• 瀏覽: 1,573
  • 回覆: 2
  • 追帖: 1
[隱藏]
交代下背景先!我係一個準備成年嘅女仔,而家有一個好錫我嘅男朋友👀
雖然而家男朋友對我好好,但其實我曾經都比人hurt得好深
喺我中一嗰年,我識到我同級嘅初戀
由曖昧到正式確立關係之後都好sweet,每日都有傾電話,直到佢比屋企人發現咗佢拍拖
好啦,發現咗佢拍拖之後就沒收咗佢部手機,因為我同佢係喺中一升中二嘅暑假一齊,所以佢比人收咗手機之後個幾月冇聯絡
雖然個幾月冇聯絡,但我一直都冇放棄,喺暑假期間寫咗好多信比佢,諗住開學之後交比佢
但點知,喺開學嘅第一日,佢個朋友同我講話佢想分手
我自問係一個好重感情嘅人,所以之後嘅每一日我都有喊,不停諗返起同佢一齊嘅回憶
喺呢段時間入面我識咗一個都係同校嘅好閨蜜,佢都鐘意我初戀男友,仲要係同一班,過咗一段日子之後佢哋一齊咗
個心自然係好痛,因為我閨蜜每日都不停係咁同我講佢哋之間嘅事,佢亦都知道我未放低我初戀男友
過咗半年左右,佢哋分咗手
喺佢哋分咗手之後我初戀男友搵返我,話想同返我一齊
嗰陣我以為自己嘅等待終於得到回報,殊不知,佢只係搵我攝時間
如是者,我哋分分合合咗好多次,但冇一次係公開比其他人知
我都算一個冇乜安全感嘅人,但為咗佢,我唔介意冇得公開
我等咗佢5年,分分合合咗6次
每一嘅分開,我都用咗好長時間去克服,望住佢有其他女朋友,仲要每一個都係我嘅朋友,其實都幾辛苦
所以,為咗佢,我曾經自殘
到2019年嘅6,7月左右,佢又搵返我,話咩諗返起之前同我經歷過嘅嘢會唔開心,想一齊返
但今次,我拒絕咗
以前我咁犯賤,可能係因為係初戀,所以特別深刻先唔想放手
但呢5年嘅傷害,我終於睇清楚咗呢個人,我選擇放過自己
到而家,佢有一個新嘅女朋友,佢會喺ig tag 嗰個女仔,會公開佢哋嘅關係
而從來,只有我一個不被公開
我用咗5年時間同6次嘅傷害去令佢成長,變成一個負責任嘅人
其實都可笑,但而家見到佢係認真咁拍拖,我都覺得係值得

我同而家嘅男朋友係frd搭frd咁識嘅,佢會當我好似小朋友咁寵,好錫我,成日比驚喜我,好重視我

所以,無論你哋曾經經歷咗啲咩都好,千奇唔好放棄,唔好失去希望
因為你嘅命中註定,可能已經喺下個路口等緊你哋

最後,祝願睇到呢度嘅你哋都能被世界溫柔地對待



熱賣及精選
引用:
原帖由 黃昏永恆的信箱 於 2020-2-11 08:49 PM 發表

交代下背景先!我係一個準備成年嘅女仔,而家有一個好錫我嘅男朋友👀
雖然而家男朋友對我好好,但其實我曾經都比人hurt得好深
喺我中一嗰年,我識到我同級嘅初戀
由曖昧到正式確立關係之後都好sweet,每日都有傾電話,直到佢比屋企人發現咗佢拍拖
好啦,發現咗佢拍拖之後就沒收咗佢部手機,因為我同佢係喺中一升中二嘅暑假一齊,所以佢比人收咗手機之後個幾月冇聯絡
雖然個幾月冇聯絡,但我一直都冇放棄, ...
然後變咗直通車到咗 終點站



回覆 引用 TOP

提示: 作者被禁止或刪除 內容自動屏蔽
[按此隱藏 Google 建議的相符內容]