• 瀏覽: 11,744
  • 回覆: 82
  • 追帖: 1
[隱藏]
大家好 我本身係全職新手媽媽 間下返下PT
而家個囡一歲 同呀媽關係愈黎愈緊張 真係好唔開心
中間發生左好多事 我知唔係個個呀婆一定要幫手
但眼見身邊d呀姨都會幫個女湊同坐月 而我同呀媽關係一直都好好 個個都話佢最錫係我 所以搞成甘 我真係好難受

未生前呀媽話會過黎 我地留左間大房俾佢
點知到我生個日都無黎 生完出左院佢就過黎一齊湊b
點知一返到屋企叫我地請陪月 我地即晚上網搵
因我坐緊月老公唔想我出去 就叫陪月同呀爸呀媽帶b去健康院 最終佢地都唔肯帶 堅持要我自己去佢地跟埋黎 仲要求帶埋陪月 我覺得唔需要 請陪月一日都唔平 於是我地第一次嘈起上黎
連續出左去三日既我加上佢唔俾開冷氣我每日濕完又乾 乾完又濕 係坐月其間同bb都病左 (而佢竟然同b著5層 然後見到b成身汗勸佢 佢都堅持話b係唔知冷唔知暖)而我到而家都係斷斷續續咁病 呀媽不停咁怪我無叫陪月去 返到黎第一次同我講唔湊 叫我自己請工人湊

表姐妹都係佢地呀媽幫佢坐月 而我呀媽呢? 印象中整過一次雞俾我食 身同頭都無幫抹過 佢識同我講我呀姨日日幫我表姊用疆水抹頭 我真心好羨慕

坐月個月日頭係有陪月 晚上全部我頂上 我係無休息 陪月黎我先訓 中午起身食野pump奶 陪月收工我就起身 最終佢竟然同我講好辛苦 怪我日頭無起身幫手睇住個陪月做野 呀b好難湊 邊有b未滿月就咁難湊 叫我搵定人湊 我未坐完月已經濕水洗奶樽 每日聽埋聽埋好多難聽既說話 好似話佢唔想做人呀婆 寧願去返工 仲私下叫我老公拎俾呀嘛湊(但我認為佢係恨抱孫 我先一結婚即刻生) 到我覆診時因爲有產後憂鬱要見精神科 當佢知道唔係關心我 係埋怨我搞到覆診時間耐左 講依d有咩好睇 搞咁耐

因為b初生時有腸絞痛有時會哭鬧 佢就怪係因為見到我地戴眼鏡嚇到bb 要求我地個個除眼鏡 最慘係家姐同老豆都聽佢 而我覺得無可能堅持唔妥協 可能咁佢覺得我唔再聽佢話
b兩星期佢要求俾奶咀 我明知係唔好但無法 佢日嘈夜嘈最終俾左 好多人聽到都驚訝咁快俾奶咀 而家d牙真係唔齊先同我講戎奶咀
當日未滿月仲叫我俾保嬰丹 好在我堅持無俾 雖然當時真係俾佢煩到有d動搖

到後來我發現b一邊飲奶一飲玩 我即時阻止 到後來一路食粥一邊玩一邊睇電視我已經無力阻止 連帶我自己都要跟住行佢個套 因為一人一套b好扭計 我真係試過同佢改 改好左但瘦左又黎過 仲要俾人話我無心機餵 佢講野好難聽 好似串你咁 好難受

試過連續幾日發燒同b一齊病左 抱b抱天光 佢上到睇望一望叫佢幫手餵下奶都唔肯就走左 我個人累到頂硬上 心想點解自己呀媽會咁

我老公工作時間太長半夜返早上就開工 疫情下得老豆每日送個外賣黎 而佢可以成個幾星期都唔黎睇下個孫 有時覺得呀b真係好慘個呀婆咁
我地細個呀婆都唔係咁 呀婆日日帶我去健康院沖涼

