[按此打開]
[隱藏]
想問大家一樣野，一起三年，我一直覺得究竟係我問題定係個男朋友問題。
首先我哋一齊住，唔緊要，我知道他供樓辛苦，我都要一齊負擔個屋企，我每個月都比幾千蚊一齊負擔。但佢話幾千元太少。
我唔想佢洗咁多錢，其實茶餐廳大排檔我都食得好開心。我唔需要去香宮半島， 其實食麥當勞我都開。
但佢其他嘢都一直同我計，好像屋企電器壞左就要求我去買；佢架車入油又要求我入；去食一餐百幾蚊嘅飯佢都要求我AA，都琴日架車俾人抄牌，佢同我講係因為我行慢咗，要我俾埋俾人抄牌嘅錢。總之同佢出親街每一次都係要我俾錢俾錢俾錢俾錢。
佢永遠都話係我錯，話香港地邊個都要洗錢㗎啦，其實我明白呢個道理，但我覺得每件事佢都要同我計我真係覺得好冇癮好心痛，我唔識得去分析究竟誰對誰錯。
我亦唔識分析下一步應該點去做。
少少背景：我33歲，佢賺80000一個月，而我賺38000一個月，佢有層樓供緊，而我自己層樓供完收緊租，不過我D租金係比曬媽咪做家用
[ 本帖最後由 fbf0682bb17195 於 2020-7-2 09:35 AM 編輯 ]
