• 瀏覽: 20,103
  • 回覆: 143
  • 追帖: 7
[隱藏]
我剛結婚一年,三個月後可以公佈大家眼中既「好」消息,但今晚我終於受不了問自己應唔應該再行落去...我除咗離婚,仲有咩選擇?

我相信會係長文先交代到我既背景同經歷,可能分幾次寫,希望你哋有人會睇同係我好迷惘既時候俾俾意見🙏🏻

我同A拍拖好多年,當年第一次回家佢媽就鬧我,追入房係咁鬧,話我貪佢d錢,大佬住邨屋,(雖然後尾知你有幾層樓收租,咁好有錢咩?)當時我R哂頭,A好保護我,我個刻已經知佢媽係好難搞...

其後佢媽試過兜口兜面話我邊忽唔靚,直頭話好醜樣。我心諗你對眼四邊見眼白,突哂出黎,塊面起角,惡型惡相。老實講我唔係好靚女神樣,但都叫做過model. 當時我知道佢媽好唔識尊重人同無禮貌。

其實開頭我已經講過分手,岩岩開始無咩留戀,何況A真心唔係靚仔,純粹佢好有毅力追左我好耐同對我好好。佢話promise唔俾佢媽亂黎,每次都有番去話佢媽。
可惜,佢用錯方法,每次惱鬧佢呀媽,種下佢媽憎我既種子。

頭幾年既禮數我都做足,大時大節送燕窩同禮盒,眼尾都唔睇唔開,仲要俾說話你聽事小。佢仔夾我陪佢媽食飯飲茶,佢媽煮兩星期煎過既魚無用保鮮紙放入雪櫃到整俾我食,全家都唔肯食,但我講左唔食三次都用佢既唔理人感受既語氣叫我食,開頭俾面先照食,同A講明下不為例!我次次係佢家食完飯都會肚屙。
當時我已經知佢媽好刻薄同自刻,將唔要同垃圾就「送」或「請」人食/要。

佢媽離婚兩次,有一個同父異母既呀哥但感情唔好,唔同住,無朋友,得A理佢。佢呀哥話過去十年佢媽都無中意或佢身邊既女人好過,即使佢結婚前佢媽都同大嫂同人地呀媽鬧大交,真係好痴線! 佢完全係覺得所有女人都係搶走佢個仔,而佢人格衰無朋友,無口德,係屋企每分每秒都唔順眼鬧隔離屋鬧死物鬧電視入面既人,連樓上鄰居冷氣機滴水,有次我聽住佢指住人地咒人全家死,用哂好核突既粗口,咩都用哂出黎,結果無耐樓上個家日日倒臭水落佢d衫度,又劃花佢架車,處處得罪人。

之後盡量避左唔見佢媽。

有次A話佢媽好想去旅行還佢心願,請佢去,叫埋我,我本身話唔去,A哄左好耐話陪佢,當時去佢樣樣唔滿意多多聲氣,度度都話唔去,淨係去親戚屋企傾計但其實佢唔識人地d語言,根本不停: 你好嗎?食飯未? 番黎周圍唱話唔好玩!住得差!我話book兩間房,佢媽又要慳錢唔肯,死都要同一間,我已經勁難為,第一日兩點落床,佢六點入房床尾搵膠袋茶茶聲搞成個鐘! 平時屋企自己醒就勁用力拖對拖鞋拍拍聲係我地房門整醒我地。好自私!但佢訓就鬧人地拖鞋嘈親佢!

佢既衰格野真係好多!
結婚午宴完個晚賴死唔走,自己已經食哂每碟菜!上房仲食哂我留既送,我想同姊妹影下相傾下計等A番黎都唔得!仲要煮埋俾crew淨左既米線食!佢話等A車佢番去?我R哂頭,明明今晚住酒店,我話俾錢佢搭的士,佢話唔要,明明樓下小巴半小時直達屋企!結果A十一點幾先番黎,番到去仲要佢搬野,煲涼茶要佢飲埋先走!其實有咩女人做得出新婚搶人老公咁賤格?