好多事係我心中已經完完全全改變晒我對佢既印象 相反佢都一樣 我地已唔可能好似以前咁手拖手去行街
以前既佢唔係咁 起碼係我心目中唔係 以前覺得咁多個呀姨 呀媽係最好個個 而家佢係我心中最差
而明知自己個女只係返PT 要供樓仲要養女 都講得出叫我請完陪月陪請工人 等佢唔駛過黎 家姐就可以返去同佢住 幫佢慳返d租 家姐離左婚無仔女 一筆贍養費有工做 幾個月就去一次旅行 竟然選擇幫佢慳 叫我自己請人 真心諗唔明

所有野好似係家姐離左婚之後就變晒 呀媽拖住既變左係佢 佢當正佢係女我係外人 家姐結婚有金 而我係無 但我記得家姐結婚時佢同我講 將來會買俾我 對我就捨得 對家姐就唔捨得
家姐講野都好難聽 有時見到呀媽幫我 佢就會出聲 話好多野佢自己做咋 一黎到會咩都話俾返佢呀媽做啦 俾佢呀媽餵奶啦抱啦 其實我 好多個鐘未食野 兩日未沖涼 有時叫佢幫我扶下呀b佢都好直接話你知佢唔識
初初唔熟手幫b沖涼 諗住多個人幫 佢亦唔肯 寧願我去叫醒我老公 佢只係訓得幾個鐘 有時諗 點解你要我幫時我戶口得十萬都借左八萬俾你 我需要人幫小小事都唔肯?
呀媽抱唔掂話辛苦 佢會同呀媽講俾返佢媽自己湊啦 而我初初都會同家姐呻下 佢就會同我講 叫我叫呀媽返屋企 佢好似係中間隔開左我地一樣

眼見表姐妹都有呀媽幫手煮飯佢地食 而我日日外賣杯麵 有一餐無一餐 咁耐都係煲過一次湯俾bb飲
點解生完個女 以為屋企多個人熱鬧d高興d 反而感覺咁涼

[ 本帖最後由 kismart0423 於 2020-4-30 06:26 PM 編輯 ]



引用:
原帖由 kismart0423 於 2020-4-30 06:07 PM 發表

大家好 我本身係全職新手媽媽 間下返下PT
而家個囡一歲 同呀媽關係愈黎愈緊張 真係好唔開心
中間發生左好多事 我知唔係個個呀婆一定要幫手
但眼見身邊d呀姨都會幫個女湊同坐月 而我同呀媽關係一直都好好 個個都話佢最錫係我 所以搞成甘 我真係好難受

未生前呀媽話會過黎 我地留左間大房俾佢
點知到我生個日都無黎 生完出左院佢就過黎一齊湊b
點知一返到屋企叫我地請陪月 我地即晚上網搵
因我坐緊月老 ...
“點知到我生個日都無黎 ”

你阿媽知道自己唔掂,
已經投降,
所以你生個日都唔嚟,
費事阻手阻腳。
你唔使旨意你媽做乜做物,
大家都好過D。

爬咗一半文,
睇得好辛苦。



引用:
原帖由 87er 於 2020-4-30 10:58 PM 發表



“點知到我生個日都無黎 ”

你阿媽知道自己唔掂,
已經投降,
所以你生個日都唔嚟,
費事阻手阻腳。
你唔使旨意你媽做乜做物,
大家都好過D。

爬咗一半文,
睇得好辛苦。 ...
其實打晒出黎 希望個心舒服d 唔好頂住頂住
我生前已問晒佢地會唔會幫 個個話會
我媽仲同家姐講 有左呀 要同我去公園行 最後一次都無行 平日買完送係我日日行返去睇佢地 自己大住個肚抽住一袋二袋再行返屋企 我地住同區
有時諗街外人見到都會幫下我 點解屋企人會咁?
我唔係對佢地唔好 佢地有事我都會幫
我仲要過左預產期 好在係朝早見紅 c6仲未返工

我知好辛苦 因我對佢地好大怨氣
但佢地而家唔黎 我都無再搵佢地了
初初都會問下佢 幾時黎呀 之後發現原來佢成日講大話搵藉口唔黎 我已心淡 最後都要多謝你



回覆 引用 TOP

長篇大論辛苦你了,你表妹好幸福囉,唔好比較一比起上嚟就覺得自己是不幸運的一個。


[隱藏]
引用:
原帖由 kismart0423 於 2020-4-30 06:07 PM 發表

大家好 我本身係全職新手媽媽 間下返下PT
而家個囡一歲 同呀媽關係愈黎愈緊張 真係好唔開心
中間發生左好多事 我知唔係個個呀婆一定要幫手
但眼見身邊d呀姨都會幫個女湊同坐月 而我同呀媽關係一直都好好 個個都話佢最錫係我 所以搞成甘 我真係好難受

