傾多D,大家了解下,互相遷就下, 睇你文字 個人覺得你比較 暴躁, 唔改下 好難同你阿媽傾。
其實傾過好多好多好多次. 每個問題一開始我都係心平氣和同佢傾先, 但心平氣和佢冇一次理我. 我都係人有情緒, 講極佢唔聽真係扯火. 我女友0係度會好D, 佢會禁住我. 但好多時佢唔0係度得我同我媽2個, 真係忍唔到, 我已經盡量架啦.  

OT到十一點返到屋企發現D衫一陣UP味, 真係好難唔燥底. 冬天沖沖下涼冇左成分鐘熱水都夠膽死話唔關佢事. 真係好難唔燥.

我已經就佢就到索性唔交流(就唔會嗌交), 唔返屋企訓. 有時見到D朋友同呀媽外出好開心咁我都會羨慕, 我都想同佢關係好D, 但真係話不投機. 佢既話題永遠離不開錢錢錢錢錢, 幾錢人工, 有冇加人工, 買咩股票, 有冇賺, 賺蝕幾多, 女朋友做咩, 有冇升職, 幾錢人工, 女朋友屋企層樓幾大, 係咪自置, 女朋友呀哥家姐又做咩, 又幾錢人工 etc............

又例如之前去完旅行比手信佢, 佢唔係問我好唔好玩或旅遊見聞, 佢係問手信幾錢, 成程trip用左幾錢. 送禮物比佢又係, 第一句唔係多謝而係問幾錢, 有時送完比佢佢仲會嫌三嫌四點解唔買另一個牌子. 請佢去旅行又係, 機票酒店租車食野都係我比晒, 又問幾錢, 連泊車都問我幾錢. 問問問問問bla bla bla bla bla $$$$$$$$$$.

我覺得同佢相處好痛苦好唔自在. 唉



引用:
原帖由 海灘忽然神童 於 2020-11-5 01:56 PM 發表


其實你睇唔睇到「咁我一直每月家用on top再比多幾千蚊我媽當還樓錢。」
ON TOP
家用還家用,
另外畀幾千當還樓錢?
我當一個月5千, 一年6萬, 我當層樓500萬, 要畀83年.....仲未計利息, 你真係識計數



香港政局特色:一班賤人暗助一班癲人去煽動一班傻人出手做蠢事。賤人永遠坐在上游,唔使上身。
引用:
原帖由 海灘忽然神童 於 2020-11-5 12:59 PM 發表


因為我講明會比返錢佢的. 佢唔會無條件送我的
其實如果佢仲成日攞層樓黎講既話, 我同我女友有諗過比返佢自己住算.
因為我同老母2個個磁場唔夾, 佢好多野我睇唔過眼, 同處一室果時我都覺得自己個人好燥
有時諗有問題果個係佢定我
”我同我女友有諗過比返佢自己住算“

唔使諗,
直情比番你媽住,
你媽都唔稀罕你果幾千,
你媽都覺得同你夾唔來,
逼你走,
不過你唔醒目。

轉你名的原因,
等你唔使比遺產稅。



[隱藏]
引用:
原帖由 伍皓昌 於 2020-11-5 02:22 PM 發表


家用還家用,
另外畀幾千當還樓錢?
我當一個月5千, 一年6萬, 我當層樓500萬, 要畀83年.....仲未計利息, 你真係識計數
層樓係遺產分配比佢, 佢再轉比我的. 年代久遠買入價100萬唔使. 佢十幾年前用過20萬搞維修裝修, 收租收左24年, 已賺返晒有凸.
另外, 我一個月家用9500, 再加7000係for層樓, 每月共16500. 仲係要用樓價100萬計, 帳面計12年就還晒. 我已還左3年, 所以再還多9年就還清樓價. 計埋維修裝修費就14年左右. 不過我家用每年加既.  
利息? 每年加家用算唔算?



引用:
原帖由 海灘忽然神童 於 2020-11-5 11:16 AM 發表

我今年34歲,我媽今年64歲已退休十年。父母已離婚好多年,生父基本不存在。

我媽原本有層收租樓,3年前佢主動話轉左個名比我,因我打算2021年結婚,咁我女友一星期會上黎訓一兩晚。舊樓黎,三百幾尺兩房,一間睡房,另一間做書房,婚後會變小朋友房。咁我一直每月家用on top再比多幾千蚊我媽當還樓錢。

約一年多前,我媽本身住緊果度被收購,所以佢就搬左過黎住 (佢話唔會買過層樓),我執左間書房 ...
佢好慷慨將層樓轉咗你個名,諗吓呢啲會開心啲。



引用:
原帖由 87er 於 2020-11-5 02:30 PM 發表


”我同我女友有諗過比返佢自己住算“

唔使諗,
直情比番你媽住,
你媽都唔稀罕你果幾千,
你媽都覺得同你夾唔來,
逼你走,
不過你唔醒目。

轉你名的原因,
等你唔使比遺產稅。
其實佢阿媽個出發點係好嘅,就係想佢好唔使比遺產稅。



回覆 引用 TOP

引用:
原帖由 87er 於 2020-11-5 02:30 PM 發表


”我同我女友有諗過比返佢自己住算“

唔使諗,
直情比番你媽住,
你媽都唔稀罕你果幾千,
你媽都覺得同你夾唔來,
逼你走,
不過你唔醒目。

轉你名的原因,
等你唔使比遺產稅。
其實都係會朝呢個方向走. 但如果我搬走, 而家on top比果7000我就冇辦法再比, 佢一定會嘈嘈嘈嘈嘈.

我而家已經好少時間0係屋企了, 佢其實同獨霸冇太大分別.... 因為佢嘈唔識用唔肯學, 我連深愛既智能家居系統都拆左好多



引用:
原帖由 海灘忽然神童 於 2020-11-5 02:57 PM 發表


其實都係會朝呢個方向走. 但如果我搬走, 而家on top比果7000我就冇辦法再比, 佢一定會嘈嘈嘈嘈嘈.

我而家已經好少時間0係屋企了, 佢其實同獨霸冇太大分別.... 因為佢嘈唔識用唔肯學, 我連深愛既智能家居系統都拆左好多
“約一年多前,我媽本身住緊果度被收購“

搬走後比一千幾百佢飲茶算啦~

年紀大,學唔到新嘢,
活到老學到老係講興趣方面的。



[隱藏]
提示: 作者被禁止或刪除 內容自動屏蔽
提示:支持鍵盤翻頁左 右
[按此隱藏 Google 建議的相符內容]