當日逐個捉兄弟派利是,姊妹一個都唔派,A問佢,佢話唔知邊D係姊妹!但佢識逐個姊妹叫人唔好收男家人情,要佢自己收。
最好笑佢人衰,連親戚都封勁少俾佢,基本個個都係俾低於公價,預左倒貼勁多俾佢請既人,唔知佢緊張d咩?得六個親戚,得六個朋友肯黎。

結婚後過門住三日,間屋狗窩咁,一條路行入尾房都無,要跨欄,我預左幫下佢地執屋,佢就想擺款,等佢全日,到下午七點我講左n次開始執野,佢一黎就話你上次執完我搵唔到d野,我煮個面食先!加埋結婚個日明玩野,我嬲到震,原因係你屋咩都係執下就預人入門,其實好唔尊重,我幫手你唔洗欣賞,但你仲嫌棄(講多少少,我上次執只係入左箱過期藥品同一箱可食用食品同藥品,仲寫清楚哂係紙箱上,交低埋俾A聽),放日假想一齊動手執,你玩嘢遲遲唔郁手!

大佬間屋狗窩唔係我住,我住三日無所謂,張台從來唔抹,張報紙吐完骨有汁,掃走去,用到穿lone先鋪張新,餐具唔用洗潔精話環保,每隻都有漬同食物殘渣。地下從來唔掃地吸塵,去親都鼻敏感,訓完覺就塊面出疹。

一直我知關係缺裂左好難修補!我一直忍佢,笑笑口唔出聲,咩不滿同朋友呻,之後慢慢講同解釋俾A聽,A奇在一直覺得佢媽行為舉止無問題又唔話佢,例如飲茶唔好向住籠食物前吐骨吐落籠邊,食完一啖唔岩食放番入碟,呼喝侍應,一慢左就鬧人等等,出街成日大大聲聲講粗口,唔係仆街on9呢d, 咩器官都出哂黎個隻,開心唔開心都係咁!又舉個例,佢見到人地個孫,show張相我地睇,佢會好興奮同大聲:好撚西得意啊!
真人真事!唔係搞笑!
我明我既出現,變相A成日提出好多以前佢唔會提出既問題要佢改善。佢男人表達唔溫柔,可能佢媽更加唔接受。其實出於衛生健康禮貌尊重同禮儀先講出黎。

結婚前都為佢媽考慮好多,分手好多次,一直A對我好好,之間相處好舒服,但係唔知時間愈耐,可能早幾年佢剛剛番香港工作忙少接觸佢媽,後尾多左,A都愈黎愈似佢,多粗口,說話好唔尊重人,諗野自私,d角度同出發點好怪,總之就驚死蝕底,對人無咩同理心(呢個應該由細到大既家教影響)。

無諗過咁大個人都仲會俾人影響到,我知近年佢地晚晚會傾好耐計,溝通多交流多,佢媽影響力自然大。佢愚孝,佢媽話好既野,錯都照順佢應,野蠻無理都照做。

當初結婚前佢應承我唔會同佢媽住,會搬出黎,唔會俾佢媽影響到我,所有承諾都無兌現。當時我已經講明寧願分手都唔會同佢媽住,我地月入十幾萬,根本買樓供樓無問題,但佢媽就夾佢買間極細樓花,21年先收樓,根本夾我地婚後無地方住。當日抽樓講明細單位唔要,根本劏房唔岩我地婚後生b計劃,佢媽當住地產佬面抽樓話唔關我事,係佢仔買,唔洗理我。A真係買左,眼尾都無望我,全程同佢媽商量。(其實我好憎佢成個媽寶聽佢媽點,有冇諗過間屋係我地住,有冇尊重我覺得要我同意?唔好講話朋友老公有d痴線到淨落老婆名,地點買邊有商有量,就近老婆娘家方便照顧咁細心,唔洗你做好?都唔係咁無人性對我!)事後佢有say sorry 包裝話個度點好點好....