未生前呀媽話會過黎 我地留左間大房俾佢
點知到我生個日都無黎 生完出左院佢就過黎一齊湊b
點知一返到屋企叫我地請陪月 我地即晚上網搵
因我坐緊月老 ...
文太長,但係理由十分簡單
因為窮,講錢失感情

人地原本有工開,咁妳有冇俾返錢?

我係工人,陪月,先生,太太,嫲嫲一齊去照顧初生兒

唔夠人可以升級為雙陪月,雙姐姐
都係錢作怪

我亞媽(嫲嫲)話幫,我地都照請陪月

[ 本帖最後由 KAZ327 於 2020-5-1 06:51 AM 編輯 ]



有人自己送上門被KO,CASE 已 CLOSE 心情超舒暢 XD

後記:
總有D輸家唔忿氣不停引你去同佢嘈,再不停兜圈搵漏洞造文章
所以當等到有人送上門被KO之後,要做既就係收工等佢飲恨一世
引用:
原帖由 icicok 於 2020-5-1 02:50 AM 發表

長篇大論辛苦你了,你表妹好幸福囉,唔好比較一比起上嚟就覺得自己是不幸運的一個。
都辛苦同多謝你肯睇咁長篇
唔只表妹表姐都好幸福 日日有住家飯食
他媽日日去佢屋企清潔
只有我係咁 我都唔想比較 但個心真的很不舒服
咁多年我在家一直都孝順 比起家姐一直做得多過佢
起碼會帶佢地去玩食飯去旅行
但而家佢地保家姐而放棄我
唔通嫁左就唔係佢女?



引用:
原帖由 KAZ327 於 2020-5-1 06:41 AM 發表



文太長,但係理由十分簡單
因為窮,講錢失感情

人地原本有工開,咁妳有冇俾返錢?

我係工人,陪月,先生,太太,嫲嫲一齊去照顧初生兒

唔夠人可以升級為雙陪月,雙姐姐
都係錢作怪

我亞媽(嫲嫲)話幫,我地都照請陪月 ...
你都講得岩 錢作怪 如果好多錢請幾個工人天下太平
但現實我地做唔到
我媽一星期返一日工咁大把 就算佢過黎幫手 佢都照返
錢我俾得唔多 每人幾千 過時過節 每人各萬八 以我所知我家姐係無俾 最多閒時幾百
而我媽係唔會睇錢份上 因為佢自己有 都食唔晒咁多
佢要咁多幾未又係留返俾你地 所以俾錢佢對佢黎講係無用
最後我都無再俾 因為佢成日將我俾佢d錢掉黎掉去
我老公一人主力搵錢不易 自己無咩錢叫你幫手湊孫多多少少都俾返d 而佢係b出世咁耐 一件衫仔都無買過俾佢

[ 本帖最後由 kismart0423 於 2020-5-1 01:03 PM 編輯 ]



太長無睇晒, 不過係產後抑鬱未過, 生完賀爾蒙影響, 樣樣覺得唔順眼, 容忍力下降, 加上疫症, 所以會諗好多負面野, 基本上點勸都無用, 只會覺得人地唔明白, 靠你自己走出黎, 我有朋友試過生完三年都好唔返, 多D同身邊人傾下心情會好些少 .


引用:
原帖由 kismart0423 於 2020-5-1 12:52 PM 發表


都辛苦同多謝你肯睇咁長篇
唔只表妹表姐都好幸福 日日有住家飯食
他媽日日去佢屋企清潔
只有我係咁 我都唔想比較 但個心真的很不舒服
咁多年我在家一直都孝順 比起家姐一直做得多過佢
起碼會帶佢地去玩食飯去旅行
但而家佢地保家姐而放棄我
唔通嫁左就唔係佢女? ...
唔好咁諗盞自己辛苦,可能係命運嘅安排?



