• 瀏覽: 28,948
  • 回覆: 17
  • 追帖: 4
[隱藏]
我父母結婚40年,一家人一直關係好好。老豆近年返大陸做生意,最近比我同我妹發現佢包二奶,我地問老豆想點,老豆話﹕「慢慢甩,唔好刺激人地。」我地比時間老豆處理,點知原來佢仲日日同二奶講電話好happy。後來我地踢爆老豆,老豆就講大話話無再講電話,原來轉為同二奶WECHAT,始終唔肯甩。

我老豆已70歲,個二奶只是貪佢D錢,但老豆唔認,話無錢銀瓜葛,仲反話我地煩。但又比我地發現佢成日匯錢比個二奶,我地點講佢都唔醒,仲話「人地有錢過你呀」。

我地好心痛,因為我老豆一直都好慳,自己多年黎食都唔捨得食,但就對外人好疏爽,連佢D親弟妹都呃佢錢。我地心痛老豆遲早會比人呃晒成副身家,臨老過唔到世。

有次個二奶打黎,剛好我聽電話,個二奶竟然鬧我小事化大,話男人搵女人好平常,唔搵女人只係佢無本事,激死我。

我想請問我而家有乜野可以做?有無辦法令我老豆醒覺?



引用:
原帖由 singsingbaby 於 2020-9-23 05:39 PM 發表



咁佢對你阿媽點?
像普通人一般,反而阿媽40年來對老豆好好,持家有道,就算而家知道佢有二奶,阿媽都原諒老豆,話老豆咁多年對個家有貢獻,唔好趕老豆走。



引用:
原帖由 Sinki 於 2020-9-23 05:49 PM 發表


有時絕情啲
Quit咗佢囉
我地做唔到咁絕,始終係老豆,佢幾十年對我地一家好好,只是自從返左大陸之後變成另一個人,講大話唔眨眼,勸極佢都聽唔入耳。



引用:
原帖由 uncletea 於 2020-9-23 09:26 PM 發表

如有私樓及有啲錢,就要睇緊啲。
可以的話試吓架空或減少佢嘅金錢支出 (佢話會同二奶減少來往)。
如佢已同屋企人無乜感情嘅話,再絕啲就叫佢搬番大陸同二奶一齊住吧! ...
我有同老豆講過,如果你已經唔愛阿媽,你就返大陸同個二奶一齊囉,我地成全你,只要你開心就好,但老豆又唔走,我都唔知佢究竟想點。



[隱藏]
引用:
原帖由 夜高白襪 於 2020-9-24 12:42 AM 發表

你老豆有無錢同樓?依家住緊既地方是否已購買?
如果你老豆有錢同樓,你諗辦法將錢同樓盡量過到自己同啊妹手,(都唔好比你啊媽揸手,佢太心軟,易比你老豆拎返)。

咁做既原因係,如果將來你老豆比個大陸二奶呃哂d錢,起碼你同屋企人,同埋你老豆將來都有些少錢用,唔洗訓街,生活艱難。

你老公做左咁多年好老公,男人咁耐先發現後生大陸女人逗人的本領同新鮮感,一次難忘同70歲佢又覺得果頭近,想曳一鑊既心感下,你同 ...
我地唔係貪老豆d錢,只係睇唔過眼,佢成世人搵錢搵得咁辛苦,臨老比人呃晒真係好唔抵。老豆個人鍾意聽好聽既說話,又自以為是,我地話個女人只係貪你d錢,老豆話:「無人呃得到我!」我都唔知點樣可以令老豆相信我地。



引用:
原帖由 singsingbaby 於 2020-9-24 12:31 AM 發表



咁就聽阿媽話,反正佢都70歲。
我地都無諗過要趕老豆走,只係而家眼前呢個男人成個人變晒,連眼神都變埋,親人既說話完全聽唔入耳,信晒個二奶。阿媽嫁左佢40年,一隻戒指仔都無,佢竟然買10幾廿萬周大福金器比個二奶,仲話普通朋友,講大話唔眨眼,完全唔係以前既老豆。



引用:
原帖由 隔夜水龍頭 於 2020-9-27 09:28 PM 發表


離婚感情係兩個人既事  好似仔女結婚離婚父母又可以管嗎? 仔女可以支持和不支持  但有咩權去反對和評論人地係真心與否?
老豆個個月比錢養個二奶,落黎又買金器比佢,個二奶仲去舖頭偷錢,我老豆已70歲,唔係貪老豆錢唔通貪佢靚仔咩?點解我地做仔女既唔可以勸佢同阻止佢來往?我阿媽經營個家40年,個家因為一個二奶就散了,你仲話二奶真心?



