[按此打開]
[隱藏]
因為男人清楚哂女人嘅弱點。男人其實好古惑！佢哋知道點樣做可以先可以食住個老婆。而且男人知道女人結婚之後一定會以細路為主，為咗自己仔女女人係咩苦咩委屈都可以忍受，「細路」就係女人嘅弱點！所以只要捉住呢個痛腳，男人就唔怕出軌老婆會反面。所以男人結婚生仔之後照樣出軌唔怕老婆離婚離不開三個理由。
第一：父母離咗婚之後個細路一定唔好過有陰影，女人一定唔捨得自己個仔女難受所以死忍唔離婚。
第二：好多時候女人經濟唔獨立，女人驚離咗婚之後養唔掂個細路，要自己仔女同佢捱窮。
第三：女人唔同男人，女人嘅青春非常有限，基本上女人25歲以上已經冇乜市場，可以搵到第二春嘅機會好微。
男人來來去去就係靠呢幾樣野食住自己老婆，所以女人一定要自強同經濟獨立！要時刻有危機感，要諗吓如果聽日你男人有二奶或者要離開你時你會點？你經濟上係咪可以確保你同你仔女幸福生活落去？
如果係的話恭喜你，你男人一定唔敢夠膽咁囂張。
如果唔係嘅話都唔緊要，宜家開始積穀防饑，努力搵錢。咁樣萬一將來你男人離開你嘅話你都唔會傷得太重。
