• 瀏覽: 671
[隱藏]
一年前,係apps到識左佢。

同佢都幾好傾,乜都有講,就係只有大家既情史無提及過。雖然我係佢FB IG 都見到佢有好多男性合照,其實都心中有數。

對於我呢種咁執著小氣既人,我會認為唔知唔去問,會對呢段關係更好。

係呢一年裡面,好似都唔錯,就圍飲飲食食。 係開心既,不過幾乎95% 都係我請。而我地既關係都只有去到goodbye kiss。

出錢其實我都無乜所講, 但最近佢好似對我淡左咁,wtsapp 約我食飯之外, 都無乜野同我講。 佢從來都唔會主動搵我講電話,有時仲會拒絕我打俾佢。

我開始懷疑呢假感情,我好似唔係好認識佢,為拍拖而拍拖。

平時佢都會好夜先訓,無三點都四點。我開始成日都會睇住 IG FB 上線時間,發現佢會不斷上線。 而wtsapp佢一直都會關左最後上線時間。

我真係好不安,好想講出嚟,但係係生活上真係搵唔到人可以聽我講,好辛苦。



回覆 引用 TOP

[按此隱藏 Google 建議的相符內容]