• 瀏覽: 11,583
  • 回覆: 54
  • 追帖: 16
[隱藏]
我係男, 雖然此乃女性頻道, 但減肥瘦身不分男女, 都想在這裡分享下我的減肥故事. 作為一個80後人地老公和爸爸的中佬, 為口奔馳忙到甩碌, 長期零運動. 體重則隨樓價連年上升, 由大學畢業時130磅升到7月185磅. 加上因超重而引起的脂肪肝和睡眠窐息的身體問題, 令我有好大迫切性要減肥. 之前試過相對成功都是用某傳銷品牌的健康食品, 減到10幾磅, 但最後都反彈. 當然原因都係自己衰食得多郁得少. 暑假疫情期間home office兼冇得出街, 本來都諗過搵返果間傳銷品牌的人幫手減, 但後來認識了一位朋友係一個Health coach. 而另一位共同朋友早幾個月跟佢減左20磅. 反正錢都要俾人賺, 而且計返落每日只係110蚊左右唔算貴, 出街食兩餐都要呢個數, 就不妨一試.
*******************************************
呢個減肥program好有趣, 顛覆我之前每日三餐的概念. 我每日食六餐, 其中五餐係用佢地設計的小食, 另一餐就係自己煮某個份量的肉和菜. 這是低碳減肥法, 過程中全不吃澱粉和糖 (我呢3個月幾乎冇食過飯), 也不吃水果 (因為果糖), 就可以達到消脂效果. 少少近似生酮飲食, 但不會像網上那些生酮飲食的資訊狂食肉和脂肪. 我每日起身開始, 每隔兩至三小時食一包小食, 維持血糖level和消除肌餓的感覺. 小食共有二十幾種, 有d可以拆開即食, 好似energy bar或者蝦條咁, 也有不同味道的 milk shake, 另一d就沖水加熱的甜點、鹹點或湯, 只是煮公仔麵的難度, 啱哂我呢d懶鬼. 有兩三款要用焗爐的我就冇乜揀. 至於自己煮果餐, 肉我就乜都食, 豬牛雞魚海鮮都試過, 只要將肥膏部分切掉即可. 菜就好求其, 通常烚菜再加辣豉油就算 (我本身不太喜歡吃菜, 不過要減肥冇計), 但不能吃高碳蔬菜如蕃薯粟米等. 如果出街食, 因為要陪個女, 我反而去多左M記, 佢有佢食薯條, 我就叫個雞扒沙律走醬再加兩件炸雞走皮咁就一餐, 都算好flexible. 減肥過程好人性化, 雖然講求紀律, 但不是鐵板一塊, 減得舒服能夠持之以恆都好重要. 我個Health coach 2個月減左23磅, 佢日日都飲咖啡, 不過改左用脫脂奶.
*******************************************
Health coach同我講第三至第五日最辛苦, 避免做太操勞的活動. 雖然食少左好多嘢, 其實都算捱得過. 我7月中開始減肥, 每隔兩日上一次磅, 每次都有驚喜的數字: 頭9日減左8磅! 這令我有極大動力堅持下去. 如果中途太肚餓可以飲無糖水動樂和食10粒果仁. 果仁我就冇食, 但日日灌水動樂. 結果第一個月就減左18磅, Health coach讚我減得非常成功, 佢d case入面最高紀錄係頭一個月減20磅, 我都算係top 10%. 當然減得多原因都係"男人"和"基數高". 如果女人黎講合理期望值係一個月減7-12磅. 成功減重後老婆都話我鼻鼾改善了很多, 而佢見到我咁成功, 都跟埋一齊試 (當然佢冇我咁有紀律, 成日偷食, 但2個月以來都減左10幾磅). 第2個月繼續跟住呢個5餐小食+1餐正餐模式, 後來因為減肥食物太寡 (大佬日日都係食差不多的東西, 幾好食都悶啦!), 問過Health coach可否飲coke zero, 佢回覆飲少少解癮還可以, 太多都不建議. 不過今次減肥得出一個結論: coke zero真係無糖. 減肥期間我都試過偷飲其他有糖飲品, 身體感覺跟飲zero係完全唔同. 因為長期處於低碳狀態, 有糖飲料令個人會有上電的感覺, 但zero就冇, 只係過口癮. 之後去到9月因為紀念日+生日+復工復課+中秋月餅, 開始有d鬆懈, 進度慢左落黎, 第2個月共計減左12磅. 而開始減肥至今已經3個月, 累計減左35磅 (185磅-->150磅). 過程中全沒有運動, 在疫情期間真係好好的減肥方法! 我最終目標係減至140磅, 並打算在減到目標體重之後再進行stage 2 的keep fit計劃, 做運動操返d肌肉. 革命尚未成功, 仍需努力!

