[按此打開]
[隱藏]
其實我係咪好傻好蠢 目光短淺呢?
我係一間公司做咗 第四個月啱啱過咗三個月試用期，
其實我心裏面想佢過咗試用期人工 加少少， 我7月1號入職 做咗兩個月佢就講話
冇人工加要凍薪一年 已經講定呢個心理準備，個人都好忙好忙 其實公司都好好生意 絕對有錢賺，
不斷招收生生我越忙越做越辛苦， 我有諗過放棄唔做 我做小學補習， 人工只得10500，
扣咗強積金一萬蚊都冇， 做得好辛苦有陣時有心有不甘妒忌眼墊因為公司
有透過我去申請咗兩期 保就業計劃， 與工作表現不過不失啦，
如果 我要求加人工 可以點講 會好啲呢 成功率會高啲呢 希望各位幫幫忙，
至於那種妒忌唔抵得 有點樣說服自己平衡心理呢， 因為越做越灰做嘢唔開心
公司搵咁多錢都唔加我人工， 未過試用期已經落閘 凍結薪金 一年都冇人工加， 自
己已經三十歲得中五學歷 過去都係做補習冇乜做其他工作嘅經驗，
如果自己唔做 要三個月通知因為我簽咗份合約， 三個月後搵過另一份工恐怕人工都唔會高得去邊
結果都係咁痛苦， 一個痛苦完結另一個痛苦又開始 恐怕又要需要一段時間先再搵到一份工，
希望過去絲打教教我 怎樣不眼錢?? 不妒忌? 去平衡心理 因為每人生活得很不如意唔開心?
另外有啲咩方法策略會試下說服 講加人工 我有意打算 年尾嘅時候試下講
喺屋企 開支大唔夠洗 過咗試用期希望佢可以 加啲添啲， 佢好聰明呀學費照加價
人工冇得加根本搵笨，
我呢啲垃圾人搵廉價人工 唉都冇乜將來? 怎麼辦， 如何說服自己開心地做落去
感謝各位絲打聆聽我的心聲感激感激
另外有個好奇怪嘅問題其實我返份工簽約我連老細都冇見過， 有一個負責人所謂叫分區主任 佢負責同我簽當正自己半個事頭婆咁， 佢成日話自己開ot 但其實佢唔會好早做完嘢收工走人， 我問佢做咗幾耐佢又唔肯講話做咗 都好耐下咁囉， 點解咁神秘 搵佢做幾耐又唔肯講 咩原因呢? 請求賜教解答謝謝 因為我唔聰明 人情世故都麻麻地
補倉 嗰個分區主任成日話自己同上頭開會其實我根本冇見過老闆， 有分店一共有兩間舖頭
另一個係阿sir 佢哋下來夫妻不過相當 染色每次講電話都好細聲同埋又行開，
佢哋係 一人一間鋪頭嘅話事人囉 但係又話自己唔係老闆 只係負責人，
因為我有份做文書發覺所謂嘅負責人無論電費和強積金 都有負責人個名喺度，
我極度懷疑是老闆不過佢唔認， 點解做老闆都要咁神秘唔光明正大呢?? 佢有權炒人㗎喎?
究竟嗰個分區主任係咪老闆呢?? 另一間鋪頭...個負責人係阿sir 唔知係咪老闆呀?
有陣時又話自己要清假放假嘅日都唔返工都唔知真定假， 分區主任有返工打卡，
但係負責人阿sir就冇打卡， 因為我從來都冇見過佢打卡...
佢就話張卡隨身攜帶佢就話張卡仲花過我，
嗰個阿sir話自己係電腦網絡部主任負責睇閉路電視整畫面同埋教學收學費，
呢兩個人...佢兩夫妻問佢哋做咗幾耐一齊都係唔講唔答...話自己唔記得唔知喎
我覺得佢都好唔老實， 其實嗰兩公婆係咪老細嚟㗎係咪真正嘅僱主
我真係百思不得其解....我怕我自己唔抵得眼淺 驚辭工會後悔會唔會做錯事呢??
點樣先令到自己個心舒服啲好過啲啦 因為返工都好攰好累
