• 瀏覽: 2,695
  • 回覆: 11
  • 追帖: 1
[隱藏]
今朝早做完物理治療啦,下午返到屋企入房訓,正當午睡正眠的時候,突然傳出吵架聲,鬼殺咁嘈,嘈到拆天,於是出去睇一睇,原來我外母同我隻豬乸為口罩爭執,只因隻肥豬乸想比多幾個口罩佢傍身,但係佢唔領情,又話唔使帶又話好安全,又嫌隻肥豬乸囉嗦,我在旁邊正觀唔出聲,心裏暗自開心,希望我外母大巴大巴刮我隻肥豬乸,點知佢地淨係凶狠地鬧點都唔打....仲以為有好戲睇,但老實講啲老人家好多都唔鍾意戴口罩架,你而家要佢日日都帶個口罩出街,又要用搓手液,佢哋會嫌好麻煩,通常都會有磨擦,好彩我外母住得遠,隻肥豬乸又擔心佢搭長途巴士,所以上兩個禮拜才比佢哋嚟我度食飯啊嚟!
大家有冇戴口罩同屋企人有爭執呢?



可能係你外母想留返啲口罩俾你哋用咋


回覆 引用 TOP

肥豬乸 😹


回覆 引用 TOP

已經好好,係親生女同老母嘈,我表姨好辛苦買咗十盒俾佢奶奶,點知佢奶奶話唔會用送哂俾人,結果由初四到宜家,2家人不准見面,直到奶奶自己買到口罩為止,話要俾啲教訓佢。


回覆 引用 TOP

[隱藏]
有同事因為戴口罩問題同奶奶嘈到反晒面,細路冇人湊,要放大假湊仔。


回覆 引用 TOP

好多阿伯又唔戴口罩, 反正買唔到, 買到又貴亦買唔起, 咪唔戴口罩囉! 反正都七老八十唔驚死! 大佬d阿伯周圍咳痰你地累到人呀!


引用:
原帖由 srsv 於 2020-2-13 09:20 PM 發表

好多阿伯又唔戴口罩, 反正買唔到, 買到又貴亦買唔起, 咪唔戴口罩囉! 反正都七老八十唔驚死! 大佬d阿伯周圍咳痰你地累到人呀!
咁又唔係喎,年紀越大越怕死啊,你睇吓出邊排隊呢全部都係公公婆婆嚟㗎,同埋睇我老竇七張幾就知啦,佢以前從來都唔戴口罩架,自從肺炎之後,有一日落街唔記得戴口罩,落到地下才想起,都要撘返升降機上返嚟屋企攞!



回覆 引用 TOP

叫自己老婆做豬乸,自己咪係豬公?


回覆 引用 TOP

引用:
原帖由 何家軍 於 2020-2-12 07:06 PM 發表

今朝早做完物理治療啦,下午返到屋企入房訓,正當午睡正眠的時候,突然傳出吵架聲,鬼殺咁嘈,嘈到拆天,於是出去睇一睇,原來我外母同我隻豬乸為口罩爭執,只因隻肥豬乸想比多幾個口罩佢傍身,但係佢唔領情,又話唔使帶又話好安全,又嫌隻肥豬乸囉嗦,我在旁邊正觀唔出聲,心裏暗自開心,希望我外母大巴大巴刮我隻肥豬乸,點知佢地淨係凶狠地鬧點都唔打....仲以為有好戲睇,但老實講啲老人家好多都唔鍾意戴口罩架,你而家要佢 ...
無,老豆老母都肯帶,當然我覺得落下街可以吾需要帶囉,去人多地方先戴,我自己都係咁!



回覆 引用 TOP

[隱藏]
咁搞笑


回覆 引用 TOP

隨時為左個罩打人


回覆 引用 TOP

引用:
原帖由 何家軍 於 2020-2-12 07:06 PM 發表

今朝早做完物理治療啦,下午返到屋企入房訓,正當午睡正眠的時候,突然傳出吵架聲,鬼殺咁嘈,嘈到拆天,於是出去睇一睇,原來我外母同我隻豬乸為口罩爭執,只因隻肥豬乸想比多幾個口罩佢傍身,但係佢唔領情,又話唔使帶又話好安全,又嫌隻肥豬乸囉嗦,我在旁邊正觀唔出聲,心裏暗自開心,希望我外母大巴大巴刮我隻肥豬乸,點知佢地淨係凶狠地鬧點都唔打....仲以為有好戲睇,但老實講啲老人家好多都唔鍾意戴口罩架,你而家要佢 ...
嫁雞從雞,你叫佢收皮



回覆 引用 TOP

[按此隱藏 Google 建議的相符內容]