婚後佢媽背後又做小動作唔俾A租樓,同時係咁要話好想同佢住,搞到A好難做,然後黎夾我,我企硬唔肯,因為我係佢屋企住都唔想,拍拖住一晚半晚,都係房,聽到佢鬧人把聲就頭痛同情緒好負面,無時停係度鬧人,事事唔滿意,全世界搵佢笨咁。

同A爭拗愈黎愈多,全部關佢媽事....

待續

[ 本帖最後由 firstsight 於 2020-4-19 11:13 AM 編輯 ]



跟住係咪呀A現形


根本唔應該結婚


一定離,媽寶俾唔到幸福你


回覆 引用 TOP

[隱藏]
唔洗睇你待續,直接同你講離婚啦…除非你想一世都俾豬隊友同痴線99折磨。呢種折磨係唔會有改善既一日,只會愈泥愈嚴重。


提示: 作者被禁止或刪除 內容自動屏蔽
你再咁落去好容易抑鬱喎
但你依家有咗b,自己養唔養得掂?



睇你長篇大論的描述,咁點解當初都選擇結婚呢?


我前半生都係咁 , 生埋仔情況都無好 , 最後離婚算 , 後半生先似個人  過得好好 , 早離早超生 . 
以前有諗過等到佢老母拉柴就有好日子, 點知佢超長命 , 離婚後十幾廿年先死 , 好采我無等 , 賤人一定長命 , 所以避開佢係最好 .



[隱藏]
睇左三分一已經覺得好痴線,既然你地月入咁高,搬走本身唔係問題,但你老公太唔識處理,你唔離婚遲早都會癲


引用:
原帖由 藍色海岸線 於 2020-4-19 02:54 PM 發表

我前半生都係咁 , 生埋仔情況都無好 , 最後離婚算 , 後半生先似個人  過得好好 , 早離早超生 . 
以前有諗過等到佢老母拉柴就有好日子, 點知佢超長命 , 離婚後十幾廿年先死 , 好采我無等 , 賤人一定長命 , 所以避開佢係最好 . ...
好難等架,當奶奶60歲,而家好多呀婆九十幾先死



引用:
原帖由 南非王子 於 2020-4-19 03:10 PM 發表




好難等架,當奶奶60歲,而家好多呀婆九十幾先死
我個年代 , D人成日講 , 忍下啦 , 唔忍得好耐 , 始於係老人家 , 真係廢話到癲 , 老公廢 , 仲要忍佢老母 , 算把啦 , 人生有幾多個十年 , 唔好浪費自己時間 .



回覆 引用 TOP

唔洗同住已經好好 我有個親戚婆媳出手打交報埋警 之後仲要繼續同住 依家都仲未離婚 鬥長命


認同離婚,你無可能改變到老人家,亦無可能改善到你的老公,因為佢唔覺得有問題,佢沒有想過要改變。


[隱藏]
引用:
原帖由 firstsight 於 2020-4-19 04:00 AM 發表

我剛結婚一年,三個月後可以公佈大家眼中既「好」消息,但今晚我終於受不了問自己應唔應該再行落去...我除咗離婚,仲有咩選擇?

我相信會係長文先交代到我既背景同經歷,可能分幾次寫,希望你哋有人會睇同係我好迷惘既時候俾俾意見🙏🏻

我同A拍拖好多年,當年第一次回家佢媽就鬧我,追入房係咁鬧,話我貪佢d錢,大佬住邨屋,(雖然後尾知你有幾層樓收租,咁好有錢咩?)當時我R哂頭,A好保護我,我個刻已經知佢媽係 ...
其實第一日見佢呀媽,甘對你,就應該分手



回覆 引用 TOP

提示:支持鍵盤翻頁左 右
[按此隱藏 Google 建議的相符內容]