• 瀏覽: 1,888
  • 回覆: 6
[隱藏]
我想寫出呢篇文章等各位警惕,出外記緊拖住小朋友,唔好有一刻鬆懈。

今朝(8月29號)喺西貢公眾碼頭附近,唔多人,我、老公、公公、婆婆和兩個仔等緊其他友人,等左差唔多20分鐘,喺11:25am我嘅3歲仔突然唔見咗。

我地都發咗顛不斷搵,最後婆婆喺西貢新碼頭對出嘅旋轉路口(福民路)見到兩個陌生男人拖住我個仔兩隻手,個仔喺度震,其中一個男人見到婆婆嘅時候講「嚟啦,嚟啦」,疑似通知另一位男人事敗,然後將個仔交俾婆婆,婆婆帶住我個仔就轉身走向公眾碼頭方向,見到我過嚟,話嗰個男人話我個仔走失左,幫我搵到我個仔。然後我同我個仔講嘢,個男人走過嚟話:「你唔好鬧佢啦,佢已經好驚啦」,呢個男人係用純正廣東話講嘅。嗰個時候我有懷疑,所以我冇同嗰個男人講多謝,然後帶咗個仔走。

15分鐘後,我越諗越唔對路,覺得冇可能我個3歲仔自己走到咁遠,雖然路程不是十分之遠,但係佢唔會走離開我們咁大距離,而且,我覺得個男人同我講嘢,係想試探我,究竟我有冇懷疑佢係拐子佬,睇吓方唔方便再犯案,所以我決定報警,盡早將件事話俾警方知道。

一開始我個仔唔肯講發生咩事,幾小時後佢冷靜後,佢話,原來佢喺碼頭見到有個叔叔釣魚,嗰個叔叔釣到一條魚,然後釣到魚嗰位叔叔就拖住佢隻手走,無幾耐有另外一位叔叔再拖佢另外一隻手。我已經差唔多可以肯定佢哋兩個係拐子佬,無啦啦點會拖住個小朋友走咗去等車,最多喺喺附近問吓邊個係呢位小朋友個爹哋媽咪吧?

最近新冠肺炎,小朋友通常都喺室內,亦喺兩歲嗰陣上咗半年嘅PN,無太多機會學習如果遇上陌生人應該點樣處理,我地作為家長因為最近通常留喺室內亦都冇再三提醒佢。

最後,可能最近經濟唔好,大家記住注意安全,小心照顧小朋友。



回覆 引用 TOP

提示: 作者被禁止或刪除 內容自動屏蔽
香港邊有拐子佬架, 大陸咩, 痴 L 線! 


回覆 引用 TOP

拐子成本太高,拐黎做乜
自己睇住個仔啦,下次跌落海你就知驚



[隱藏]
引用:
原帖由 underline 於 2020-9-6 11:11 PM 發表

拐子成本太高,拐黎做乜
自己睇住個仔啦,下次跌落海你就知驚
又係果d由得個仔週圍走,自己喺度玩電話果d家長。



回覆 引用 TOP

引用:
原帖由 underline 於 2020-9-6 11:11 PM 發表

拐子成本太高,拐黎做乜
自己睇住個仔啦,下次跌落海你就知驚
樓主自己唔睇實個仔就頼有拐子佬
如果一個人就話可能個人傻
兩個人就無可能啦
要運個細路返大陸你估咁易



回覆 引用 TOP

謝謝提醒


回覆 引用 TOP

主題標籤 #新冠肺炎
[按此隱藏 Google 建議的相符內容]