引用:
原帖由 霜木黑毛和牛 於 2020-9-27 06:07 PM 發表

做仔女的,這個與你無關。
錢亦不是你的,老豆想點就點。
我知錢係老豆,佢鍾意點使就點使,但佢對我媽唔住,一句道歉都無,做錯事唔使負責任嗎?



回覆 引用 TOP

引用:
原帖由 noel2046 於 2020-9-26 05:53 PM 發表


佢家人自尋煩惱怨不得人
我地40年幸福既家散了,竟然話我地做仔女既自尋煩惱,我成世人未見過我媽喊得咁悽涼,對老公咁好最後落得咁既下場,我地做仔女乜都幫唔到。



回覆 引用 TOP

[隱藏]
引用:
原帖由 A_B_B_A 於 2020-9-26 12:19 PM 發表

二奶幾多歲?有冇60
二奶40咋



回覆 引用 TOP

引用:
原帖由 隔夜水龍頭 於 2020-9-26 12:15 PM 發表

啲錢係佢  佢想俾邊個都得  依家啲女仔㨂男友都要睇錢  又幾個嫁居無定所先  佢都七十  你咪一樣想佢啲錢留俾你姐  五十步笑百步
我同我妹都是專業人士,完全唔需要靠老豆,亦唔會恨老豆錢,只係包二奶呢件事上面,老豆對阿媽唔住,完全做錯,錯到離晒譜,我地想勸佢返正途佢唔聽,一手毀左個家,我地好心痛。



價值觀不一樣?咁就可以咁樣對待結婚40年既老婆嗎?


回覆 引用 TOP

引用:
原帖由 橋頭小小魚蝦 於 2020-9-28 01:12 PM 發表

樓主,我同你個case 差唔多,老豆識左個大陸女人,成個人好似好似俾佢落左降頭,拋妻棄子,不過佢係係我十幾歲先走佬,但係我同呀媽就一路對老豆好好,又俾佢繼續包二奶,只要俾足錢我地先走佬,都老豆死左,我同呀媽係佢身上拎左每人一層樓,一開始我同呀媽都真係好嫐,但係係咁鬧個衰佬係冇咩作用,因為佢已經俾人迷到傻左,反而氹住佢,拎哂佢啲錢,先至係上策! ...
你形容得好貼切,真係好似俾人落左降頭咁,我老豆以前都唔係咁,好錫老婆仔女的,而家我地勸佢回頭佢都唔聽,佢肯同阿媽道一個歉我地大家都會原諒佢,但佢好似迷到傻左咁,聽唔入耳,勸完一大輪轉過頭就同個二奶傾計。個二奶一日打兩次電話比老豆,朝早一次夜晚一次,每次傾個幾鐘,係度洗腦,我地講過D乜轉過頭就唔記得晒。



回覆 引用 TOP

引用:
原帖由 CarrieLi 於 2020-9-27 11:12 PM 發表


因為佢覺得自己老咗病痛多個陣淨係得你媽會照顧佢,所以你媽唔好太犯賤!
佢係度蝦阿媽林善,成個人變晒,連眼神都變埋。

個二奶D招數好厲害,一日打兩次電話比老豆,朝早一次夜晚一次,每次傾個幾鐘,係度洗腦。個二奶有晚仲惡到打黎鬧我,話我﹕「小事化大,唔識做人個女,男人搵女人好平常,稍為有本事既男人都會去搵女人,你老公唔搵女人只係佢無本事。」連我老公都鬧埋。

我問佢究竟想點,要幾多錢至肯走,佢竟然冷笑,話同老豆係緣份,唔會走,話我痴線,讀屎片。

我話比老豆知個二奶打黎鬧我,我老豆竟然話﹕「人地話係你打比人地,係你鬧人,你搞咁多野做乜。」真係離晒譜,係老豆面前顛倒是非,而老豆竟然信晒個二奶唔信仔女。



回覆 引用 TOP

[隱藏]
引用:
原帖由 超級奇裙 於 2020-9-30 11:15 AM 發表

70歲嘅人了還包二奶,有點想唔通,身體行咩?但系可以肯定二奶貪圖嘅系你家老豆嘅錢。
咁緊係貪錢喇,唔通真係講心咩



回覆 引用 TOP

提示:支持鍵盤翻頁左 右
[按此隱藏 Google 建議的相符內容]