• 瀏覽: 1,794
  • 回覆: 9
[隱藏]
媽,好想叫你。現在無論點樣叫,點樣嗌,都唔會有人回應。好有失落感。前所未有嘅空虛感。覺得好孤單,不斷搵朋友傾計。但他們又可以陪我幾多。始終


真係冇想過你會在我嘅生命裡永遠消失。去年9月時,仲係對你有啲怨懟。點知道你竟然差5天,不能在2020報到。那些對你嘅怨反而變成內疚遺憾。


開始時,我情緒不穩定,但還是要工作。然後疫情發生,更加令我覺得唏噓。我以前向外跑,你多麼渴望我們留家陪你。現在可以了,但你已經不在了。


因為我嘅情緒令本來覺得係好好嘅朋友都對我敬而遠之。而都有另一批朋友安慰。但他們又怎能及得上你呢。懵懵懂懂就過了7個月了。現在依然覺得像發夢一樣。好想過回以前的生活,但發現已經不可能了。以前起身後做事嘅幹勁隨你而失去了。每天醒來,發現又一天與你的距離加長了。心情都係好差地開始。


以前夢到你的次數好少。。。但竟然過去7個月,夢到你4次。你都有掛住我地嗎?又夢到我抱住你,你又關心我身體。現實中已經唔可以了。以後只可以在夢裡見了。想起了以後不能相見,好心傷呢。


回想所有發生的事,生氣你不願意去醫院接受檢查,又生氣自己不堅持逼你去。否則我地嘅緣分不會就這樣結束了。你只給我短短的5天照顧你。生氣自己以前只顧自己,沒有發現其實你已經慢慢變老。而你又好愛面子,不曾在我面前示弱。生氣自己不理會上天俾我嘅一年機會,錯過照顧你。。。前年你入過醫院,我自以為是地認為你無大礙。


你曾經教過我“樹欲靜而風不止,子欲養而親不在(待)”。想不到變成了我的情況了。我幾想養你照顧你,而我竟然沒有這個機會了。現在我遇到每一件事,每一個改變,無論好定壞,都想起你。壞嘅,覺得係因你的事影響我的情緒。好嘅,覺得我竟然沒有機會同你分享。2020年一個好難捱嘅一年。而我所有好嘅改變,你看不到。我多賺的錢不能俾你去用。


身邊所有朋友依然雙親還在。沒有人能體會我的心情。我幾咁羨慕。雖然他們說“遲早他們也要面對”。。。佢地無錯,但係這些事遲好過早吧。我從來都希望你可以起碼陪到我50幾歲。有朋友的婆婆還在,而她媽已經60幾了。 60幾歲依然有媽,多麼幸福。


以前跟一啲朋友一樣,抱怨你的不是。。。但現在聽到他們抱怨自己媽時,有種好心酸嘅感覺。。。如果我也能夠這樣做就好了,證明你還活著。


突然覺得時間為何過得那樣快,為什麼不能停留在有你嘅時光。。。其實我好討厭所有新認識嘅“朋友”(有心理學家,中醫),覺得是因為與你緣盡,所有才跟他們有交集。


現在只留下了爸。。。如果他都走了,這個30幾年熟悉的家就這樣沒有了。變成了“孤兒”了。現在這個沒有你的家,也好陌生了。不敢想象,我將來會是怎樣。我的打算從來都有你。但現在沒有你,好不知所措。


你說過我,我生活的習慣令我未必長命。我話開心嘅短暫冇問題,唔開心嘅幾長都冇用。我突然想快快過完我嘅人生。沒有你,已經沒有什麼意義了。沒有動力去做任何事。


現在我對每逢佳節培思親好有感觸。下個月我生日,第一個沒有你嘅生日,不知怎樣過好。沒有你等我返屋企食飯食蛋糕了。對於生日,已經冇感覺了。下一個你重視嘅節日--中秋節。以前都係你打點飯菜,我地就滿心期待放學放工回來食。現在我想由我黎做,可惜你唔係道了。依個世界變左好多,而沒有你更加令我擔憂害怕。


朋友說我要盡量忘記你,盡量俾自己走返出黎。其實我都唔知我想唔想。我反而想盡快離開這個咁失落嘅世界去搵你


又或者你保佑我同細佬可以在這兩年內結婚生仔。而你過來做我嘅女兒。咁樣我先有活落去嘅理由。


希望在遠方的你平安。有時間嘅返黎探我地。



老母系我哋嘅精神支柱!!


回覆 引用 TOP

輪回

[ 本帖最後由 平常的人 於 2020-7-26 01:00 PM 編輯 ]



回覆 引用 TOP

失去才知真貴,現在寫上千言萬語又怎樣,她一句也聽不到,看不見。


回覆 引用 TOP

[隱藏]
引用:
原帖由 灰的人 於 2020-7-25 04:29 AM 發表

媽,好想叫你。現在無論點樣叫,點樣嗌,都唔會有人回應。好有失落感。前所未有嘅空虛感。覺得好孤單,不斷搵朋友傾計。但他們又可以陪我幾多。始終


真係冇想過你會在我嘅生命裡永遠消失。去年9月時,仲係對你有啲怨懟。點知道你竟然差5天,不能在2020報到。那些對你嘅怨反而變成內疚遺憾。


開始時,我情緒不穩定,但還是要工作。然後疫情發生,更加令我覺得唏噓。我以前向外跑,你多麼渴望我們留家陪 ...
蘋果熟咗會跌落來~



回覆 引用 TOP

引用:
原帖由 灰的人 於 2020-7-25 04:29 AM 發表

媽,好想叫你。現在無論點樣叫,點樣嗌,都唔會有人回應。好有失落感。前所未有嘅空虛感。覺得好孤單,不斷搵朋友傾計。但他們又可以陪我幾多。始終


真係冇想過你會在我嘅生命裡永遠消失。去年9月時,仲係對你有啲怨懟。點知道你竟然差5天,不能在2020報到。那些對你嘅怨反而變成內疚遺憾。


開始時,我情緒不穩定,但還是要工作。然後疫情發生,更加令我覺得唏噓。我以前向外跑,你多麼渴望我們留家陪 ...
人生苦短!
過去已成定局!
既然如此!
就保留那份喜悅的記憶!
永遠活在心底!
成為妳的動力吧!

愛!不能永恆!
因為我們都逃不開生老病死的圈子!
唯每一天能感受到愛才不枉此生!

願妳的母親往生淨土!
也許有一天!
偶爾遇見一個小朋友!
你會有一份親切的感覺!
生命本是生生不息的!

阿彌陀佛!



回覆 引用 TOP

所以前一排。我都對父母講。我和你地既緣分太深,當一日你們都不在了。我又如何?我點走得出哩仲空虛感!所以如果有子女,就要學會如何相處。對他們太親密。又怕有一日害他們。太冷漠,又怕令他們感覺不到愛


回覆 引用 TOP

母愛系最偉大嘅


回覆 引用 TOP

你還有爸爸,以算幸福,我沒有父母,連細佬都過身了,思念一定有,生活要正面走


回覆 引用 TOP

[隱藏]
提示: 作者被禁止或刪除 內容自動屏蔽
[按此隱藏 Google 建議的相符內容]