• 瀏覽: 2,836
  • 回覆: 31
[隱藏]
「BB攞走咗熱水瓶蓋!」BB淥親第一時間唔係自責。
係個bb搞到周圍亂晒在先,淥親前都搞到倒瀉水整濕被同枕頭呀~~完全唔覺自己無睇好無放好危險物品。
剪甲流血、放暖爐係床上燙傷、成個B跌落地賴無開燈……就連客人到自己地方玩幾日,借車載客人後無手尾無關整設備導致零件「無電」都屈個客賠償維修費:「你邊到都唔識去先至要借車載你,如果唔係唔需要用架車!」
個客就係今日先係酒樓被打到眼腫手有傷的老公──我呀哥。


識講BB車買唔啱好小事都要嘈~但道理講唔過人就郁手打人,打完仲要扮受害者話自己無尊嚴。
已經唔係第一次主動郁手打人並惡人先告狀。
第一次講大話去寄件放低BB俾我呀媽照顧,凌晨先知佢上左內地。
返到香港隔離14日一完就出成個下午街,個B又係塞俾我呀媽照顧。
玩完返來沖涼去水位塞左,呀媽心急不停問點解有無跌野入去?「我唔係水管工!!」接著二人口角,呀媽手抱BB係廳同我一齊,佢就係房到衝出來拳打我呀媽。
呀媽手抱BB反應不來白捱幾拳,混亂中放好BB沙發上安全先自衛還擊,過程中被腳踢並扯甩幾束頭髮,本來喊道報警!但因耳嗚頭暈作噁需平躺休息而作罷。
直至晚餐作冷靜藉口讓呀嫂bb留家中,我地去酒樓打包晚飯,佢就帶同BB去警署反咬我呀媽打佢在先!
社工介入提供宿舍,拒絕後當晚帶同老公BB到酒店住,第二日去睇租盤但實在太貴作罷。
向我呀爸描述一切事發經過黑白癲倒,呀爸又信到十足十,特別以前就講開「褔建女人好~」,而我地全部係心胸狹窄的壞人。

第二次9月19日,一早公婆二人已口角,BB大便換片,大力踹門呼喝我呀哥去抹屎。
呀媽睇唔過眼出聲,仲坐係沙發上就被衝過來的癲婆襲擊,臉上巴掌留印並眼角附近數道傷痕。
今次直接報警,警察上門佢竟好意思又講大話,成身傷都無嘅人屈個成面傷嘅人打佢!

而今日,去酒樓希望攞到CCTV證明我地先係受害者,結果當時處於死角位。
問有無職員留意到事發經過?無,話我呀哥既然無反抗出聲就無人留意到。
無錯。一向講野蚊滋咁細聲、呀嫂多次向我質疑「點解你咁正常佢就咁,簡單問題都要諗勁耐先答到,同佢講野又勁耐先有回應」的呀哥,根本唔係如佢老屈般「係咁鬧人」。
打我呀媽時就話同老公關係無問題、以退為進扮無尊嚴都係返內地啦~
正如被踢爆佢同佢呀妹通訊講明「扮傻,洗晒個傻仔啲錢」後扮意氣說話,呀爸都信晒幫晒佢,求佢留係香港唔好走。
我地被抹黑,講事實希望申冤就係「搞屎棍」「煽風點火」「搞搞震」「挑撥離間」粗口問侯、作勢打人仲威脅滾出間屋。





曾經我都好似我呀媽咁會幫佢執爛攤子:完隻雞蛋入微波爐爆炸;內地電器燒壞插座轉換插頭,幫佢換合規格最安全的拖板;煲瀉粥、甜品;打爛蕃茄醬玻璃瓷器;炸到成牆成地都係油;用完廚房食物漬地下跌渣唔執……
掃地拖地洗衫晾衫洗碗唔需要經佢手都算,就連提醒佢「開冷氣關窗」「去完廁所拎返起廁板」「毛巾抹完食物過水搓乾淨」「安全第一,唔好再買內地電器用轉換插頭」都係「鬧佢」「欺負佢」。
咁我唯有扮盲扮聾扮啞,河水不犯井水。
但今日真係笑出來。近30歲已為人母,先郁手打人好意思自己讚自己「我好乖架」。
關係變僵前談及佢唔識執屋:「……咁我仲係小朋友……」哈哈,正如呀爸所講:褔建女人好~ 連個褔建老豆都維護個女打人無問題~踹門呼喝人指點老公抹屎都無問題~因為我個女係女仔人家?????

香港地屋細,明知房細,雙人床已經佔到只剩下條廊,訓得唔舒服要買更大張床~逼到電腦櫈都要丟出廳。開冷氣提佢關晒房間所有窗「好複雜」;洗衣機「好複雜」;提議摺起飯檯大d地方俾BB玩就「增加我工作量」。
婚前講過咁多年走水貨賺到,但張八達通唔連落人信用卡就會「完全無錢搭車好慘」,卻又可以粒聲唔出溝通都無就買到個雪櫃,出門返工見到龐然巨物係門口,仲叫停我想我幫佢搬入屋……趕時間返工,細起碼5年,常識上憑咩我就搬到個雪櫃??老豆願意幫佢買M巾、煲薑紅糖水,老公凌晨落街買薑起身煲;我就草般賤外面買個紅棗水都被老豆話「又買野浪費錢」,第一次M用紙巾墊住出門搵朋友借M巾,但我都一樣係女性力氣都唔會夠好唔好
中伏幫佢地搬雙人床嗰次已經整傷舊患,完全無人關心,多謝無句仲鬧我蠢唔識當街拆盒裝碌?但完全無同我講過需要工具,亦唔知重到痴線仲要連推車都無。

真係就癲,10年抑鬱變躁鬱,本來每日就已經好痛苦,又無能力搬出去,真係唔知捱到幾耐……
當時女方家人勸我呀哥咩都唔準備都可以註冊先~就算女方仲有成年先大學畢業~識幾個月相隔兩地見得幾次面閃婚前我已經提出質疑,呀媽屈我嫉妒哥哥有好老婆~~哈,而家到佢地被人屈返踩上心口。
仲可以扮盲扮聾扮啞幾耐~?




