[按此打開]
[隱藏]
首先，先聲明
唔係搵SP/SL，基路難行果Ｄ無聊說話，就不回覆，亦請各網友自重
100%真話，所以要開一個新戶口講，唔想俾朋友知
本人40，同太太由拍拖至結婚，近20年
本來一直相安無事
不過近一年，發生左Ｄ事，引發今時今日我的矛盾心情
非常簡單咁交待一下背景
咁多年來，我都會付責哂屋企所有開支，以及一切家務
而我同佢無咩要求，佢都係一個唔大洗嘅人
咁多年生活，都算平穩（又可以叫平淡）
我地無小朋友
咁多年，我都算有Ｄ小脾氣，通常有咩唔開心，都會黑佢面
唔會嘈交，但每次都係我先向佢終止冷戰（一般都係2-3之內嘅事）
問題發生於一年前，有一次我又因小事而黑佢面
同一時間，佢有追求者，從而引發好多次鬧交
過程中，我肯定佢無試過對我唔住
經過左３個月時間，中間我提出過幾次想離婚
最後大家都知道，其實我地都唔想行呢步
３個月之後，我知道佢無再同果個人聯絡
而我亦感到，佢無想過要去發展另一段感情
當然，我都有為佢，改左好多好多，佢都知道我為佢做左好多野
但最大問題係，同時我覺得佢＂唔夠愛我＂
好多時，我希望佢可以為我做小小事，佢都唔肯
簡單咁講，佢幾自私，唔太理會我感受
（因為咁多年，都係我就佢，佢知道佢食住我）
因為上次果件事，就好似一隻魔鬼咁
本身我地相安無事，我亦對佢無咩要求
但而家我就成日個心好難安定
更因為我真係為佢改變左好多，自然就希望得番小小回報
希望佢會表現緊張我一啲
矛盾在於
我地都唔想分開，亦無分開嘅理由
但係，因為我自問對佢已經好好
可惜又得唔到回應
所以成日個心都唔舒服
而家，我真係想之後日子
可以同老婆回復一年前咁
簡單，平靜，開心咁過日子
