• 瀏覽: 5,019
  • 回覆: 28
[隱藏]
動物世界入邊班媽咪養到小毛孩一段時間就趕佢地走真係非常正確。

小妹單親背景同啊媽一齊住。家母情緒起伏好大,負能量偏高,同埋好鐘意踩低自己抬高人地(當然唔少得踩埋我一份啦)平時佢同朋友或者親戚傾計都會講下自己有幾慘。但係偶然佢又會係我面前提起佢覺得人地睇佢唔起,因為佢覺得自己無本事。

今日屋企就發生第三次世界大戰。事緣就係家母有句口頭禪就係當佢需要人幫佢既時候,佢好鐘意用‘求人’呢個形容詞。而我同佢反映我唔鐘意佢成日講‘求人’呢個字眼之後戰爭就開始

1)佢所謂既‘求’只係小幫忙 。簡單如信件寄到親戚屋企,佢想拎番信件。佢會形容呢種係求人比番d信件佢

2)佢成日講到自己屋企好慘。但係屋企唔係真係咁困難,而我作為仔女就覺得心入邊好唔舒服。佢成日將我地講到地位唔及其他親戚。事實上我有自己既工作,正當職業收入正常。但住成日聽住家母既負能量。自己一邊好努力做野希望自己生活品質更好,而另一邊家母就係旁邊不停講自己屋企有幾差又幾無本事。呢種感受真係一流!

3)家母好鐘意鬥慘。係,岩岩單親既時候佢的確係好辛苦,佢既辛苦大家有眼睇,但係都唔洗日日提起啊?睇新聞見到邊個邊個慘,佢會話你又唔睇下我幾慘。有人需要捐款,佢又會話你咁多錢做咩唔比我洗 。每次佢都要搶個冠軍先開心

4)以上就話家母鐘意鬥慘,所以做仔女係唔可以表達自己既感受。例如你同佢講‘我覺得你成日係親戚面前踩低自己屋企呢個行為令我好唔舒服’呢樣說話,佢就會爆發。佢接受唔到仔女同佢講個人既感受因爲佢覺得自己一手一腳湊大我地無人比佢更慘 。如果你同佢嘈交,佢唔會理咩時間咩地點都會用粗口大大聲閙你。

5)佢成日覺得我地唔專重佢,但係當我地同佢講仔女都需要被尊重,佢會話我係你地啊媽,我唔洗理你地既感受。 佢成日係班親戚面前講自己幾慘,自己小朋友幾唔聽話,而佢都好鐘意襯住屋企有外人就搵小問題閙我。其實我都係人,如果我係父母身上搵唔到被尊重,我點識尊重番你?

而今日我就自找麻煩同佢分享感受。我同佢反映唔好成日踩低自己屋企或者屋企人,咁樣會搞到我地成家都無面,好似垃圾咁。佢就閙足我三個鐘,粗口,人生攻擊,無關痛癢既野都拎埋出黎數。平時正正常常個陣相處都可以既但係一嘈交就要冷戰一排。我真係羨慕可以同父母做朋友個種關係,每樣野都可以平靜去討論而唔係用粗口嘈交去發洩。

唉,長文呻完苦水!但係都仲未諗通家母呢種性格係咩原因。



引用:
原帖由 Litpotato 於 2020-6-2 06:05 AM 發表

動物世界入邊班媽咪養到小毛孩一段時間就趕佢地走真係非常正確。

小妹單親背景同啊媽一齊住。家母情緒起伏好大,負能量偏高,同埋好鐘意踩低自己抬高人地(當然唔少得踩埋我一份啦)平時佢同朋友或者親戚傾計都會講下自己有幾慘。但係偶然佢又會係我面前提起佢覺得人地睇佢唔起,因為佢覺得自己無本事。

今日屋企就發生第三次世界大戰。事緣就係家母有句口頭禪就係當佢需要人幫佢既時候,佢好鐘意用‘求人’呢個形容 ...
“但係都仲未諗通家母呢種性格係咩原因”
更年期,
只有搬開住才能解決。



鬥慘踩子女/媳婦真係唔應該!辛苦你丫!


我都有一個差不多的長者,年已80,在香港住了50年但仍睇唔化。
經常掛在口邊的口頭禪是"前世做了甚麼壞事,今世要來受苦"
她說自己是粵語長片中的'白燕',受盡親戚等等的白眼,好似妹仔一樣。
來到香港後,仔女多又經常病無錢看醫生。
人老了就週身病,總之成世人都是受苦,全世界無人慘過佢。
但現實她現在有兒有孫陪伴,無經濟問題,雖有老人病但行得走得,我們跟她說在香港很多人比她淒涼,她都不認同。
每天都是負能量發洩,令到兒孫都不想跟她說話。



[隱藏]
你幾大?靚唔靚?夠秤嫁人未?


