• 瀏覽: 20,235
  • 回覆: 1
  • 追帖: 1
[隱藏]
唔好咩都自己攬上身

老豆果邊 發脾氣 鬧人果啲 自己攞個耳塞聽唔到就算
呀妹更加唔洗理 佢已經做左人呀媽 佢當初冇聽呀媽講咁佢宜家自己受返都係正常
嘗試叫下呀媽唔好理呀妹咁多 越係咁呀妹就越依賴你地 要停手喇
小朋友有自閉症應該有睇開醫生 叫呀妹自己跟返

當大家唔係屋企人 係roommate你可能感覺好啲
唔需要為左家庭和諧而繼續聽佢地廢話
佢地同你呻你話唔想聽 聽同唔聽都係一樣唔會變和諧 咁不如唔好再聽 浪費自己時間

老豆啲朋友打電話騷擾就cut電話 cut唔到就瞓覺時間蚊電線 日頭先插返 無聊人打黎照聽
聽1秒就收線係咁多 唔洗放心上

你想改變宜家個情況就要狠心
你唔變 唔洗旨意佢地會變



focus喺自己身上啦

呀媽佢完全係攞苦黎辛 佢自己都話幫得幾多得幾多 咁就由呀媽繼續啦
如果你睇唔過眼 想呀媽輕鬆啲 唔係叫你幫呀媽湊外孫 最多幫呀媽做多少少家務 同呀妹有關嘅家務就唔洗做喇唔該 洗碗洗淨佢地個碗就OK
或者平時帶多啲呀媽出去 唔好留喺屋企 比呀媽抖下氣 眼不見為淨
可以嘅話 講多啲自閉症要專業人士/方法照顧果啲野比呀媽知 等呀媽知照顧不當反而會對呢類兒童有反效果呢樣野 逐漸等呀媽自己放手 放唔到都冇計 完全唔關你事

如果呀妹辭職照顧自己個女 而佢又唔比家用你地 咪當施捨個地方佢地住 平時柴米油鹽唔洗預佢地 大家各有各買 唔理佢有冇積蓄啦 冇就叫佢自己賺啦 冇錢學咩人話事
如果呀妹辭職等呀媽養兼照顧外孫 咁叫呀媽安心搵返full time 呀妹係皇帝要就哂佢嘅咩?

呀妹佢平時係點已經唔係問題嘅重點
重點係你自己有咩野想做 你想搬 就草錢 想去旅行 就草錢 想和諧 唔好留喺屋企 唔係掩耳盜鈴 有時啲野真係唔到你理咁解



[按此隱藏 Google 建議的相符內容]