• 瀏覽: 1,908
  • 回覆: 25
  • 追帖: 3
[隱藏]
有兩個故事想係到放低。

第一個故事係關於一個現年 20 歲既女仔 A。女仔 A 17歲生左個女,中三學歷,拎綜援,有精神病,好易情緒崩潰同埋大聲鬧人。佢因為經歷家暴同個女既爸爸分開。分開後本來靠綜援過活。囡囡依家 3 歲,以我所以知 A 女仔現在同第 3 個男朋友一齊 (1st 個女既爸爸,2nd 又是因為家暴分開)。依家既第三任男友叫呀軍。

呀軍同樣係中三學歷,同樣有精神問題(暴力傾向),打基層工,月入萬四。同左 A 女仔一齊後,再搵左份 part time,每日返兩份工。工餘時間就係處理家事。A 女仔每日只管食訓,同埋係呀軍返左工後照顧B女。呀軍睇落好似好錫 A 女仔咁,但係其實呀軍本身有情緒病因為返兩工太辛苦而經常打罵 A 女仔同埋亂丟屋企 d 野。佢地本身都有睇精神科但就唔肯食精神科藥,到後期直頭懶到唔覆診。佢地係社署資助下都有見社工,輔導員,但係對於家暴問題,佢地既相處仍毫無起色。A 女次次俾人打完就話要分開,唔夠一日就和好返,原因係因為連飯都懶得去買,要呀軍送飯到屋企。

見到佢地情況其實好心痛 A 女,次次俾 A 軍咁打咁鬧法都無法反抗,因為懶惰要靠 A 軍供養同送飯。最慘係個 3 歲女女,咁細個要面對家暴問題,睇住個媽俾人打。

好想勸 A 女同呀軍分開住一排,等呀軍知道再咁對 A 女,A 女係會同佢分手,想繼續一齊就要改同愛錫 A 女兩母女。可惜 A 女唔肯同呀軍分開,分開兩日都唔得,因為每餐都要有人送飯 😪。A 女唔肯改變,其實邊個都幫唔到佢,任何改變現狀既方法 A 女都唔肯試。連輔導員都心淡叫佢地分開因為覺得兩個精神病人係一齊只 = 硬碰硬。

好想幫到佢地,但 A 女唔願意聽人建議同作出改變 - 因為懶。A 女亦因為懶,而唔肯交低個 B 俾親生嫲嫲/公公 或者 呀軍既媽咪 或者 社福機構托管,死攬住個 B 女話因為要湊 B 而返唔到工。

第二個故事

女主叫呀 V, 佢家境一般,接近中產,係獨生女,26 歲。佢個樣生得唔係咁好睇,性格亦幾差,所以好鐘意買名牌野再笑人用 cheap 野去 build up 自信。

唔知點樣,佢識左個係澳洲讀書既男仔 (叫住 Edwin),又係幾樣衰難搵到另一伴既樣,個男仔係香港人黎,都識左幾年。佢地本身見過,主要係 wtsapp 傾計。上年 2019 年個男仔同呀 V 表白,呀 V 因為從未拍過拖而好快答應左。佢出機票飛去澳洲同個男仔拍拖同發生關係。

2019 下半年個男仔讀完書返左黎香港。工作唔算好順利,成日要 V 女貼錢。我覺得 Edwin 到最後一定唔會娶 V 女,所以成日叫 V 女咪鬼貼錢。叫叫下 V 女即頭 unfriend me 話我離間佢地。

係正常人都估到 Edwin 唔會揀 V 女做終生伴侶。我唔知 V 女最後會洗幾錢係 Edwin 身上,亦估計唔到。

呢兩個故事遲早會發展成悲劇,但係我勸唔到事主,我咩都做唔到。只可以默默睇住佢地既故事發展落去...

[ 本帖最後由 楊之金路 於 2020-4-8 06:08 PM 編輯 ]



熱賣及精選
有一種痛苦叫無能為力


回覆 引用 TOP

自作業 不可活


回覆 引用 TOP

社會嘅包袱


回覆 引用 TOP

[隱藏]
事不關己,食開花生


引用:
原帖由 john45 於 2020-4-8 10:47 PM 發表

事不關己,食開花生
當你聽到佢俾人打完既哭喊聲,你食唔落花生



有 D 偏激, 萬事無絕對


Believe that god is fair.
A we missed the time, France.

回覆 引用 TOP

引用:
原帖由 楊之金路 於 2020-4-8 10:57 PM 發表




當你聽到佢俾人打完既哭喊聲,你食唔落花生
你幫唔到佢,搵社工幫佢囉。



提示: 作者被禁止或刪除 內容自動屏蔽
[隱藏]
外人講乜都無用


回覆 引用 TOP

引用:
原帖由 yesgo 於 2020-4-9 12:39 PM 發表


你幫唔到佢,搵社工幫佢囉。
你冇睇清楚個故事。佢地係有社工同輔導員跟緊的。但對件事毫無幫助



可憐之人,必有可恨


回覆 引用 TOP

引用:
原帖由 楊之金路 於 2020-4-9 05:02 PM 發表




你冇睇清楚個故事。佢地係有社工同輔導員跟緊的。但對件事毫無幫助
有社福機構托管佢又唔願意?其實有社工輔導緊應該有啲幫助卦?冇幫助就唔明啦。



呢D叫當局者迷,旁觀者清


回覆 引用 TOP

[隱藏]
呢D叫當局者迷,旁觀者清


回覆 引用 TOP

提示:支持鍵盤翻頁左 右
[按此隱藏 Google 建議的相符內容]