[按此打開]
[隱藏]
老爺係潮州人, 重男輕女, 男人話事, 女人冇地位, 冇權話事, 好傳統果D思想.......加上佢有兩個阿媽, 大媽細媽, 老爺係大媽生, 而大細媽, 兩邊仔女, 我老爺係最大嘅, 係大哥, 所以佢就更加要佢D細佬妹聽佢嘅話, 輩份最大, 尤其係D咩決定呀, 都要經佢......佢講嘅野就係岩, 就要照做........
而佢本身係一個好自私, 冇耐性, 廉麻煩, 唔講衛生, 要人遷就晒佢嘅人同性格. 我同C6結左婚都11年, 今年11月就12年啦, 拍拖都有10年, 當然你話一齊住冇問題就假嘅, 其他野唔講, 就講佢衛生方面, 依家疫情咁嚴重, 我想每個人同屋企都會加陪小心, 但偏偏, 我老爺就懶理, 每次返到屋企入屋冇噴鞋底同洗手, 佢仲著住對鞋入屋, 跟住就去廁所, 你話佢, 佢就話有咩問題, 冇問題架, 當然仲有其他野啦, 但最不知所謂, 嘅就係, 佢每日都要食藥, 佢就將D藥(3個月份量, 有幾種)放係雪櫃, 嚟個唔係問題, 問題係, 佢試過唔止一次係咁, 開廚房門, 跟住開雪櫃門, 跟住拎藥果時, 就對住個雪櫃咳, 起初係好聲好氣同佢講, 咁當然冇改啦, 如是者幾次, 次次都話佢, 都冇用, 直至最後一次, 8月初, 又係因為尼樣野大家又再嘈起, C6話佢,佢就唔認, 講真我地間屋好大咩, 聽到你做咩架, 後尾佢冇聲出啦.......但唔覺得自己有問題架, 仲好惡咁鬥番你, 尼次我同佢嗌交, 大家都嗌得好大聲, 好勁...................其實我都知佢唔會改, 所以我唔會再理佢&當佢透明...................