[ 本帖最後由 毛毛手 於 2020-10-13 05:42 PM 編輯 ]



熱賣及精選
食物分享:


正如我所講,佢地有20幾款食物,分享我食過的其中4款。
左上角是energy bar, 最鍾意朱古力味,好食,易於攜帶和好快食完,返工忙果陣1分鐘就吞哂落肚。
右上角是milk shake, 我老婆會mix埋咖啡一齊飲。
左下角就是番茄湯意粉,要煮。
右下角望落好似芝士波,其實係辣味。
此外仲有雞粥,薯蓉,豆腐湯,鳳梨蛋糕,蔥油餅等等。
每日食5種上述的食物。



網友最concern的身形分享,3個月的改變



回覆 引用 TOP

數據分享: 主要來自我的小米磅 (16/7/20 ️ 13/10/20
BMI 28.7 ️ 23.2
三圍 38"38"40" ️ 36"33"37"
體脂 28.5% ️ 19.3% (這就是我的減肥成果)
水份 49.0% ️ 55.2% (之前唔夠水份, 此program提醒自己要多飲水)
基礎代謝 1,684 ️ 1,433 (雖然降低左, 但由未達標變成達標)
內臟脂肪 13 ️ 11 (9以下才是正常, 而且脂肪肝與此有關, 我估要做運動才可再減落去)
肌肉 57kg ️ 51.9kg (疫情後要操練一下)
蛋白質 18.8% ️ 21.2% (高過20%係優, 證明有足夠蛋白質的吸收)
骨質 3.0kg ️ 2.7kg (這是我認為應該少飲可樂的原因)
身體年齡 39 ️ 26 (坦白講, 這次減重之後感覺真係精神左)

[ 本帖最後由 毛毛手 於 2020-10-13 06:34 PM 編輯 ]



回覆 引用 TOP

[隱藏]
佩服妳的毅力


回覆 引用 TOP

佩服佩服、我每次都堅持唔下去


回覆 引用 TOP

效果好明顯啊


回覆 引用 TOP

最後一句減肥心得: 無論用任何方法, 堅持和紀律是成功的最大要素! 祝各位都有健康人生和滿意的身形! 我亦歡迎和各位交流意見. 


吖,好厲害啊!


回覆 引用 TOP

[隱藏]
潑下冷水先,睇你身型好快回彈


引用:
原帖由 毛毛手 於 2020-10-14 10:48 AM 發表

最後一句減肥心得: 無論用任何方法, 堅持和紀律是成功的最大要素! 祝各位都有健康人生和滿意的身形! 我亦歡迎和各位交流意見. 
啱,我都係用咗3個月減30磅。三個月主要控制飲食,日日自己煮。運動咗50日左右,跑半個鐘加舉下鐵,冇系統果種。堅持就會得



回覆 引用 TOP

謝謝分享,可以一世咁樣食?


引用:
原帖由 毛毛手 於 2020-10-14 10:48 AM 發表

最後一句減肥心得: 無論用任何方法, 堅持和紀律是成功的最大要素! 祝各位都有健康人生和滿意的身形! 我亦歡迎和各位交流意見. 
Can't drink wines?



引用:
原帖由 毛毛手 於 2020-10-13 05:41 PM 發表

我係男, 雖然此乃女性頻道, 但減肥瘦身不分男女, 都想在這裡分享下我的減肥故事. 作為一個80後人地老公和爸爸的中佬, 為口奔馳忙到甩碌, 長期零運動. 體重則隨樓價連年上升, 由大學畢業時130磅升到7月185磅. 加上因超重而引起的脂肪肝和睡眠窐息的身體問題, 令我有好大迫切性要減肥. 之前試過相對成功都是用某傳銷品牌的健康食品, 減到10幾磅, 但最後都反彈. 當然原因都係自己衰食得多郁得 ...
控制飲食佔減重七成、運動三成
我做開gym
限聚令停操三個多月前後
大部分響家自煮
年初到E家
輕左15磅縮曬水



回覆 引用 TOP

[隱藏]
如果日日都係咁樣食呢d嘢去減肥,人生冇乜樂趣,做多d運動吧,再控制飲食唔超標以可以,唔需要哂無謂錢,靠自己吧


主題標籤 #瘦身 #血糖
提示:支持鍵盤翻頁左 右
[按此隱藏 Google 建議的相符內容]