肯定啦, 個性, 生活習慣都唔一樣, 總會與摩擦嘅


引用:
原帖由 Litpotato 於 2020-6-2 06:05 AM 發表

動物世界入邊班媽咪養到小毛孩一段時間就趕佢地走真係非常正確。

小妹單親背景同啊媽一齊住。家母情緒起伏好大,負能量偏高,同埋好鐘意踩低自己抬高人地(當然唔少得踩埋我一份啦)平時佢同朋友或者親戚傾計都會講下自己有幾慘。但係偶然佢又會係我面前提起佢覺得人地睇佢唔起,因為佢覺得自己無本事。

今日屋企就發生第三次世界大戰。事緣就係家母有句口頭禪就係當佢需要人幫佢既時候,佢好鐘意用‘求 ...
年紀大既人就會諗多D過去既野。

佢當年真係好慘, 一個人又做工又湊小朋友又窮又冇本事.…。

有一句說話一定啱, 你做仔女一定要尊重父母! 當然你可以不認同。 但事實上你唔尊重自己父母就等同你不應被尊重。

你既然咁清楚你媽的特點,咪順佢而行囉,開開心心一家 重比什麼都好。

捐款呢様真係你媽講得啱! 你媽缺錢,有錢梗係比自己阿媽先。



引用:
原帖由 singsingbaby 於 2020-6-2 07:50 PM 發表



年紀大既人就會諗多D過去既野。

佢當年真係好慘, 一個人又做工又湊小朋友又窮又冇本事.…。

有一句說話一定啱, 你做仔女一定要尊重父母! 當然你可以不認同。 但事實上你唔尊重自己父母就等同你不應被尊重。

你既然咁清楚你媽的特點,咪順佢而行囉,開開心心一家 重比什麼都好。

捐款呢様真係你媽講得啱! 你媽缺錢,有錢梗係比自己阿媽先。 ...
可能我講野態度都要改進下。唉,下次佢講咩我都當佢大帝咁唔出聲算數。唯有諗開D,佢唔肯改變就我自己改變啦。



引用:
原帖由 ABC香港 於 2020-6-2 10:41 AM 發表

我都有一個差不多的長者,年已80,在香港住了50年但仍睇唔化。
經常掛在口邊的口頭禪是"前世做了甚麼壞事,今世要來受苦"
她說自己是粵語長片中的'白燕',受盡親戚等等的白眼,好似妹仔一樣。
來到香港後,仔女多又經常病無錢看醫生。
人老了就週身病,總之成世人都是受苦,全世界無人慘過佢。
但現實她現在有兒有孫陪伴,無經濟問題,雖有老人病但行得走得,我們跟她說在香港很多人比她淒涼,她都不認同。 ...
同路人。我性格比較正面樂觀,就算有壞事發生我都會向好個邊去思考。真係好難理解有人明明生活唔係太困難,但係要成日將慘字掛嘴邊。



回覆 引用 TOP

[隱藏]
引用:
原帖由 87er 於 2020-6-2 09:41 AM 發表



“但係都仲未諗通家母呢種性格係咩原因”
更年期,
只有搬開住才能解決。
搬開就無可能啦,唉!佢自己一個住我又唔放心。



回覆 引用 TOP

引用:
原帖由 dickinson1020 於 2020-6-2 10:41 AM 發表

鬥慘踩子女/媳婦真係唔應該!辛苦你丫!
你句辛苦你好有鼓勵性,多謝你!好多時做仔女都想被父母理解同埋肯定!



引用:
原帖由 消失了榴槤 於 2020-6-2 05:01 PM 發表

肯定啦, 個性, 生活習慣都唔一樣, 總會與摩擦嘅
經過琴日既大戰,我決定以後做退讓個位。同家母嘈交死好多細胞。



回覆 引用 TOP

引用:
原帖由 TonyQ668 於 2020-6-2 02:06 PM 發表

你幾大?靚唔靚?夠秤嫁人未?
哈哈,就算嫁人都要拉埋家母一齊住啊。



引用:
原帖由 Litpotato 於 2020-6-3 03:34 AM 發表



你句辛苦你好有鼓勵性,多謝你!好多時做仔女都想被父母理解同埋肯定!
明白你,我從不會借此比壓力子女/媳婦,各人有各人優點和生活,緣聚在一起,為何家庭都要要明爭暗鬥?鬥慘的人往往是扮慘,利用慘去感情勒索他人



[隱藏]
引用:
原帖由 dickinson1020 於 2020-6-3 07:02 AM 發表


明白你,我從不會借此比壓力子女/媳婦,各人有各人優點和生活,緣聚在一起,為何家庭都要要明爭暗鬥?鬥慘的人往往是扮慘,利用慘去感情勒索他人 ...
你係值得被尊重既長輩,好明白事理。其實我心知家母好需要關注,但係佢鐘意用負面既說話令人關心佢。唉,聽得多真係好難頂。你講得無錯,的確係感情勒索緊我。好似平時我同男朋友關係比較好,佢都會被說話我聽。佢會話你洗唔洗對人咁好啊,好似貼埋去咁。佢真係唔知呢種說話對女仔黎講傷害幾大。



提示:支持鍵盤翻頁左 右
[按此隱藏 Google 建議的相符內容]