[按此打開]
[隱藏]
朋友接近40,樣唔太差，但有d"萌塞"(成日好似廿年前既人諗野方法，唔太接受新野，包括衣著)加上近年又信埋"耶x"諗野仲奇怪左。佢話之前有拍過拖，但次次唔夠3個月就比男仔開聲分手。但佢所謂既拍拖，衹係話有個人想追佢，衹食了幾餐飯、睇下戲、問候下幾句(d行為基本上同d同事相處會做既野)，佢就當左人地搭佢糖，就迫對方認佢做女朋友，就叫拍拖;之後冇耐人地就話分手了。
原本佢既性格+信仰，拍拖乜都唔做得。外人睇落去冇乜野，但之前有機會共事過，先知佢諗野有d怪…… 佢完全跟足十幾廿年前剛出來做野，跟個d黑人憎大嬸做野方式，同事做錯少少野就嘈，唔係去解決問題先，係要發洩佢要做多左野既不滿先(但佢自己又係成日做錯野，比人鬧，冇組織能力，個腦轉唔到彎)日日要開ot先做嘢，但office hour係遊魂。 近日先知佢既擇偶條件:有樓，要對方"冇"父母，有工人洗，要靚仔、要自己1個人住，間屋要比佢放陳年垃圾。(因為佢做家務、洗衫、煮飯，照顧人，係乜都唔識)。之後有個接近佢要求出現，話介紹佢識，對方4o多歲，自己1個人住買左既公屋，對方識做曬家務，煮飯。跟住佢又話人地老wo....(大佢幾年咋，仲話老)
日日都話想拍拖結婚，但乜都唔付出，又多要求，點同佢揾人……
