[按此打開]
[隱藏]
究竟男人想點，一齊咗20年，分居咗年半，佢返咗去佢阿媽度住，但係日日返嚟睇仔，車我同個仔返屋企（因為我有時要返Part time所以個仔去咗我媽咪度湊），成日上去我阿媽屋企買嘢俾佢食，對佢兩老好好，但係又對我態度冷淡，琴日仲要比我發現佢WhatsApp有第三者，之前傾離婚嘅時侯我有問過佢佢係咪有第二個女人，佢話冇，而家終於比我發現左，我發現嘅時候個腦一片空白，情緒好激動，佢唔知我發現左，我呢埋喺廚房度不停喊，到佢睇完個仔去返工，我喺廚房出嚟送佢出門口，佢知道我喊佢都冇問過一句，我其實係好想挽回佢，佢真係好錫個仔，個仔都好鍾意佢，而我亦都真係好愛佢，我用咗年半時間好努力咁改變自己，由一個170磅嘅師奶，減肥減到130磅，以前唔多入廚嘅我，而家成日喺廚房，我知道我之前對佢嘅態度我好有問題，係呢年半我都有努力去改，盡量喺佢面前都比較溫柔，由初初佢放假要同我哋出街，佢一定要搵埋同學仔，或者佢啲姪女一齊去，可能有第三者喺度佢會覺得冇咁尷尬，到而家我哋可以單獨一家三口出街，我以為開始有轉機，我唔知可唔可以挽回到，但係我起碼試過，直至到琴日見到個WhatsApp之後，我真係唔知自己想點，好唔甘心，而我亦都唔知佢咩諗法，既然你都選擇咗同第二個一齊，點解仲要成日上去我阿媽屋企，又成日車我地周圍去，有時放假都會同我地去街，有時喺度諗，其實點解佢會有時間同第二個一齊，因為佢返兩份工，工作時間起碼14個鐘，其餘時間都要瞓覺，佢每個月都好盡責會俾家用我，其實佢份人工俾埋我之後得返好少，點解男人都可以喺出邊有第二個！究竟佢而家係乜嘢心態，補償呀？仲想返嚟呀？定係想點，有冇人可以用男人嘅角度可以答到我！🙏🙏