11/6:
雖然話願打願捱,仍然覺得過個生日要搞到兩個人請假唔返工好可笑…
一個請假陪佢去玩~ 一個請假幫對夫婦睇住個1歲BB等佢地可以由朝玩到黑
但係個BB搵唔到媽媽喊到聲沙力嘶。
上年聖誕個BB得幾個月大時,要去睇聖誕樹~ 諗住一定有人幫佢湊B可以自由去玩,結果被人罵無責任感拒絕,要帶住個B出去玩。今次自由自在開心晒

[ 本帖最後由 bb6886 於 2020-11-6 02:41 AM 編輯 ]



生就預左


回覆 引用 TOP

提示: 作者被禁止或刪除 內容自動屏蔽
引用:
原帖由 wangqion 於 2020-10-12 08:21 AM 發表

家庭凍暴力危害更大
上月搬屋前長年我一個人訓廳,屋企一房,佢來後呀爸呀媽同我都擠係開放式廚房嘅廳訓,忍讓恭敬到狗咁
唔係佢打我呀媽在先,我呀媽開籠雀般聊人講野又經常幫忙湊B執屋,呀哥呀爸以前從未試過頻繁請假,都係為佢。冷暴力?
公眾場合被辱罵,被威脅趕出街,逼到唔淮再講野,我都想有資格冷暴力哈哈
如果有條友被打昏迷,希望唔會有人話佢訓係地到點解唔出聲求救🤷‍♀️



回覆 引用 TOP

[隱藏]
依篇文章睇死人


係屋企裝個CAM 囉!

有啲人係好叻講大話, 但講大話係無用架. 伯母有傷咪告佢囉.



引用:
原帖由 opclk99 於 2020-10-12 05:10 PM 發表

依篇文章睇死人
因為由電腦發文,手機到睇的話排版行數望落亂好多。



回覆 引用 TOP

引用:
原帖由 GX225 於 2020-10-13 12:07 AM 發表

係屋企裝個CAM 囉!

有啲人係好叻講大話, 但講大話係無用架. 伯母有傷咪告佢囉.
想呀,但係嫂同呀爸一定企一邊起晒鋼反對,然後威脅我地滾出屋企
呀媽提及佢再打人就想告傷人,呀爸聽到爆晒粗想打人咁款鬧搞三搞四搞大事情,賴呀媽破壞晒本來嘅平靜
而兩次報警,警察講明只可以當家庭糾紛記錄唔通真係要發生命案先會做野



回覆 引用 TOP

樓主真係住係香港?
有份工,可以忍受瞓廳,點解仲要一齊住?



生有時
死有時
相聚有時
別離有時
安好
勿念
[隱藏]
引用:
原帖由 不基含情的妹頭 於 2020-10-17 12:58 PM 發表

樓主真係住係香港?
有份工,可以忍受瞓廳,點解仲要一齊住?
土生土長……

我嗰頭劏房成$7000,細過個廳…人工少,又有病唔知捱得幾耐,所以繼續過得一日得一日。點都係好辛苦。



引用:
原帖由 bb6886 於 2020-11-6 02:32 AM 發表


土生土長……

我嗰頭劏房成$7000,細過個廳…人工少,又有病唔知捱得幾耐,所以繼續過得一日得一日。點都係好辛苦。
唔係喎,而家月租酒店好抵住,為自己某個眼不見為亁淨,等身心靈有個可以放鬆嘅地方,一個兩個日都好,唔駛完全反面,唔駛家俬電器按金水電,好方便。



生有時
死有時
相聚有時
別離有時
安好
勿念
引用:
原帖由 bb6886 於 2020-10-12 05:20 AM 發表

「BB攞走咗熱水瓶蓋!」BB淥親第一時間唔係自責。
係個bb搞到周圍亂晒在先,淥親前都搞到倒瀉水整濕被同枕頭呀~~完全唔覺自己無睇好無放好危險物品。
剪甲流血、放暖爐係床上燙傷、成個B跌落地賴無開燈……就連客人到自己地方玩幾日,借車載客人後無手尾無關整設備導致零件「無電」都屈個客賠償維修費:「你邊到都唔識去先至要借車載你,如果唔係唔需要用架車!」
個客就係今日先係酒樓被打到眼腫手有傷的老公─ ...
咁慘好難住落去喎?



回覆 引用 TOP

引用:
原帖由 不基含情的妹頭 於 2020-11-6 08:22 AM 發表


唔係喎,而家月租酒店好抵住,為自己某個眼不見為亁淨,等身心靈有個可以放鬆嘅地方,一個兩個日都好,唔駛完全反面,唔駛家俬電器按金水電,好方便。
不過如果住酒店x30日都唔平



引用:
原帖由 aiqs 於 2020-11-6 04:48 PM 發表


不過如果住酒店x30日都唔平
月租除30,比散租平好多。



生有時
死有時
相聚有時
別離有時
安好
勿念
[隱藏]
引用:
原帖由 不基含情的妹頭 於 2020-11-6 05:22 PM 發表


月租除30,比散租平好多。
但都比租劏房貴喎



提示:支持鍵盤翻頁左 右
[按此隱藏 Google 建議的相符內容]