[隱藏]
引用:
原帖由 kismart0423 於 2020-5-1 12:58 PM 發表


你都講得岩 錢作怪 如果好多錢請幾個工人天下太平
但現實我地做唔到
我媽一星期返一日工咁大把 就算佢過黎幫手 佢都照返
錢我俾得唔多 每人幾千 過時過節 每人各萬八 以我所知我家姐係無俾 最多閒時幾百
而我媽係唔會睇錢份上 因為佢自己有 都食唔晒咁多
佢要咁多幾未又係留返俾你地 所以俾錢佢對佢黎講係無用
最後我都無再俾 因為佢成日將我俾佢d錢掉黎掉去
我老公一人主力搵錢不易 自己無咩錢叫你幫手湊 ...
1.妳家姐有冇攞著數係佢既問題
2.妳亞媽想唔想幫妳係佢既決定

接受現實,唔係每個人都會放妳優先
妳覺得唔公平,可以唔俾錢同疏遠佢地



有人自己送上門被KO,CASE 已 CLOSE 心情超舒暢 XD

後記:
總有D輸家唔忿氣不停引你去同佢嘈,再不停兜圈搵漏洞造文章
所以當等到有人送上門被KO之後,要做既就係收工等佢飲恨一世
有期望就有失望!人始終靠自己好啲,不要怕辛苦,做媽媽係咁架啦!自己媽媽肯幫手,係意外驚喜,唔幫手亦唔可以怪佢!放鬆一下自己嘅心神,平衡下情緒,曰子好快過去喇!好好珍惜、同俾心機湊BB!回頭看,一切都冇乜大不了!一定可以攪得掂嘅!找朋友聊天、唔好覺得天唔公平!其實可能你已經好過好多人㗎!加油!!!


時間好快過,不過不同階段有不同苦處,過後回想也是甘的。


引用:
原帖由 藍色海岸線 於 2020-5-1 01:08 PM 發表

太長無睇晒, 不過係產後抑鬱未過, 生完賀爾蒙影響, 樣樣覺得唔順眼, 容忍力下降, 加上疫症, 所以會諗好多負面野, 基本上點勸都無用, 只會覺得人地唔明白, 靠你自己走出黎, 我有朋友試過生完三年都好唔返, 多D同身邊人傾下心情會好些少 . ...
我都覺得係抑鬱未過 有時仲有輕生念頭
當初生完bb個個是我 而樣樣唔順眼個個是佢
我坐月日日俾佢罵到屈係房喊
聽到bb喊行出房門睇下都會俾佢罵
係因為我出黎所以b先愈喊大聲 個時都未敢同佢嘈 只係自己屈住
由細到大因爲順佢意我都唔敢識朋友約同學出街玩
工又無返了 所以都無人講到心事
唯有係度打晒出黎當發洩 最後也要謝謝你



回覆 引用 TOP

引用:
原帖由 icicok 於 2020-5-1 01:18 PM 發表


唔好咁諗盞自己辛苦,可能係命運嘅安排?
或者是也 呀媽成日話我地一個結一個離
可能佢覺得家姐先係陪佢終老個個所以放棄我
係傷心 明明一家人曾經咁好
但當我最需要佢地支持既時候佢地選擇離棄我



[隱藏]
引用:
原帖由 KAZ327 於 2020-5-1 01:22 PM 發表




1.妳家姐有冇攞著數係佢既問題
2.妳亞媽想唔想幫妳係佢既決定

接受現實,唔係每個人都會放妳優先
妳覺得唔公平,可以唔俾錢同疏遠佢地
你講既我都明白 所以我現在只俾錢我爸
佢地唔來我都無要求佢地來 自己頂硬上
明白依個世界無人欠左我 無人有義務對我做任何野
係個心始終好難釋懷 做左孝順女咁多年 一家人曾經係幾咁好 佢地要幫我用盡力去幫 倒返轉 竟然係我跌倒時踩多我兩腳 真是心淡



回覆 引用 TOP

提示:支持鍵盤翻頁左 右
[按此隱藏 Google 建議的相符內容]